16/09/2022 - 10:21

ត្រៀម​សម្ដែង​សិល្បៈ​បម្រើ​ក្នុង​ឱកាស​បុណ្យ​សែន​ដូន​តា

តាម​ផែន​ការ​ កម្ម​វិធី​សម្ដែង​សិល្បៈ​បម្រើ​ក្នុង​ឱកាស​បុណ្យ​សែន​ដូន​តា បាន​ទូរ​ទស្សន៍​ផ្សាយ​ផ្ទាល់​នៅ​វត្ត​ពោធិ​ថ្លឹង​ ស្រុក​កេ​សាច់ ម្ល៉ោះ​ហើយ​ក្រុម​សិល្បៈ​ខ្មែរ​ខេត្ត​សុក​ត្រាំង​ បាន​ត្រៀម​នូវ​កម្ម​វិធី​សិល្បៈ​ជា​ច្រើន​សម្រាប់​សម្ដែង​បម្រើ​ក្នុង​ឱកាស​បុណ្យ​សែន​ដូន​តា ដើម្បី​មា​មីង​ទទួល​អំ​ណរ​បុណ្យ​ប្រ​កប​ដោយ​ភាព​សុខ​ដុម​រមនា និង​សប្បាយ​រីក​រាយ​។​ 

ក្រុម​សិល្បៈ​ខ្មែរ​ខេត្ត​សុក​ត្រាំង​ ត្រៀម​សម្ដែង​សិល្បៈ​បម្រើ​ក្នុង​ឱកាស​បុណ្យ​សែន​ដូន​តា។​ 

សិល្បករ​ សិប្ប​ករ តន្រ្តី​ករ​របស់​ក្រុម​សិល្បៈ​ខ្មែរ​ខេត្ត​សុក​ត្រាំង​ បាន​រៀប​ចំ​ហាត់​សម​ដើម្បី​សម្ដែង​សល្បៈ​បម្រើ​ក្នុង​ឱកាស​បុណ្យ​សែន​ដូន​តា​ឱ្យ​បាន​ល្អ​។​ សិល្ប​ការិនី ស្រី​មុំ ឱ្យ​ដឹង​៖ "បន្ទាប់​ពី​ឈប់​សម្រាក​អស់​មួយ​រយៈ​ដោយ​សារ​ជំងឺ​ COVID-១៩ ឥឡូវ​បុណ្យ​សែន​ដូន​តា​ទើប​មាន​ឱកាស​សម្ដែង​សិល្បៈ​បម្រើ​មាមីង​ខ្មែរ​ទស្សនា​ ម្ល៉ោះ​ហើយ​ នាង​ខ្ញុំ​ត្រូវ​យក​ចិត្ត​ទុក​ដាក់​ក្នុង​ការ​ហាត់​សម​; ពិសេស​ គឺ​ល្ខោន​យូរ​កេរ​ ត្រូវ​ហាត់​សម​ឡើង​វិញ​ឱ្យ​បាន​ហ្មត់​ចត់​ ចាំ​ស្ទាត់​បទ​ចម្រៀង​ កាយ​វិការ​និង​សាច់​រឿង​ ដើម្បី​សម្ដែង​តួ​នីមួយ​ៗ​ឱ្យ​បាន​ល្អ​។​ ក្នុង​កម្ម​វិធី​សិល្បៈ​ដែល​ទូរ​ទស្សន៍​ផ្សាយ​ផ្ទាល់​អំ​ណរ​បុណ្យ​សែន​ដូន​តា នាង​ខ្ញុំ​ចូល​រួម​សម្ដែង​ ៣ឈុត​ ម្ល៉ោះ​ហើយ​នេះ​ជា​ក្ដី​សោ​មនស្ស​រីក​រាយ​សម្រាប់​នាង​ខ្ញុំ​"។​ រៀង​រាល់​ថ្ងៃ​ ពេល​ព្រឹក​ចាប់​ពីម៉ោង​ ៧ កន្លះ​រហូត​ដល់​ម៉ោង​ ១១ និង​ពេល​រសៀល​ចាប់​ពីម៉ោង​ ១៣ កន្លះ​រហូត​ដល់​ម៉ោង​ ១៦កន្លះ​ គឺ​សិល្បករ​ សិប្ប​ករ តន្រ្តីករ​របស់​ក្រុម​ តែង​មក​ជួប​ជុំ​គ្នា​ដើម្បី​ហាត់​សម​។​ 

នាដ​ការិ​នី ទ្រីវ​ធី​ភឿង ឱ្យ​ដឹង​៖ "កាល​ពី​មុន​ ខ្ញុំ​ច្រើន​សម្ដែង​តួរង ឆ្នាំ​នេះ​បាន​សម្ដែង​តួឯក​ក្នុង​ឈុត​របាំនានា​ មាន​ដូច​៖ របាំ​អប្សរា​ រីក​រាយ​ថ្ងៃ​បុណ្យ​សែន​ដូន​តា។​  ក្រោយ​រយៈ​ពេល​ជិត​កន្លះ​ខែ​ហាត់​សម​ ឃើញ​ថា​ កាយ​វិការ​មាន​ភាព​ល្វត់ល្វន់​ឡើង​វិញ​។​ ថ្មី​ៗ​ ក្រុម​បាន​សាក​ល្បង​ដំ​ឡើង​កម្ម​វិធី​ ហើយ​ត្រូវ​បាន​វាយ​តម្លៃ​ខ្ពស់​ ម្ល៉ោះ​ហើយ​ក្នុង​ឱកាស​បុណ្យ​សែន​ដូន​តា​ឆ្នាំ​នេះ​ យើង​ខ្ញុំ​នឹង​នាំ​យក​បទ​ចម្រៀង​ និង​របាំ​ដែល​ដិត​ដាម​ដោយ​វប្ប​ធម៌​ប្រ​វេណី​ថ្ងៃ​បុណ្យ​សម្ដែង​បម្រើ​ជូន​មាមីង​។​ ការ​ដែល​បាន​ចូល​រួម​សម្ដែង​សិល្បៈ​បម្រើ​ក្នុង​ថ្ងៃ​បុណ្យ​របស់​ជន​ជាតិ​ គឺ​ជា​ក្ដី​សោ​មនស្ស​រីក​រាយ​និង​កិត្តិ​យស​សម្រាប់​យើង​ខ្ញុំ​"។​ 

លោក​លុក​ថាញ​ហ៊ីប អនុប្រ​ធាន​ក្រុម​សិល្បៈ​ខ្មែរ​ខេត្ត​សុក​ត្រាំង​ ឱ្យដឹង​៖ "កម្ម​វិធី​សិល្បៈ​សម្ដែង​បម្រើ​ក្នុង​ឱកាស​បុណ្យ​សែន​ដូន​តាឆ្នាំ​នេះ​ បាន​ទូរ​ទស្សន៍​ផ្សាយ​ផ្ទាល់​នៅ​វត្ត​ពោធិ​ថ្លឹង​ ដូច្នេះ​ក្រុម​សិល្បៈ​យើង​ខ្ញុំ​ចូល​រួម​សម្ដែង​ចំ​នួន​ ៩ ឈុត​។​ យើង​ខ្ញុំ​នៅ​ទាំង​សហ​ការ​ជា​មួយ​នឹង​ស្ថា​នីយ​វិទ្យុ​និង​ទូរ​ទស្សន៍​ខេត្ត​សុក​ត្រាំង​ថត​កម្ម​វិធី​សិល្បៈ​ ល្ខោន​យូរ​កេរ​សម្រាប់​ចាក់​ផ្សាយ​រយៈ​ពេល​ ៣ ថ្ងៃ​នៃ​ពិធី​បុណ្យ​ភ្ជុំ​បិណ្ឌ​សែន​ដូន​តាទៀត​ផង​"។​ 

យ្វីអា​ញ - ថាច់​ធី

ចែករំលែកអត្ថបទ