សន្តិសុខ - ការពារប្រទេស ការពារប្រទេស

27/12/2021 - 10:11

មនោសញ្ចេតនារវាងកងទ័ពប្រជាជនតំបន់ព្រំដែនសមុទ្រ

ក្រៅពីអនុវត្តភារកិច្ចនយោបាយ កសាង គ្រប់គ្រងនិងការពារអធិបតេយ្យសន្តិសុខព្រំដែនសមុទ្ររបស់ខេត្ត កងទ័ពការពារព្រំដែនខេត្តត្រាវិញ ថែមទាំងអនុវត្តមានប្រសិទ្ធភាពនូវកម្មវិធីគិតគូរ ឧបត្ថម្ភប្រជាជនតំបន់ព្រំដែនសមុទ្រលំនឹងជីវភាពទៀតផង។ល។

កម្មាភិបាលយុទ្ធជនប៉ុស្តិ៍ការពារព្រំដែនច្រកកំពង់ផែត្រឿងឡុងហ្វា ទៅសួរសុខទុក្ខនិងជូនអំណោយដល់ប្អូនឡឹមត្រេវយី (កូនរបស់លោកឡឹមក្វឹកកឿង) លើកទឹកចិត្តប្អូនបន្តសិក្សាមហាវិទ្យាល័យ សាលានាយទាហានកាំភ្លើងធំ។

អង្គភាពកងទ័ពការពារព្រំដែនខេត្ត បានរៀបចំផ្សព្វផ្សាយល្អនូវគោលការណ៍ គោលមាគ៌ារបស់បក្ស គោលនយោបាយ ក្រឹត្យច្បាប់របស់រដ្ឋដែលពាក់ព័ន្ធនឹងកម្មវិធីសុខុមាលភាពសង្គមដល់ប្រជាជនតំបន់ព្រំដែនសមុទ្រ ដូច៖ គោលនយោបាយធានារ៉ាប់រងសង្គម ធានារ៉ាប់រងសុខាភិបាល និងថែទាំសុខភាពប្រជាជន។ល។ ឆ្លងតាមរយៈនោះ ប្រទះឃើញនូវទម្រង់មានប្រសិទ្ធភាពជាច្រើន ដូច៖ “បន្ទប់ពិនិត្យជំងឺយោធាប្រជាជនគួបផ្សំ” រៀបចំពិនិត្យ និងព្យាបាលជំងឺជូនប្រជាជនជាង ៣១០.២២១ លើកនាក់ ផ្តល់ថ្នាំដោយឥតគិតថ្លៃចំនួន ១២.៤២៣ លើក គិតជាតម្លៃទឹកប្រាក់ជាង ៨៧០ លានដុង; ចលនាប្រជាជនអនុវត្តផែនការគ្រួសារបានចំនួន ២៣.៣១៥ គ្រួសារ; ចាក់ថ្នាំបង្ការបើកទូលាយ ជូនកុមារនិងស្រ្តីចំនួន ១០២.៤៣៤ លើកនាក់; ជ្រលក់ថ្នាំមុងបង្ការមូសជូនប្រជាជនចំនួន ៦៨.៤០០ គ្រួសារ។

ដោយឡែកទម្រង់ “ខាប់អង្ករសប្បុរសធម៌” អង្គភាពបានចលនាកម្មាភិបាល យុទ្ធជន រៃអង្គាស ផ្តល់ជូនអង្ករដល់គ្រួសារប្រជាជនដែលមានជីវភាពក្រលំបាកខ្លាំង មធ្យមភាគក្នុងមួយខែផ្តល់ជូនពី ៣០-៤០ គីឡូក្រាមអង្ករ។ ចាប់ពីឆ្នាំ ២០១៦ មកទល់ពេលនេះ អង្គភាពបានឧបត្ថម្ភអង្ករជាង ៤,១ តោន។ អនុវត្តកម្មវិធី“ជំរុញដំណើរប្អូនទៅសាលា” អង្គភាពបានទទួលគាំពារសិស្ស ៣៤ នាក់ ដែលមានជីវភាពក្រលំបាកខ្លាំង សិស្សកំព្រាគ្មានទីពឹង ក្នុងម្នាក់ៗទទួលបានប្រាក់ឧបត្ថម្ភ ៥០០.០០០ ដុង/ខែ។ តាំងពីឆ្នាំ ២០១៩ មកទល់ពេលនេះ បណ្ដាអង្គភាពនៃកងទ័ពការពារព្រំដែនខេត្ត បានទទួលប្អូនៗ ៤ នាក់ធ្វើជា “កូនធម៌ប៉ុស្តិ៍ការពារព្រំដែន” ។ ឱកាសបើកបវេសនកាលឆ្នាំសិក្សាថ្មី បុណ្យសំពះព្រះខែ ទិវាកុមារអន្តរជាតិ បុណ្យចូលឆ្នាំថ្មីវៀតណាម។ល។ កងទ័ពការពារព្រំដែនខេត្តបានសហការជាមួយគណៈ ផ្នែក អង្គការមហាជនភូមិភាគ និងសាលារៀនលើភូមិសាស្ត្រ ទៅសួរសុខទុក្ខនិងជូនអំណោយដល់សិស្សានុសិស្ស ដោយទឹកប្រាក់សរុបជាង ៦៤ លានដុង។ ពិសេស កម្មាភិបាលយុទ្ធជនកងទ័ពការពារព្រំដែន ថែមទាំងចំណាយកម្លាំងពលកម្ម ១២០ ថ្ងៃ ជួសជុលបន្ទប់រៀនចំនួន ១០; ជូនសិក្ខូបករណ៍ដល់សិស្សានុសិស្សគិតជាទឹកប្រាក់សរុបជាង ២១៨ លានដុង។ល។ អនុវត្តទម្រង់ “ព្រួតដៃការពារបរិស្ថានជីវចម្រុះសមុទ្របៃតង ស្អាត” អង្គភាពបានរៀបចំយុទ្ធនាការសម្អាតសមុទ្របានចំនួន ១១៤ លើក ទាក់ទាញកម្មាភិបាល សម្ព័ន្ធយុវជន សមាជិកសមាគមនិងប្រជាជនភូមិភាគចូលរួមចំនួន ៤.៤០០ លើកនាក់; វិនិច្ឆ័យកាកសំណល់គ្រប់ប្រភេទប្រមាណ ៤១ តោន សម្អាតឆ្នេរសមុទ្រប្រវែងជាង ៤៤គ.ម; ផ្សព្វផ្សាយ ចលនាប្រជាជន ៧.៧៦៧ គ្រួសារចុះកិច្ចសន្យាការពារបរិស្ថានសមុទ្រ។ល។

អនុសេនីយ៍ឯក ត្រឹងវ៉ាន់តឺ ស្នងការនយោបាយប៉ុស្តិ៍ការពារព្រំដែនច្រកកំពង់ផែត្រឿងឡុងហ្វា ឱ្យដឹង៖ “អនុវត្តពាក្យស្លោកសកម្មភាព “ប៉ុស្តិ៍ជាផ្ទះ ព្រំដែនជាភូមិស្រុក ជនរួមជាតិភាគតិចជាបងប្អូនសាច់ញាតិ” កម្មាភិបាល យុទ្ធជនមានការឯកភាពខ្ពស់អំពីស្មារតីភ្ញាក់រលឹក ការទទួលខុសត្រូវក្នុងការអនុវត្តគោលនយោបាយសុខុមាលភាពសង្គម គិតគូរដល់គ្រួសារគោលនយោបាយ គ្រួសារក្រីក្រ ចូលរួមបង្ការ ជំនះគ្រោះធម្មជាតិ - ស្វែងរកជួយសង្គ្រោះ”៕

យោងតាម៖ កាសែតត្រាវិញ - លីសៀ

ចែករំលែកអត្ថបទ

ពាក្យគន្លឹះ