ព្រឹត្តិការណ៍ - នយោបាយ ព្រឹត្តិការណ៍

07/02/2022 - 14:20

ខេត្តសុកត្រាំង ប្រគល់ផ្ទះ ៨៤៩ ខ្នងដល់គ្រួសារក្រីក្រ

គណៈចង្អុលការចលនាឧបត្ថម្ភសាងសង់ផ្ទះជូនគ្រួសារក្រីក្រ ដែលជួបលំបាកខាងលំនៅឋានខេត្តសុកត្រាំង ទើបធ្វើពិធីប្រគល់ផ្ទះ ៨៤៩ ខ្នងសរុបទឹកប្រាក់ជាង ៤២ ពាន់លានដុង។ ជាមធ្យមផ្ទះមួយខ្នង តម្លៃ ៥០ លានដុង អាស្រ័យការឧបត្ថម្ភរបស់សម្ព័ន្ធសេដ្ឋកិច្ច ក្រុមហ៊ុនអាជីវកម្ម ធនាគារពាណិជ្ជកម្ម អង្គការ បុគ្គលក្នុង និងក្រៅខេត្ត។ តាមប្រសាសន៍លោកត្រឹងវ៉ាន់ឡូវ ប្រធានគណៈកម្មាធិការប្រជាជនខេត្តសុកត្រាំង ខេត្តនៅមានគ្រួសារក្រីក្រជាង ២.៣០០ គ្រួសារ ដែលជួបការលំបាកខាងលំនៅឋានដែលត្រូវការជំនួយឧបត្ថម្ភ។ អាស្រ័យហេតុនេះ ខេត្តបន្តចលនាគ្រប់ស្ថាប័ន អង្គការនិងបុគ្គល ដើម្បីខេត្តសុកត្រាំងឆាប់សម្រេចបានការឧបត្ថម្ភសាងសង់ផ្ទះជូនគ្រួសារទាំងនេះ។

គណៈចង្អុលការចលនាឧបត្ថម្ភសាងសង់ផ្ទះជូនគ្រួសារក្រីក្រដែលជួបលំបាកខាងលំនៅឋានខេត្តសុកត្រាំង ជូនអំណោយដល់គ្រួសារក្រីក្រ។

ស្របក្នុងឱកាសនេះ គណៈកម្មាធិការប្រជាជនខេត្តសុកត្រាំង បានជូនប័ណ្ណសរសើរដល់សមូហភាពនិងបុគ្គលដែលសម្រេចបានស្នាដៃឆ្នើម រួមចំណែកយ៉ាងសកម្មក្នុងការចលនានេះ។ បន្តចូលរួមគាំទ្រការចលនារបស់ខេត្ត ក្រុមហ៊ុនចំកាត់សមាជិកមួយឆ្នោតសុកត្រាំង ឧបត្ថម្ភទឹកប្រាក់ ៦ ពាន់លានដុងដល់គណៈកម្មាធិការរណសិរ្សមាតុភូមិវៀតណាមខេត្ត ដើម្បីសាងសង់ផ្ទះជូនគ្រួសារក្រីក្រ ក្នុងឆ្នាំ ២០២២៕

លីធាន-ត្រឹងហ្គោន

ចែករំលែកអត្ថបទ

ពាក្យគន្លឹះ