ព្រឹត្តិការណ៍ - នយោបាយ ព្រឹត្តិការណ៍

12/09/2022 - 14:56

ហ្វឹកហ្វឺនបំណិនផ្សព្វផ្សាយ អប់រំច្បាប់ដល់ជនរួមជាតិភាគតិចតំបន់វាលរាបទន្លេគឺវឡុង

គណៈកម្មាធិការជនជាតិ ទើបរៀបចំកិច្ចប្រជុំហ្វឹកហ្វឺនបំណិនផ្សព្វផ្សាយ អប់រំច្បាប់ដល់ជនរួមជាតិភាគតិចតំបន់វាលរាបទន្លេគឺវឡុង នៅក្រុងកឹងធើ។ អ្នកតំណាងចូលរួមក្នុងកិច្ចប្រជុំ មានតំណាងនាយកដ្ឋាន អង្គភាពមួយចំនួនស្ថិតក្រោមឱវាទគណៈកម្មាធិជនជាតិ តំណាងស្ថាប័ន បម្រើការងារជនជាតិថ្នាក់ខេត្ត ស្រុក ទាំង ៩ ចំណុះខេត្ត-ក្រុងក្នុងតំបន់ ព្រមទាំងអ្នកតំណាងប្រមាណ ២០០ នាក់ ដែលជាអ្នកសម្រុះសម្រួលនៅមូលដ្ឋាន ឃោសនិកច្បាប់ អ្នកមានប្រជាប្រិយនិងអ្នកមុខអ្នកការសាសនា។

អ្នកតំណាងចូលរួមអាន “សៀវភៅផ្សព្វផ្សាយច្បាប់សម្រាប់ជនរួមជាតិភាគតិច” ទ្វេភាសាវៀតណាម-ខ្មែរ ដោយបានគណៈកម្មាធិការរៀបចំផ្តល់ជូននៅក្នុងកិច្ចប្រជុំ។

ក្នុងរយៈពេល ២ ថ្ងៃហ្វឹកហ្វឺន អ្នកតំណាងចូលរួមបានស្តាប់អ្នករាយការណ៍លើកឡើងពីលក្ខណៈមូលដ្ឋានមួយចំនួននៃបំណិនផ្សព្វផ្សាយ អប់រំច្បាប់ ពិសេសនៅតំបន់ជនជាតិភាគតិចដោយទម្រង់ផ្សព្វផ្សាយ អប់រំច្បាប់ដែលអនុវត្តជាទូទៅ។ តួយ៉ាងដូចជា៖ ការឃោសនាផ្សព្វផ្សាយដល់ជនរួមជាតិភាគតិចដោយផ្ទាល់មាត់ ការផ្សព្វផ្សាយ អប់រំច្បាប់តាមរយៈសកម្មភាពសហគមន៍; បំណិនផ្សព្វផ្សាយតាមរយៈការសម្រុះសម្រួលនៅមូលដ្ឋាន នៅពេលដោះស្រាយក្ដីក្ដាំនិងវិវាទទាស់ទែង; អនុវត្តការប្រែក្លាយឌីជីថលក្នុងការផ្សព្វផ្សាយ អប់រំច្បាប់នៅតំបន់ជនរួមជាតិភាគតិច...៕

យោង៖ baodantoc.vn - ទីទុយ

ចែករំលែកអត្ថបទ

ពាក្យគន្លឹះ