ព្រឹត្តិការណ៍ - នយោបាយ ព្រឹត្តិការណ៍

04/07/2022 - 15:43

សុកត្រាំង បង្កើតគណៈចង្អុលការបង្ការ ប្រឆាំងអំពើពុករលួយ ភាពអសកម្មក្នុងខេត្ត

គណៈកម្មាធិការបក្សខេត្តសុកត្រាំង បានរៀបចំពិធីប្រកាសសេចក្តីសម្រេចបង្កើតគណៈចង្អុលការបង្ការ ប្រឆាំងអំពើពុករលួយ ភាពអសកម្មក្នុងខេត្ត។ ឆ្លងតាមរយៈនោះ គណៈចង្អុលការបង្ការ ប្រឆាំងអំពើពុករលួយ ភាពអសកម្មក្នុងខេត្តសុកត្រាំង ដោយមានសមាជិក ១៥ រូប។ លោក ឡឹមវ៉ាន់ម៉ឹង លេខាគណៈកម្មាធិការបក្សខេត្តសុកត្រាំង ធ្វើជាប្រធានគណៈចង្អុលការ។

លោក ឡឹមវ៉ាន់ម៉ឹង លេខាគណៈកម្មាធិការបក្សខេត្តសុកត្រាំង ប្រធានគណៈចង្អុលការបង្ការ ប្រឆាំងអំពើពុករលួយ ភាពអសកម្មក្នុងខេត្ត។

ថ្លែងក្នុងពិធីប្រកាសសេចក្តីសម្រេច លោកឡឹមវ៉ាន់ម៉ឹង គូសបញ្ជាក់៖ ការបង្ការ ប្រឆាំងអំពើពុករលួយ ភាពអសកម្ម គឺជាភារកិច្ចនយោបាយដ៏សំខាន់ក្នុងទូទាំងប្រព័ន្ធនយោបាយ។ អាស្រ័យហេតុនោះ នៅពេលគណៈចង្អុលការដំណើរការ សកម្មភាពត្រូវតែបន្តការជំរុញការងារពុះពារ បង្ការ ប្រឆាំងអំពើពុករលួយ ភាពអសកម្មក្នុងទូទាំងបក្សនិងប្រព័ន្ធនយោបាយរបស់ខេត្ត។ ពិសេស គណៈកម្មាធិការបក្សគ្រប់លំដាប់ថ្នាក់ អង្គការបក្ស ស្ថាប័ន អង្គភាពលើភូមិសាស្ត្រខេត្ត ជំរុញល្បឿនដំណើរការនាំចេញកាត់ក្តីបានទាន់ពេល តឹងរ៉ឹង គ្រប់រឿងក្តីនៃអំពើពុករលួយ និងសេដ្ឋកិច្ចស្មុគស្មាញដែលមតិប្រជាជន យកចិត្ដទុកដាក់ចាប់អារម្មណ៍យោងតាមលក្ខខ័ណ្ឌ “គ្មានដែនហាមប្រាម គ្មានដែនកំណត់ ទោះអ្នកនោះ ជាអ្នកណាក៏ដោយ” ឆ្លើយតបទៅនឹងតម្រូវការរបស់បក្ស រដ្ឋ និងការចង់បានរបស់ប្រជាជន៕

យ្វីអាញ-លីសៀ

ចែករំលែកអត្ថបទ

ពាក្យគន្លឹះ