សុខភាព - អប់រំ សុខភាព

01/08/2022 - 15:08

អនុវត្តល្អការងារបង្ការប្រឆាំងជំងឺរាតត្បាត

ដំណាក់សុខាភិបាលឃុំដាយអឹង ២ ស្រុកត្រឹងដេ ខេត្តសុកត្រាំង អនុវត្តល្អការងារបង្ការប្រឆាំងជំងឺរាតត្បាត និងថែទាំសុខភាពបឋមជូនប្រជាជន។

បុគ្គលិកនៃដំណាក់សុខាភិបាលឃុំដាយអឹង ២ ចាក់វ៉ាក់សាំងបង្ការជំងឺ COVID-១៩
ដូសទី ៤ ជូនប្រជាជន។

ដំណាក់សុខាភិបាលឃុំដាយអឹង ២ បើកយុទ្ធនាការកម្ចាត់ដង្កូវទឹក ព្រមទាំងសហការជាមួយនឹងសហការីសុខាភិបាល ផ្សព្វផ្សាយអំពីការងារបង្ការប្រឆាំងជំងឺរាតត្បាត មានដូច៖ ជំងឺគ្រុនឈាម ជំងឺពងដៃ-ជើង-មាត់ និងជំងឺ COVID-១៩។ល។ មកទល់ពេលនេះ ដំណាក់សុខាភិបាលឃុំ បើកយុទ្ធនាការកម្ចាត់ដង្កូវទឹកលើភូមិសាស្ត្រឃុំបាន ២ លើក; កម្ចាត់សម្បុករោគគ្រុនឈាម និងពងដៃ-ជើង-មាត់ ទាំង ១០០% ពេលកើតមានឡើង។ យោងតាមប្រសាសន៍ លោកឡេត្រឹងហ្វៀង អនុប្រធានដំណាក់សុខាភិបាលឃុំដាយអឹង ២ ប្រជាជនតែងស្របគំនិតសហការជាមួយនឹងបុគ្គលិកសុខាភិបាល ក្នុងការផ្សព្វផ្សាយអនុវត្តនូវវិធានការបង្ការប្រឆាំងជំងឺ មានដូច៖ កម្ចាត់ដង្កូវទឹក ព្រលែងត្រី ៧ ពណ៌ក្នុងពាងទឹក សម្អាតបរិស្ថានជុំវិញផ្ទះ; រក្សាអនាម័យឱ្យកុមារ។ល។ ក្រៅពីនោះ ប្រជាជននៅទាំងមានស្មារតីខ្ពស់ក្នុងការចាក់វ៉ាក់សាំងបង្ការជំងឺ COVID-១៩។ ហេតុនេះ លើភូមិសាស្ត្រឃុំធានាសម្រេចភាគកម្រិតនិងសម្រេចតាមល្បឿននៃដំណើរការចាក់វ៉ាក់សាំងបង្ការជំងឺ COVID-១៩ ដូសទី ៤ ។ លោកឡេត្រឹងហ្វៀង ឱ្យដឹង៖ “មកទល់ពេលនេះ ដំណាក់សុខាភិបាលឃុំដាយអឹង ២ កត់សម្គាល់ជំងឺគ្រុនឈាមត្រឹមតែ ១៣ ករណីជំងឺពងដៃ-ជើង-មាត់ ៤ ករណីប៉ុណ្ណោះ ពុំមានករណីបាត់បង់ជីវិតឡើយ។ ចំពោះតំបន់ដែលកើតមានជំងឺ (សម្បុករោគតូចៗ) ដំណាក់ចុះទៅកម្ចាត់ដង្កូវទឹកនិងបាញ់ថ្នាំគីមី មិនទុកឱ្យជំងឺឆ្លងរាលដាល។ អាស្រ័យម្ចាស់ការក្នុងការផ្សព្វផ្សាយ គួបផ្សំនឹងប្រជាជនមានស្មារតីខ្ពស់ក្នុងការបង្ការ ប្រឆាំងជំងឺរាតត្បាត ដូច្នេះនៅលើភូមិសាស្ត្រឃុំពុំទាន់កើតមានសម្បុករោគធំៗណាមួយឡើយ”។

ដំណាក់សុខាភិបាលឃុំដាយអឹង ២ នៅទាំងអនុវត្តល្អការងារពិនិត្យ ព្យាបាលជំងឺដល់ប្រជាជន មធ្យមភាគជារៀងរាល់ខែ ដំណាក់សុខាភិបាលឃុំទទួលពិនិត្យនិងផ្តល់ថ្នាំដល់អ្នកជំងឺប្រមាណជាង ៥.០០០ លើកនាក់។ ប្រជាជនភាគច្រើនមកពិនិត្យជំងឺប្រើប័ណ្ណធានារ៉ាប់រងសុខាភិបាល; ហើយភាគច្រើនគឺប្រភេទជំងឺធម្មតា ដូច៖ សម្ពាធឈាមខ្ពស់ ទឹកនោមផ្អែម ផ្តាសាយ គ្រុនក្តៅ ក្អក។ល។ ទន្ទឹមនឹងនោះ ដំណាក់សុខាភិបាលឃុំនៅទាំងអនុវត្តល្អកម្មវិធីទិសដៅជាតិអំពីសុខាភិបាល។ ជារៀងរាល់ឆ្នាំ មានកុមារជិត ១០០% ឋិតក្នុងកម្រិតអាយុត្រូវចាក់វ៉ាក់សាំងបានចាក់គ្រប់សព្វ; កុមារឋិតក្នុងកម្រិតអាយុ បានផឹកវីតាមីន A និងបានពិគ្រោះអាហារូបត្ថម្ភ ១០០% ។ល។

លោកត្រាថឿង មកពិនិត្យជំងឺនៅដំណាក់សុខាភិបាលឃុំដាយអឹង ២ ឱ្យដឹង៖ “ខ្ញុំមានជំងឺសម្ពាធឈាមខ្ពស់ ដូច្នេះមកដំណាក់សុខាភិបាលឃុំដើម្បីពិនិត្យនិងទទួលថ្នាំពេទ្យជារៀងរាល់ខែ។ គ្រូពេទ្យនៅទីនេះ និយាយស្តីរួសរាយ រាក់ទាក់ សាកសួរពីសុខភាពណែនាំយ៉ាងម៉ត់ចត់ពីរបៀបលេបថ្នាំ សម្រាកឱ្យបានគ្រប់គ្រាន់ ដើម្បីធានាសុខភាព។ ពិសេសគឺ ជួយណែនាំអស់ពីចិត្តក្នុងការបង្ការប្រឆាំងជំងឺរាតត្បាត និងកៀរគរប្រជាជនចាក់វ៉ាក់សាំងបង្ការជំងឺ COVID-១៩ ដូសទី ៤ ។ ខ្ញុំស្តាប់និងធ្វើតាមការណែនាំរបស់គ្រូពេទ្យ ទៅចាក់វ៉ាក់សាំងដូសទី ៤ រួចរាល់ ដើម្បីការពារសុខភាពផ្ទាល់ខ្លួននិងសហគមន៍”៕

 លីធាន-មុនី

ចែករំលែកអត្ថបទ

ពាក្យគន្លឹះ