កីឡា - ទេសចរណ៍ ទេសចរណ៍

13/12/2021 - 08:37

ដើមឈើទាលមានអាយុវែងកម្រមាននៅត្រាវិញ

នៅក្រុងត្រាវិញ ខេត្តត្រាវិញ មានដើមឈើទាលមួយដើមមានអាយុកាលជាង ៧០០ ឆ្នាំ ផ្សារភ្ជាប់នឹងប្រវត្តិរឿងនិទានដ៏អស្ចារ្យ ទាក់ទាញមនុស្សជាច្រើនមកទស្សនានិងធ្វើសក្ការបូជា។

រូបភាពមួយចំនួននៃដើមឈើទាលដែលមានអាយុវែង។

ដើមឈើនេះស្ថិតនៅក្បែរផ្លូវសើុងថុង (សង្កាត់ ៧ ក្រុងត្រាវិញ) មានមែកគ្របដណ្ដប់ប្រមាណ ១.០០០ ម៉ែត្រការ៉េ កម្ពស់ប្រហែល ២៥ ម៉ែត្រ គល់ទំហំប្រមាណ ៧ ម៉ែត្រ។ តាមសម្ដីប្រជាជននៅទីនេះ ដើមឈើទាលនេះមានអាយុកាលប្រហែល ៧០០-៨០០ឆ្នាំ។ មានប្រវត្តិរឿងនិទានជាច្រើនត្រូវបានប្រជាជននិយាយតៗគ្នា តែមិនទាន់បញ្ជាក់ច្បាស់លាស់។ មានអ្នកខ្លះនិយាយថា ដើមឈើទាលត្រូវបានដាំបញ្រ្ចាស់ចុងជាច្រើនដើម ប៉ុន្តែរស់បានតែមួយដើម ហើយមានរូបភាពចម្លែកដូចបច្ចុប្បន្ន។ ដោយសារដើមធំខ្ពស់ ម៉្លោះហើយក្នុងសម័យតស៊ូប្រឆាំងអាមេរិក ដើមនេះគឺជាកន្លែងចងទង់បដិវត្តន៍។ ភាគីសត្រូវឃើញផ្ទុះកំហឹងបានកាប់រំលំជាច្រើនលើកតែមិនបានសម្រេច។ ពិសេសមានមនុស្ស ២ នាក់ដែលអារដើមនេះផ្ទាល់ ក៏ស្លាប់ដោយមិនដឹងមូលហេតុ រឿងនេះបានគេនិយាយតៗគ្នាថា ដើមឈើទាលស័ក្តិសិទ្ធិណាស់ ដូច្នេះតាំងពីនោះមាមីងនាំគ្នាមកធ្វើសក្ការបូជារហូតមកទល់បច្ចុប្បន្ន។

ពេលធ្វើផ្លូវសើុងថុង ភូមិភាគក៏ធ្វើ ”ចៀស” ដើមឈើទាលនេះ។ បច្ចុប្បន្ន នៅក្បែរដើមឈើទាលមានខ្ទមអ្នកតាមួយដ៏សមរម្យសម្រាប់ភ្ញៀវចតុទ្ទិសមកទស្សនាធ្វើសក្ការបូជា។ ភាពអស្ចារ្យនៃដើមឈើទាលនេះគឺសាច់រមួលតាំងពីគល់ដល់មែក ខណៈពេលដើមឈើជុំវិញសុទ្ធតែដុះឡើងត្រង់ធម្មតា។ ដោយសារដើមឈើធំត្រមែងត្រមោង បង្កើតទៅជារូបភាពប្លែកៗ គន់គាប់នេត្រា។ អ្នកជំនាញខាងព្រៃឈើជនជាតិអូស្រ្តាលីម្នាក់ ពេលមកទស្សនាពិនិត្យសង្កេតបានឱ្យដឹងថា ដើមឈើទាលដ៏អស្ចារ្យនេះមានតែមួយដើមគត់នៅអាស៊ីអាគ្នេយ៍។ បច្ចុប្បន្ន មានភ្ញៀវទេសចរនៅក្នុងនិងក្រៅប្រទេសមកទស្សនាដើមឈើទាលនេះយ៉ាងច្រើនកុះករ៕

យោង៖ baocantho.com.vn-មុនី

ចែករំលែកអត្ថបទ

ពាក្យគន្លឹះ