មហាសាមគ្គីជនជាតិ គំរូក្នុងសហគមន៍

20/12/2021 - 08:30

អស់ពីចិត្តជាមួយអាជីព

លោកគ្រូ ឡៀងហៀងសឺ នាយករងសាលាអនុវិទ្យាល័យជនជាតិអន្តេវាសិកស្រុកឡុងភូ ខេត្តសុកត្រាំង តែងអនុវត្តសម្រេចល្អភារកិច្ច។ ពិសេស ក្នុងការបង្រៀនលោកគ្រូបានបំផុសគំនិត ធ្វើឱ្យមានភាពទាក់ទាញអារម្មណ៍ ដូច្នេះហើយ ថ្នាក់រៀនតែងតែមានភាពសកម្មជួយឱ្យសិស្សានុសិស្សឆាប់យល់មេរៀន។

លោកគ្រូឡៀងហៀងសឺ។

កាលនៅក្មេង លោកគ្រូមានក្ដីប្រាថ្នាធ្វើជាគ្រូបង្រៀន ដើម្បីមានឱកាសបានបង្រៀនកូនចៅមាមីងជនរួមជាតិខ្មែរ។ បញ្ចប់កម្មវិធីសិក្សាវិទ្យាល័យ លោកគ្រូចុះឈ្មោះប្រឡងជាប់ចូលរៀនមហាវិទ្យាល័យគរុកោសល្យជីវវិទ្យាសាកលវិទ្យាល័យកឹងធើ។ ឆ្នាំ ២០០៤ បញ្ចប់បរិញ្ញាបត្រគរុកោសល្យ បានចាត់មកបង្រៀននៅសាលាអនុវិទ្យាល័យជនជាតិអន្តេវាសិកស្រុកឡុងភូ គឺជាសាលាដែលមានសិស្សជាកូនចៅជនរួមជាតិខ្មែររៀន ១០០% ។ លោកគ្រូ ឱ្យដឹង៖ “ខ្ញុំធ្លាប់មានក្ដីប្រាថ្នាបង្រៀនកូនចៅជនរួមជាតិខ្មែរដូច្នេះ ពេលបានចាត់មកបង្រៀននៅសាលាជនជាតិអន្តេវាសិក ខ្ញុំសប្បាយចិត្តខ្លាំងណាស់ និងប្រឹងប្រែងអស់ពីកម្លាំងកាយចិត្តក្នុងការបង្ហាត់បង្រៀន ដើម្បីជួយប្អូនៗសិស្សានុសិស្សឆាប់យល់មេរៀន។ ទន្ទឹមនឹងនោះ ខ្ញុំតែងណែនាំប្អូនៗឱ្យយល់ពីរបៀបរស់នៅខ្លួនទីពឹងខ្លួន និងសម្របខ្លួនជាមួយមិត្តភក្តិដើម្បីសុាំនឹងបរិស្ថានអន្តេវាសិកដ្ឋាន”។

ក្នុងការបង្រៀន លោកគ្រូប្រើភាសាវៀត- ខ្មែរនិងមានវិធីសាស្រ្តបង្រៀនសកម្ម។ លោកគ្រូតែងលើកទឹកចិត្ត បង្កជាកម្លាំងចលករដល់សិស្សានុសិស្សអាចប្តូរយោយល់ជាមួយមិត្តភក្តិដោយសេរី ជួយប្អូនៗសិស្សានុសិស្សងាយស្រួលក្នុងការទទួលយកចំណេះដឹង។ លោកគ្រូសឺ ឱ្យដឹង៖ “ខ្ញុំបង្រៀនវិញ្ញាសាជីវវិទ្យានិងអប់រំមូលដ្ឋាន (ផ្គួបបញ្ចូលវិញ្ញាសាប្រវត្តិវិទ្យា ភូមិវិទ្យានិងវប្បធម៌)។ នេះគឺជាវិញ្ញាសាថ្មីយកចូលបង្រៀននៅឆមាសទី ២ ឆ្នាំសិក្សា ២០២១ -២០២២ ដូច្នេះខ្ញុំតែងធ្វើបច្ចុប្បន្នភាពព័ត៌មានជាក់ស្តែងរបស់ភូមិភាគនិងក្នុងប្រទេសជាប្រចាំ ដើម្បីបង្រៀនដល់សិស្សានុសិស្ស”។

ដោយការខ្នះខ្នែងគិតគូរដល់សិស្សានុសិស្ស និងអស់ពីចិត្តជួយឧបត្ថម្ភមិត្តរួមអាជីព ឆ្នាំ ២០០៨ លោកគ្រូ បានសមូហភាពទំនុកចិត្ត បោះឆ្នោតជាប្រធានសហជីពរបស់សាលា ឆ្នាំ ២០១២ បន្តបានសមូហភាពទំនុកចិត្តបោះឆ្នោតតែងតាំងជានាយករងរហូតមកទល់នឹងបច្ចុប្បន្ន។ ពិសេស លោកគ្រូតែងលើកទឹកចិត្ត គ្រូបង្រៀន រៀនសូត្របង្កើនកម្រិតវិជ្ជាជីវៈ។ អាស្រ័យហេតុនោះ មកទល់នឹងបច្ចុប្បន្ន កម្រិតវិជ្ជាគ្រូបង្រៀនរបស់សាលាសម្រេចបទដ្ឋាន ១០០% ក្នុងនោះ លើសបទដ្ឋានជាង ១៦%។ លោកគ្រូ ហ្វិញមិញទ្រី ជាគ្រូបង្រៀនវិញ្ញាសាគណិតសាលាអនុវិទ្យាល័យជនជាតិអន្តេវាសិកស្រុកឡុងភូ ឱ្យដឹង៖ “លោកគ្រូសឺ មានវិធីសាស្រ្តបង្រៀនល្អៗ ជួយឱ្សសិស្សមានភាពស្វាហាប់និងឆាប់យល់មេរៀន។ ជាពិសេស វិធីសាស្រ្តបង្រៀនរបស់គាត់ សំខាន់គឺលក្ខណៈប្តូរយោបល់ ដូច្នេះសិស្សចាប់អារម្មណ៍និងងាយយល់។ ចំណែកក្នុងតួនាទីជាអ្នកគ្រប់គ្រង លោកគ្រូតែងលើកទឹកចិត្តមិត្តរួមអាជីពនិងប្អូនៗសិស្សានុសិស្សជាទីស្រឡាញ់ រួមគ្នាជម្នះលំបាកដើម្បីអនុវត្តល្អភារកិច្ច។ លោកគ្រូតែងបង្កលក្ខណៈល្អបំផុតដើម្បីគ្រូបង្រៀនរៀនសូត្របង្កើនកម្រិតវិជ្ជាជីវៈ”៕

យ្វីអាញ-មុនី

ចែករំលែកអត្ថបទ

ពាក្យគន្លឹះ