មហាសាមគ្គីជនជាតិ គំរូក្នុងសហគមន៍

17/01/2022 - 07:39

អ្នកមានប្រជាប្រិយក្នុងជនរួមជាតិខ្មែរ

លោកតាំងថាញ់ត្រាង។

ជាអ្នកយល់ដឹងពីធម៌អាថ៌ ថែមទាំងជិតដិតអស់ពីចិត្តពីថ្លើមជាមួយមាមីងពុទ្ធបរិស័ទ ម្ល៉ោះហើយ លោកតាំងថាញ់ត្រាង សមាជិកគណៈកម្មការវត្តផ្នោរសង្កែថ្មី ទីប្រជុំជនឌិញអាង ស្រុកថ្កូវ ខេត្តត្រាវិញ បានប្រជាជនបោះឆ្នោតជ្រើសរើសជាអ្នកមានប្រជាប្រិយជាច្រើនឆ្នាំកន្លង មក។ល។

លោកតាំងថាញ់ត្រាង ខ្នះខ្នែងចលនាមាមីងខ្មែរក្នុងអនុសង្កាត់ អនុវត្តនូវគោលការណ៍ គោលនយោបាយរបស់បក្ស ច្បាប់របស់រដ្ឋ ក៏ដូចជាបទប្បញ្ញត្តិ និងការចលនា ដែលភូមិភាគបំផុស។ ដើម្បីការចលនានាំមកប្រសិទ្ធភាព គាត់គឺអ្នកឈានមុខជានិច្ច។ លោកត្រាង បានបរិច្ចាគដី ៤.៥០០ម២ ដើម្បីភូមិភាគជីកប្រឡាយ កសាងផ្លូវ។ លោកត្រាង ឱ្យដឹង៖ “រៀងរាល់ខែ ខ្ញុំតែងអញ្ជើញមាមីងខ្មែរមកជួបជុំនៅទីស្នាក់ការគណៈកម្មការប្រជាជនអនុសង្កាត់៧ ដើម្បីផ្សព្វផ្សាយ ចលនាមាមីងអនុវត្តល្អនូវគោលមាគ៌ារបស់បក្ស គោលនយោបាយ ច្បាប់របស់រដ្ឋ រំលឹកមាមីងប្រឹងប្រែងប្រកបការងាររកស៊ី ឈានឡើងធ្វើមានធ្វើបាន”។

អាស្រ័យភាពជាគំរូនិងការរួមចំណែករបស់លោកតាំងថាញ់ត្រាង ក៏បានទីប្រជុំជនស្រុក ខេត្តជូនរង្វាន់សរសើរនិងមាមីងខ្មែរបោះឆ្នោតជាអ្នកមានប្រជាប្រិយក្នុងជនរួមជាតិភាគតិចនៅអនុសង្កាត់ជាច្រើនឆ្នាំមកនេះ។ លោកលឺមិញកឿង ប្រធានអនុសង្កាត់ ៧ ឱ្យដឹង៖ “ពូត្រាង គឺអ្នកមានប្រជាប្រិយក្នុងជនរួមជាតិខ្មែរ ម្ល៉ោះហើយរាល់យោបល់ពូលើកឡើងតែងបានមាមីងគាំទ្រ។ ស្ទើររាល់ករណីវិវាទដីធ្លី អាពាហ៍ពិពាហ៍និងគ្រួសារ ប្រាក់កាសជាដើម ពូត្រាងតែងសម្រុះសម្រួលសម្រេចជោគជ័យ ជួនមានករណីខ្លះមិនបាច់ឡើងដល់រដ្ឋអំណាចមូលដ្ឋានទៀតផង”។

លោកតាំងថាញ់ត្រាង មានប្រសាសន៍ក្នុងការប្រជុំសម្រុះសម្រួលនៅទីស្នាក់ការអនុសង្កាត់ ៧ ទីប្រជុំឌិញអាង។

ក្រៅពីធ្វើមានសម្រាប់គ្រួសារ លោកតាំងថាញ់ត្រាង នៅទាំងផ្ដល់ជូនគ្រួសារក្រីក្រ គ្រួសារប្រកៀកបន្ទាត់ក្រ ខ្ចីដីផលិតកម្ម ដើម្បីឈានឡើងចាកផុតពីភាពក្រីក្រ លំនឹងជីវភាព ក្នុងនោះមានគ្រួសារមីងថាច់ធីពៅ និងគ្រួសារលោកហ្វិញវ៉ាន់ហុងជាដើម។ មីងថាច់ធីពៅ នៅអនុសង្កាត់ ៧ ឱ្យដឹងដោយក្ដីរីករាយ៖ “ពេលមាមីងមានកិច្ចការត្រូវពឹងពាក់ គឺលោកត្រាង តែងខិតខំជួយដោះស្រាយ ឧបត្ថម្ភបានទាន់ពេល។ អាស្រ័យបានគាត់ឱ្យគ្រួសារខ្ញុំខ្ចីដី ២ កុងដាំដំណាំរួមផ្សំ ទើបគ្រួសារខ្ញុំចាកផុតពីភាពក្រីក្រ”។

លោកតាំងថាញ់ត្រាង បានសមាគមកសិករខេត្ត ជូនកិត្តិនាមជាកសិករផលិតអាជីវកម្មពូកែថ្នាក់ខេត្ត ចាប់ពីឆ្នាំ ២០១៣ រហូតមកទល់ពេលបច្ចុប្បន្ន។ គណៈជនជាតិខេត្តបានជូនលិខិតសរសើរជាច្រើនពីស្នាដៃ “សម្រេចឆ្នើមភារកិច្ចក្នុងការងារជនជាតិរបស់បក្សនិងរដ្ឋ”៕

សឺនម៉ាល័យ - ថាច់ធី

ចែករំលែកអត្ថបទ

ពាក្យគន្លឹះ