សុខភាព - អប់រំ សុខភាព

19/09/2022 - 14:41

បាកលីវ ជំរុញមាំការងារបង្ការ ប្រឆាំងជំងឺគ្រុនឈាម

ចំពោះមុខស្ថានភាពជំងឺគ្រុនឈាមមានការប្រែប្រួលយ៉ាងស្មុគស្មាញ ចំនួនករណីកើតជំងឺគ្រុនឈាមនៅខេត្តបាកលីវមាននិន្នាការកើនឡើង ផ្នែកសុខាភិបាលខេត្តកំពុងខិតខំគ្រប់គ្រងស្ថានភាព មិនឱ្យជំងឺឆ្លងរាលដាលរហ័ស។

ចំនួនអ្នកជំងឺគ្រុនឈាមកំពុងសម្រាកព្យាបាលនៅមន្ទីរពេទ្យពហុព្យាបាលខេត្តបាកលីវ កើនឡើងពីមួយថ្ងៃទៅមួយថ្ងៃ។

យោងតាមមជ្ឈមណ្ឌលត្រួតពិនិត្យជំងឺខេត្តបាកលីវ មកទល់បច្ចុប្បន្ន ខេត្តមានករណីកើតជំងឺគ្រុនឈាមជិត ១.០០០ ករណី។ ក្នុងនោះ ចំនួនករណីកើតជំងឺលើមនុស្សពេញវ័យមានអត្រាខ្ពស់ជាងលើកុមារ។ តាមព័ត៌មានពីមន្ទីរពេទ្យពហុព្យាបាល ខេត្តបាកលីវ មកទល់បច្ចុប្បន្ន មានអ្នកជំងឺគ្រុនឈាមចូលសម្រាកព្យាបាលនៅមន្ទីរពេទ្យជាង ៥០០ នាក់ ក្នុងនោះ មនុស្សពេញវ័យជិត ៣០០ នាក់។ វេជ្ជបណ្ឌិត ក្វាច់វ៉ាន់លឹក ប្រធានផ្នែកប្រពោធកម្មនិងបន្សាបជាតិពុលនៃមន្ទីរពេទ្យពហុព្យាបាលខេត្តបាកលីវ ឱ្យដឹង៖ “បច្ចុប្បន្ន អត្រាកើតជំងឺគ្រុនឈាមលើមនុស្សពេញវ័យចូលសម្រាកព្យាបាលនៅមន្ទីរពេទ្យមានអត្រា ៦០% ចំណែកលើកុមារត្រឹមតែ ៤០% ប៉ុណ្ណោះ។ ក្រោយពីការតាមដាន ឃើញថាអ្នកជំងឺភាគច្រើននៅមានការធ្វេសប្រហែសចំពោះជំងឺគ្រុនឈាម។ ពេលដឹងថាខ្លួនឈឺ អ្នកជំងឺតែងទៅទិញថ្នាំមកលេបព្យាបាលដោយខ្លួនឯង រហូតដល់ពេលមានអាការៈហូរឈាមខុសធម្មតាទើបចូលមន្ទីរពេទ្យ។ នេះក៏ជាមូលហេតុបណ្ដាលឱ្យចំនួនករណីជំងឺធ្ងន់កើនឡើងឆាប់រហ័ស”។ វេជ្ជបណ្ឌិត ក្វាច់វ៉ាន់លឹក ក្រើនរំលឹក ពេលមានអាការៈគ្រុនអូសអន្លាយ ត្រូវប្រញាប់ទៅកាន់មូលដ្ឋានសុខាភិបាលដើម្បីពិនិត្យធ្វើរោគវិនិច្ឆ័យឆាប់រកឃើញជំងឺ។ នេះជាជំងឺគ្មានថ្នាំព្យាបាល ម្ល៉ោះហើយអ្នកជំងឺដាច់ខាតមិនត្រូវទិញថ្នាំបញ្ចូលសេរ៉ូមព្យាបាលនៅផ្ទះ។ ប្រជាជនមិនត្រូវធ្វេសប្រហែស ដ្បិតអីនេះជាជំងឺគ្រោះថ្នាក់ខ្លាំងណាស់ និងមានការប្រែប្រួលយ៉ាងឆាប់ បណ្ដាលឱ្យបាត់បង់ជីវិតក្នុងរយៈពេលខ្លី។

មន្ទីរសុខាភិបាលខេត្តបាកលីវ បានសំណូមពរដល់មន្ទីរពេទ្យថ្នាក់ខេត្ត ដូចជា មន្ទីរពេទ្យពហុព្យាបាលខេត្តបាកលីវ; មជ្ឈមណ្ឌលត្រួតពិនិត្យជំងឺខេត្ត; មន្ទីរពេទ្យយោធានិងប្រជាជនខេត្តបាកលីវ; មន្ទីរពេទ្យពហុព្យាបាលថាញវូ–Medic បាកលីវ។ល។ ត្រូវរៀបចំឱ្យបានល្អការទទួលនិងព្យាបាលដល់អ្នកជំងឺ កាត់បន្ថយទាបបំផុត អត្រាបាត់បង់ជីវិតដោយសារជំងឺគ្រុនឈាម និងមានផែនការបណ្ដុះបណ្ដាល ហ្វឹកហ្វឺន វិជ្ជាជីវៈបច្ចេកទេសដល់មន្ទីរពេទ្យថ្នាក់ក្រោម។ ត្រៀមជាស្រេចសម្ភារៈ ថ្នាំ ឧបករណ៍សម្រាប់ទទួលនិងព្យាបាលដល់អ្នកជំងឺគ្រុនឈាមកម្រិតធ្ងន់។

លោកប៉ុយក្វឹកណាម នាយកមន្ទីរសុខាភិបាល បានសំណូមពរ៖ “មជ្ឈមណ្ឌលត្រួតពិនិត្យជំងឺខេត្ត និងមជ្ឈមណ្ឌលសុខាភិបាល ស្រុក ទីរួមខេត្ត ក្រុង ត្រូវចង្អុលការម៉ឺងម៉ាត់ ដល់ភូមិភាគនានា ពិសេសគឺតំបន់ឆ្ងាយពីសេវាកម្មសុខាភិបាល តំបន់ជនរួមជាតិខ្មែរ តំបន់ធ្លាប់មានសម្បុករោគ។ល។ ត្រូវជំរុញមាំការផ្សព្វផ្សាយ ចលនា ណែនាំប្រជាជនម្ចាស់ការចូលរួមបង្ការ ប្រឆាំងជំងឺគ្រុនឈាម។ ព្រមជាមួយនោះ ផ្សព្វផ្សាយអនុវត្តឱ្យបានខ្លាំងក្លា និងប្រសិទ្ធភាពរាល់យុទ្ធនាការកម្ចាត់ដង្កូវទឹក អនាម័យបរិស្ថាន ប្រមូលកាក់សំណល់សំរាម សម្ភារៈប្រើប្រាស់ដែលដាក់ចោលរាយប៉ាយ កន្លែងទឹកដក់ នៅក្នុងនិងជុំវិញផ្ទះ។ល។ វិនិច្ឆ័យដាច់ស្រឡះសម្បុករោគ ១០០% ធានាត្រូវតាមសង្វាក់បច្ចេកទេស មានការវាយតម្លៃសន្ទស្សន៍វុិចទ័រមុននិងក្រោយបាញ់ថ្នាំកម្ចាត់មូស។ ចំពោះតំបន់មានហានិភ័យកើតជំងឺខ្ពស់គឺត្រូវបាញ់គីមីកម្ចាត់មូស បង្ការ ប្រឆាំងជំងឺគ្រុនឈាម ធានាមិនឱ្យជំងឺឆ្លងរាលដាលពាសពេញ”៕

យ្វីអាញ-ថាច់ធី

ចែករំលែកអត្ថបទ

ពាក្យគន្លឹះ