ព្រឹត្តិការណ៍ - នយោបាយ ព្រឹត្តិការណ៍

18/04/2022 - 14:52

ផ្ដើម​ដំណើរ​ការ​កសាង​ស្ពាន​ជន​បទ​លេខ​ ៦៥

សមាគម​ព្រះ​សង្ឃ​សាម​គ្គី​ស្នេហា​ជាតិ​ស្រុក​ថ្កូវ​ ទើប​បាន​សហការ​ជា​មួយ​នឹង​គណៈ​កម្មា​ធិការ​ប្រ​ជា​ជន​ ឃុំ​ង៉ាយស្វៀង​ ចាប់​ផ្តើម​ដំណើរ​ការ​កសាង​ស្ពាន​ជន​បទ​លេខ​ ៦៥ នៅ​ភូមិ​ស្វាយ​សៀម​ ឃុំ​ង៉ាយស្វៀង​ ស្រុក​ថ្កូវ​ ខេត្ត​ត្រា​វិញ​។​

 ​ ទិដ្ឋ​ភាព​នៃ​ពិធី​ផ្តើម​ដំណើរ​ការ​កសាង​ស្ពាន​ជន​បទ​លេខ​ ៦៥ ។​

ស្ពាន​បាន​កសាង​ដោយ​បេតុង​សរ​សៃ​ដែក​ បណ្តោយ​ ៤០ ម៉ែ​ត្រ ទទឹង ៣,២ ម៉ែ​ត្រ សរុប​ថវិកា​ជិត​ ៥០០ លាន​ដុង​។​ ថវិកា​កសាង​ស្ពាន​អា​ស្រ័យ​សមាគម​ព្រះ​សង្ឃ​សាមគ្គី​ស្នេហា​ជាតិ​ស្រុក​ថ្កូវ​ រួម​ជាមួយ​នឹង​ព្រះ​តេជព្រះ​គុណ​ ថិត​មិញ​ទ្រី ព្រះ​ចៅ​អធិ​ការ​វត្ត​ឡុង​បឺវ ឃុំ​ញ៉ី​ឡុង​ ស្រុក​កាង​ឡុង​ ខេត្ត​ត្រា​វិញ​ ចលនា​សមាគម​កសាង​ស្ពាន​ចាញ់​កៀង​ ក្រុង​ហូជី​មិញ​ និង​ពុទ្ធ​បរិស័ទ​នៅ​ភូមិ​ភាគ​ រួម​វិភាគ​ទាន​ជា​ទឹក​ប្រាក់​និង​កម្លាំង​ពលកម្ម​។​

ស្ពាន​ជន​បទ​លេខ​ ៦៥ តភ្ជាប់​ឃុំ​ចំ​នួន​ ២ គឺ​ឃុំ​ង៉ាយ​ស្វៀង​និង​តឹប​សើុង ជួយ​ដល់​ប្រ​ជា​ជន​ធ្វើ​ដំណើរ​ទៅ​មក​ ដឹក​ជញ្ជូន​កសិផល​ និង​សិស្សា​នុសិស្ស​ទៅ​សាលា​រៀន​ មាន​ភាព​ងាយ​ស្រួល​៕​

                                            សើុង​ម៉ាល័យ​-វិមាន​

ចែករំលែកអត្ថបទ