មហាសាមគ្គីជនជាតិ គំរូក្នុងសហគមន៍

18/07/2022 - 14:38

អ្នក​អស់​ពីចិត្ត​នឹង​ភូមិ​ស្រុក​

លោក​ឡឹម​សឿន​ នៅ​ភូមិ​ទ្រុង​ហ្វា ឃុំ​ត្វឹង​ទឹក​ ស្រុក​ថាញ់​ទ្រី ខេត្ត​សុក​ត្រាំង​ ជា​អ្នក​មាន​ប្រ​ជា​ប្រិយ​គំ​រូ​ តែង​បាន​មា​មីង​ខ្មែរ​ទំ​នុក​ចិត្ត​ គោរព​រាប់​អាន។​

លោក​ឡឹម​សឿន​ ពិភាក្សា​ជាមួយ​មាមីង​ខ្មែរ​អំ​ពី​ការ​ធ្វើ​បុណ្យ​ទាន​ឱ្យ​សម​ស្រប
​នឹង​ស្ថាន​ភាព​សេដ្ឋ​កិច្ច​គ្រួ​សារ​។​

លោក​ឡឹម​សឿន​ ចលនា​មាមីង​ខ្មែរ​រស់​នៅ​សាមគ្គី​ ជួយ​គ្នា​ទៅ​វិញ​មក​ក្នុង​គ្រាលំ​បាក​។​ បំ​ផុត​គឺ​ក្នុង​អំ​ឡុង​ពេល​ជំងឺ​ COVID-១៩ កន្លង​ហើយ​ គាត់​និង​គណៈ​កម្ម​ការ​វត្ត​ចលនា​មាមីង​រួម​វិភាគ​ទាន​អង្ករ​បាន​ជាង​ ១០ តោន​ ដើម្បី​ជួយ​គ្រួ​សារ​ដែល​មាន​ស្ថាន​ភាព​លំ​បាក​។​ លោក​ឡឹម​សឿន​ នៅ​ទាំង​ខ្នះ​ខ្នែង​ចូល​រួម​ផ្សព្វ​ផ្សាយ​ចលនា​ជន​រួម​ជាតិ​ខ្មែរ​ ពង្រីក​និង​អភិរក្ស​អត្ត​សញ្ញាណ​វប្ប​ធម៌​ជន​ជាតិ​។​ លោក​ឡឹម​សឿន​ រៀប​រាប់​៖ “ខ្ញុំ​ធ្លាប់​បាន​បួស​រៀន​ ទើប​ខ្ញុំ​មាន​ការ​យល់​ដឹង​ខ្លះ​ៗ​អំ​ពី​លក្ខណៈ​វប្ប​ធម៌​ ទំ​នៀម​ទម្លាប់​របស់​ជន​រួម​ជាតិ​ខ្មែរ​ ដូច្នេះ​មាមីង​មាន​ទំ​នុក​ចិត្ត​។​ ហេតុ​នេះ​ ខ្ញុំ​តែង​ផ្សព្វ​ផ្សាយ ចលនា​មាមីង​ខ្មែរ​អនុវត្ត​ល្អ​គោល​ការ​ណ៍​របស់​បក្ស​ គោល​នយោ​បាយ​ ច្បាប់​របស់​រដ្ឋ​។​ ពិសេស​ នៅ​ពេល​ព្រះ​ចៅ​អធិ​ការ​ គណៈ​កម្ម​ការ​វត្ត​និង​មាមីង​ចំ​ណុះ​ជើង​វត្ត​ តែង​តាំង​ធ្វើ​ជា​អា​ចារ្យ​វត្ត​ ខ្ញុំ​តែង​ចលនា​មាមីង​ខ្មែរ​ធ្វើ​បុណ្យ​ទាន​តាម​សទ្ធា​ជ្រះ​ថ្លា​ ជម្រុះ​ចោល​នៅ​អ្វី​ដែល​មិន​ចាំ​បាច់​ ប៉ុន្តែ​នៅ​តែរក្សា​វប្ប​ធម៌​ប្រ​ពៃណី​របស់​ជន​ជាតិ​; មិន​គួរ​ប្រ​កាន់​យក​អបិយ​ជំនឿ​ធ្វើ​ឱ្យ​ប៉ះ​ពាល់​ដល់​ការ​រស់​នៅ​”។​

ទន្ទឹម​នឹង​នោះ​ លោក​ឡឹម​សឿន​ នៅ​ទាំង​ពូកែ​ក្នុង​ការ​ងារ​សម្រប​សម្រួល​ករណី​វិវាទ​ទាស់​ទែង​គ្នា​ក្នុង​ជន​រួម​ជាតិ​ខ្មែរ​; ចូល​រួម​ក្នុង​ការ​អប់​រំ​យុវ​ជន​ដែល​ប្រ​ព្រឹត្ត​ជ្រុស​ជ្រួល​ត្រឡប់​មក​រស់​នៅ​ក្នុង​សហ​គមន៍។​ បង​លី​ថាំង នៅ​ភូមិ​ទ្រុង​ហ្វា ឱ្យ​ដឹង​៖ “លោក​អ៊ំ​ឡឹម​សឿន​ ជា​អ្នក​មាន​ប្រ​ជា​ប្រិយ​បំ​ផុត​ ហើយ​គ្រួ​សារ​របស់​គាត់​តែង​ធ្វើ​គំ​រូ​ឱ្យ​មាមីង​ក្នុង​ភូមិ​ស្រុក​។​ ស្តាប់​តាម​ការ​ណែនាំ​របស់​គាត់​ ខ្ញុំ​ក៏​ឱ្យ​កូន​ចុះ​ឈ្មោះ​ទៅ​រៀន​របរ ទើប​ឥឡូវ​នេះ​កូន​ខ្ញុំ​មាន​ការ​ងារ​ធ្វើ​ រកបាន​ប្រាក់​ចំ​ណូល​លំ​នឹង​ លើក​ស្ទួយ​ជីវ​ភាព​គ្រួ​សារ​។​ លោក​អ៊ំ​ឡឹម​សឿន​ យល់​ច្បាស់​ពី​វប្ប​ធម៌​ ប្រ​ពៃណី​របស់​ជន​រួម​ជាតិ​ខ្មែរ​ ដូច្នេះ​ គ្រួ​សារ​ខ្ញុំ​ពេល​ធ្វើ​បុណ្យ​អ្វី​ម្តង​ៗ​ តែង​អញ្ជើញ​គាត់​មក​ជួយ​ចាត់​ចែង​កម្ម​វិធី​ឱ្យ​បាន​សម​ស្រប​នឹង​លក្ខណៈ​សេដ្ឋ​កិច្ច​ ប៉ុន្តែ​នៅ​តែ​រក្សា​លក្ខណៈ​វប្ប​ធម៌​ ប្រ​ពៃណី​របស់​ជន​ជាតិ​”។​

លោក​ថា​ច់​ថាញ​តឹម អនុលេខា​គណៈ​កម្មា​ធិការ​បក្ស​ឃុំ​ត្វឹង​ទឹក​ ឱ្យ​ដឹង​៖ “លោក​ឡឹម​សឿន​ ជា​អ្នក​មាន​ប្រ​ជា​ប្រិយ​គំរូ​នៅ​ភូមិ​ទ្រុង​ហ្វា នៅ​រាល់​កិច្ច​ប្រ​ជុំ​ប្រ​ជា​ជន​ ឬ​សម្រប​សម្រួល​ករណី​វិវាទ​ណា​មួយ​ដែល​មាន​គាត់​ចូល​រួម​ តែង​ទទួល​បាន​ជោគ​ជ័យ​ សម្រេច​លទ្ធ​ផល​ល្អ​។​ នៅ​ក្នុង​កិច្ច​ប្រ​ជុំ​ប្រ​ជា​ជន​ លោក​ឡឹម​សឿន​ បាន​ពន្យល់​យ៉ាង​ច្បាស់​អំ​ពី​គោល​នយោ​បាយ​រដ្ឋ​វិនិ​យោគ​អភិវឌ្ឍ​ជន​បទ​តំ​បន់​ជន​រួម​ជាតិ​ខ្មែរ​។​ ហេតុ​នេះ​ មាមីង​ខ្មែរ​នៅ​ភូមិ​ទ្រុង​ហ្វា ស្រប​គំ​និត​គាំ​ទ្រ ខ្នះ​ខ្នែង​រួម​នឹង​អំ​ណាច​កសាង​ជន​បទ​ថ្មី​; កសាង​ភូមិ​ស្រុក​ភ្លឺ​-បៃតង​-ជ្រះ​-ស្អាត​”៕​ 

                                         យ្វី​អាញ-មុនី​

ចែករំលែកអត្ថបទ