មហាសាមគ្គីជនជាតិ ភូមិស្រុកផ្លាស់ថ្មី

28/02/2022 - 10:04

រឿងរ៉ាវរបស់ “សេដ្ឋី” ថាច់ឡែណែ

គ្រាន់តែរយៈពេល ៥ ឆ្នាំ រស់នៅលើតំបន់ដីទឹកប្រៃ សោះកក្រោះ ប៉ុន្តែបក្ខជនជនជាតិខ្មែរ ថាច់ឡែណែ មានទ្រព្យសម្បត្តិក្នុងដៃច្រើនពាន់លានដុង។

បងថាច់ឡែណែ ប្រមូលផលបង្គាវិបុលវប្បកម្ម។

កាលពីឆ្នាំ ២០១២ បងថាច់ឡែណែ ពីខេត្តត្រាវិញ មករស់នៅភូមិក្រសាំង ឃុំយឿងហ្វា ស្រុកគៀងលឿង ខេត្តគៀងយ៉ាង បង្កើតអាជីព។ ប្រមូលអស់ដើមទុន ទើបបងឡែណែ ទិញបានដីកសិកម្មចំនួន ២ ហិកតា ប៉ុន្តែដីនៅចោលទំនេរ សុទ្ធតែដើមប្លុង និងស្មៅ ទឹកប្រៃដុះពេញទាំងអស់។ បងឡែណែ បានទំនាក់ទំនងនឹងរដ្ឋអំណាចភូមិភាគ ដើម្បីស្វែងយល់ពីគោលការណ៍គម្រោងប្លង់ និងទិសដៅអភិវឌ្ឍនៃតំបន់ដីនេះ។ ដើម្បីបង្ហាញច្បាស់ពីការប្តេជ្ញាចិត្តផ្សារភ្ជាប់នឹងភូមិក្រសាំង ឃុំយឿងហ្វា បងឡែណែ បានចូលរួមការងារក្នុងក្រុម និងភូមិ រួចធ្វើលិខិតសុំចូលក្នុងកងជួរបក្ស។ “ការចូលក្នុងកងជួរបក្ស ក៏ជាវិធីមួយដើម្បីខ្ញុំកៀកជិតនឹងគោលការណ៍ គោលនយោបាយ ជាមួយនឹងអ្វីដែលថ្មីក្នុងការអភិវឌ្ឍសេដ្ឋកិច្ច-សង្គម។ ខ្ញុំមានសំណាងបាន “គ្រូ” កសិករជាច្រើនណែនាំពីបទពិសោធន៍ចិញ្ចឹមបង្គា ទន្ទឹមនឹងនោះ បានចូលរួមវគ្គហ្វឹកហាត់ និងទទួលបានការណែនាំ ពីវិទ្យាសាស្រ្តបច្ចេកទេស ម្ល៉ោះហើយការបង្កបង្កើនផលមានប្រសិទ្ធភាពបន្តិចម្តងៗ” បងថាច់ឡែណែ រៀបរាប់ដោយស្មោះយ៉ាងនេះ។

កាលពីចុងឆ្នាំ ២០១៨ បងថាច់ឡែណែ ជោគជ័យដ៏ធំពីទម្រង់ចិញ្ចឹមបង្គាវិបុលវប្បកម្ម ដោយទទួលបានប្រាក់ចំណូលជិត ២០០ លានដុងលើផ្ទៃដី ២ ហិកតា។ បង្កបង្កើនផលបណ្តើរៗ សន្សែសន្សំបណ្តើរ បងថាច់ឡែណែ ទិញដីបន្ថែមបាន ១៨ ហិកតាដែលជាប់នឹងដី ២ ហិកតាដំបូងដើម្បីពង្រីកផ្ទៃដីបង្កបង្កើនផល។ មានចំណុចពិសេសម្យ៉ាង គ្រួសារជាច្រើនដែលមានផ្ទៃដីនៅជាប់ក្បែរនឹងបង ប៉ុន្តែបែរជាបង្កបង្កើនផលមិនមានប្រសិទ្ធភាព ម្ល៉ោះហើយក៏លក់ដីឱ្យបងក្នុងតម្លៃគួរសម។ ប៉ុន្មានឆ្នាំកន្លង ផ្តើមពីដី ២០ ហិកតាដែលចិញ្ចឹមបង្គាវិបុលវប្បកម្ម ឆ្លាស់នឹងចិញ្ចឹមក្តាមផងនោះ បងឡែណែ រកបានប្រាក់ចំណូលពី ៦០០ - ៨០០ លានដុង ក្រោយពីចិញ្ចឹម ២ រដូវក្នុងមួយឆ្នាំ។ បងឱ្យដឹង៖ ដើម្បីទម្រង់ចិញ្ចឹមបង្គាវិបុលវប្បកម្មមានប្រសិទ្ធភាព និងលក់បានថ្លៃ អ្នកចិញ្ចឹមត្រូវតាមដានយ៉ាងដិតដល់ដំណាក់កាលវិវឌ្ឍន៍របស់បង្គា។ យោងទៅតាមពេលវេលាដែលអ្នកចិញ្ចឹមម្ចាស់ការបង្កើតបានជាវារិជាតិ ឬស្លែ ដើម្បីធ្វើជាចំណីធម្មជាតិ នោះទើបបង្គាធាត់ធំល្អ សមប្រកបនឹងបរិស្ថានផង។ ជាងនោះទៅទៀត បង្គា ក្តាមដែលស៊ីស្លែ សាច់ណែនហាប់ ទីផ្សារពេញនិយម លក់បានថ្លៃផង។

គ្រាន់តែរយៈពេល ៥ ឆ្នាំរស់នៅលើតំបន់ដីទឹកប្រៃ សោះកក្រោះ ប៉ុន្តែបក្ខជនជនជាតិខ្មែរ ថាច់ឡែណែ មានទ្រព្យសម្បត្តិក្នុងដៃច្រើនពាន់លានដុង។ បច្ចុប្បន្ន បងឡែណែ ថែមទាំងជានាយកសហករណ៍ដាំនិងចិញ្ចឹមជលផលណូយម៉ី ដែលជំនាញផ្គត់ផ្គង់កូនពូជ ចំណី កំបោរ ព្រមជាមួយនោះ ចងសម្ព័ន្ធនឹងឈ្មួញ អាជីវកម្ម ប្រមូលទិញផលិតផលបង្គា ក្តាមលើភូមិសាស្រ្តទៀតផង៕

យោង៖ កាសែតប្រជាជន - ប្រែសម្រួល៖ លីសៀ

ចែករំលែកអត្ថបទ

ពាក្យគន្លឹះ