ព្រឹត្តិការណ៍ - នយោបាយ ព្រឹត្តិការណ៍

18/07/2022 - 14:38

ពន្លឿនល្បឿនផ្សព្វផ្សាយអនុវត្តកម្មវិធីទិសដៅជាតិអភិវឌ្ឍសេដ្ឋកិច្ច-សង្គម តំបន់ជនជាតិភាគតិចនិងតំបន់ភ្នំ

យោងតាមរបាយការណ៍របស់ការិយាល័យសម្របសម្រួលកម្មវិធីទិសដៅជាតិ អភិវឌ្ឍសេដ្ឋកិច្ច-សង្គម តំបន់ជនជាតិភាគតិចនិងតំបន់ភ្នំ ដំណាក់កាល ២០២១-២០៣០។ រយៈពេល ៦ ខែដើមឆ្នាំ ២០២២ គណៈកម្មាធិការជនជាតិបានសហការ ធ្វើសេនាធិការកាន់តែសុក្រឹតលើឯកសារណែនាំពាក់ព័ន្ធនឹងយន្តការ គោលនយោបាយផ្សព្វផ្សាយអនុវត្តកម្មវិធីទិសដៅជាតិ រួមមាន អនុក្រឹត្យចំនួន ០២ សារាចរចំនួន ០២ សេចក្តីសម្រេចចំនួន ០២ សេចក្តីណែនាំចំនួន ០២។

រដ្ឋមន្ត្រី ប្រធានគណៈកម្មាធិការជនជាតិ ហូវអាឡឺន ដឹកនាំកិច្ចប្រជុំជាមួយការិយាល័យសម្របសម្រួលកម្មវិធីទិសដៅជាតិ អភិវឌ្ឍសេដ្ឋកិច្ច-សង្គម តំបន់ជនជាតិភាគតិចនិងតំបន់ភ្នំ ។

បច្ចុប្បន្ន សេចក្តីពង្រាងសារាចរនិងសេចក្តីណែនាំសម្រាប់ការអនុវត្តគម្រោង អនុគម្រោងខ្លឹមសារចំណុះកម្មវិធីក្រៅពីនោះ កំពុងបានគណៈកម្មាធិការជនជាតិនិងក្រសួង ផ្នែកនានា ដឹកនាំគ្រប់គ្រង ប្រញាប់ធ្វើការស្រាវជ្រាវ ពិនិត្យ ផ្ទៀងផ្ទាត់ ធ្វើឱ្យសុក្រឹតដើម្បីប្រកាសដាក់ឱ្យប្រើប្រាស់ ។ល។ បច្ចុប្បន្ន មានខេត្ត ក្រុងចំណុះមជ្ឈិម ៤៨/៥០ បានបង្ហើយការងារកសាង ពង្រឹងគណៈចង្អុលការថ្នាក់ខេត្ត ក្នុងនោះ ចាត់តាំងសមមិត្តប្រធានគណៈកម្មាធិការប្រជាជនខេត្ត ធ្វើជាប្រធានគណៈចង្អុលការ សមមិត្ត អនុប្រធានគណៈកម្មាធិការប្រជាជនខេត្ត ជាអនុប្រធានគណៈចង្អុលការ ឬជាសមាជិកប្រចាំការ; ដាក់ចេញលក្ខន្តិកៈសកម្មភាពរបស់គណៈចង្អុលការ; ភូមិភាគមួយចំនួនបានផ្សព្វផ្សាយបង្កើត និងដាក់ចេញលក្ខន្តិកៈសកម្មភាពរបស់ក្រុមការងារអំពីកម្មវិធីទិសដៅជាតិអភិវឌ្ឍសេដ្ឋកិច្ច-សង្គម តំបន់ជនជាតិភាគតិចនិងតំបន់ភ្នំ; មានភូមិភាគមួយចំនួនបានបង្កើតការិយាល័យសម្របសម្រួលកម្មវិធីទិសដៅជាតិអភិវឌ្ឍសេដ្ឋកិច្ច-សង្គម តំបន់ជនជាតិភាគតិចនិងតំបន់ភ្នំ ដំណាក់កាល ២០២១-២០២៥ ដើម្បីជំនួយការដល់គណៈចង្អុលការក្នុងការគ្រប់គ្រង រៀបចំផ្សព្វផ្សាយអនុវត្តកម្មវិធីទិសដៅជាតិអភិវឌ្ឍសេដ្ឋកិច្ច-សង្គមតំបន់ជនជាតិភាគតិចនិងតំបន់ភ្នំលើភូមិសាស្ត្រខេត្ត។

រយៈពេល ៦ ខែចុងឆ្នាំ គណៈកម្មាធិការជនជាតិបានកំណត់ទិសដៅ បន្តការរៀបចំអនុវត្តនូវសកម្មភាព ភារកិច្ចដែលបានប្រគល់ឱ្យ ចំណុះកម្មវិធីការងារឆ្នាំ ២០២២ របស់គណៈចង្អុលការមជ្ឈិម ក្រុមការងារកម្មវិធីទិសដៅជាតិអភិវឌ្ឍសេដ្ឋកិច្ច-សង្គម តំបន់ជនជាតិភាគតិចនិងតំបន់ភ្នំ។ ពន្លឿនការបង្ហើយឯកសារណែនាំ; ផ្សព្វផ្សាយការហ្វឹកហ្វឺនបណ្តុះបណ្តាល; ណែនាំភូមិភាគផ្សព្វផ្សាយសកម្មភាពវិនិយោគ កម្មវិធីធានាទាន់ពេល ត្រឹមត្រូវតាមផែនការ; ផ្សព្វផ្សាយអនុវត្តកម្មវិធី គម្រោង ផែនការឃោសនាផ្សព្វផ្សាយ; បង្កើនការងារត្រួតពិនិត្យ ឃ្លាំមើលនិងរាយការណ៍វាយតម្លៃពីលទ្ធផលនៃការអនុវត្តកម្មវិធីតាមកាលកំណត់ ។ល។

រដ្ឋមន្ត្រី ប្រធានគណៈកម្មាធិការជនជាតិ ហូវអាឡឺន សំណូមពរ៖ ការិយាល័យសម្របសម្រួលកម្មវិធីទិសដៅជាតិអភិវឌ្ឍសេដ្ឋកិច្ច-សង្គម តំបន់ជនជាតិភាគតិច និងតំបន់ភ្នំ នាយកដ្ឋាន អង្គភាពនានាដែលពាក់ព័ន្ធ គប្បីពិនិត្យផ្ទៀងផ្ទាត់ឡើងវិញរាល់ភារកិច្ច ផ្អែកលើស្មារតីធ្វើការប្រកបដោយលក្ខណៈវិទ្យាសាស្ត្រ ស្វាហាប់និងច្នៃប្រតិដ្ឋ ដោះស្រាយការលំបាកទាន់ពេល អនុវត្តត្រឹមត្រូវតាមច្បាប់ សម្រេចរួចរាល់ការងារធានាត្រឹមត្រូវតាមបែបបទ តាមពេលវេលានិងល្បឿនដំណើរការ។ រដ្ឋមន្ត្រី ប្រធានគណៈកម្មាធិការជនជាតិ ស្នើឱ្យនាយកដ្ឋាន អង្គភាពនានា គប្បីបង្កើនកិច្ចសហការជិតស្និទ្ធ ធានាការងារឱ្យមានការស៊ីសង្វាក់គ្នា និងផ្សព្វផ្សាយអនុវត្តព្រមៗគ្នា៕

យោង៖ គណៈកម្មាធិការជនជាតិ-មុនី

ចែករំលែកអត្ថបទ

ពាក្យគន្លឹះ