មាន​បញ្ហា​ស្មុគ​ស្មាញ​មួយ​ខណៈ​ពេល​កើត​ជំងឺ​ឆ្លង​ដ៏​កាច​សា​ហាវ​ គឺ​បុរស​ងាយ​បាត់​បង់​ជីវិត​ដោយ​ជំងឺ​ COVID-១៩ មាន​ហានិ​ភ័យ​ខ្ពស់​ត្រូវ​ដាក់​បំ​ពង់​ដង្ហើម​ និង​ដេក​ពេទ្យ​យូរ​ជាង​ស្ត្រី​។​ ភាព​ខុស​គ្នា​នេះ​ តាម​ពិត​បាន​ប្រ​ទះ​ឃើញ​ចាប់​ពីដំណាក់​កាល​ដំបូង​នៃ​ជំងឺ​ឆ្លង​ដ៏​កាច​សាហាវ​ គឺ​មុន​ពេល​មាន​វ៉ាក់​សាំង​ម៉្លេះ​។​

ជំងឺ​ COVID-១៩ បាន​ធ្វើ​ឱ្យ​មនុស្ស​លើ​ពិភព​លោក​បាត់​បង់​ជីវិត​ជាង ​៥លាន​នាក់​ ក្នុង​នោះ​បុរស​ច្រើន​ជាស្រ្តី។​ រូប​៖ Reuters

ឆ្នាំ​ ២០២១ អត្រា​បាត់​បង់​ជីវិត​ទាំង​បុរស​និង​ស្ត្រី​ ត្រូវ​បាន​កាត់​បន្ថយ​ច្រើន​ ប៉ុន្តែ​ល្បឿន​នៃ​ការ​បាត់​បង់​ជីវិត​របស់​បុរស​នៅ​តែខ្ពស់​។​ ទិន្ន​ន័យ​របស់​មជ្ឈ​មណ្ឌល​គ្រប់​គ្រង​និង​បង្ការ​ទប់​ស្កាត់​ជំងឺ​រាត​ត្បាត​អា​មេរិក​ (CDC) បញ្ជាក់​ថា​ បច្ចុប្បន្ន​ ចំ​នួន​ស្ត្រី​បាត់​បង់​ជីវិត ដោយ​សារ​ជំងឺ​ COVID-១៩ នៅ​ប្រ​ទេស​នេះ​ ស្រូប​អត្រា​ ៤៥,៦% ឯបុរស​ស្រូប​អត្រា​ ៥៤,៤% (បុរស​ស្រូប​អត្រា​មិន​ដល់​ពាក់​កណ្តាល​នៃ​ចំ​នួន​ប្រ​ជា​ជន​សរុប​នៅ​អា​មេរិក​)។​ គិត​ដោយ​ឡែក​ក្រុម​មនុស្ស​ក្នុង​កម្រិត​អា​យុ​ចាប់​ពី ៦៥-៨៤ ឆ្នាំ​ ជាក្រុម​មាន​ហានិ​ភ័យ​ខ្ពស់​បំ​ផុត​ឆ្លង​ជំងឺ COVID-១៩ នៅ​កម្រិត​ធ្ងន់​ អត្រា​នៃ​ការ​បាត់​បង់​ជីវិត​ជួន​កាល​ខ្ពស់​ជាង​ ៥៧,៩% ចំ​ពោះ​បុរស​និង​៤២,១%ចំ​ពោះ​ស្ត្រី​។​

ក្រុម​សិក្សា​ស្រាវ​ជ្រាវ​នៅ​សកលវិទ្យា​ល័យ ​Yale (អា​មេរិក​) កត់​សម្គាល់​នូវ​ភាព​ខុស​គ្នា​អំ​ពី​ប្រ​តិកម្ម​ភាព​សុាំ​ចំ​ពោះ​ស្ថាន​ភាព​នៃ​ការ​ឆ្លង​ជំងឺ​រវាង​បុរស​និង​ស្ត្រី​។​ តួយ៉ាង​ដូច​ជំងឺ​របេង ច្រើន​កើត​ឡើង​ជាទូទៅ​ចំ​ពោះ​បុរស​ ហើយ​រាង​កាយ​របស់​ភេទ​នេះ​ មាន​និន្នា​ការ​ផ្ទុក​កម្រិត​វីរុសរ​លាក​ថ្លើម​ប្រ​ភេទ​ C និង​ HIV ខ្ពស់​ជាង​។​ ក្រុម​សិក្សា​ស្រាវ​ជ្រាវ​ក៏​រកឃើញ​ភាព​ខុស​គ្នា​អំ​ពី​សមត្ថ​ភាព​នៃ​ភាព​សុាំនឹង​រោគ​រ​បស់​បុរស​និង​ស្ត្រី​ ជាមួយ​ជំងឺ​ COVID-១៩ ផង​ដែរ​។​ ឆ្លង​តាម​រយៈ​នោះ​ បុរស​ឆ្លង​ជំងឺ​ SARS-CoV-២ មាន​កម្រិត​ប្រូតេ​អ៊ីន​បណ្តាល​ឱ្យ​រលាក​ក្នុង​ឈាម​ខ្ពស់​ជាង​ស្រ្តី (ប្រូតេអ៊ិន​នេះ​ មាន​មុខ​ងារ​កែតម្រូវ​ប្រ​តិកម្ម​ភាព​សុាំនឹង​រោគ​)។​ ប្រ​ការ​នោះ​អាច​ធ្វើ​ឱ្យ​មាន​បាតុ​ភូត​ប្រ​តិកម្ម​ភាព​សុាំនឹង​រោគ​ ហួស​កម្រិត​ជាមួយ​នឹង​វីរុស នៅ​ទាំង​បាន​ហៅ​ថា​ “ព្យុះ​ Cytokine”។​

បុរស​ជក់បារី​ ផឹក​ស្រា​ច្រើន​ជាង​ស្រ្តី ហើយ​ប្រ​ការ​នេះ​ក៏​ជា​កត្តា​ជំរុញ​ឱ្យ​មាន​ហានិ​ភ័យ​បាត់​បង់​ជីវិត​ដោយ​សារ​ជំងឺ​ COVID-១៩ ខ្ពស់​ជាង​ដែរ​។​ តាម​ការ​សិក្សា​ស្រាវ​ជ្រាវ​មួយ​ថ្មី​ៗ​នេះ​ នៅ​ប្រ​ទេស​អ៊ីស្រាអែល​ អំ​ពី​វ៉ាក់​សាំង​របស់​ ក្រុម​ហ៊ុន​ Pfizer បញ្ជាក់​ឱ្យ​ឃើញ​ថា​ អត្រា​កើត​ជំងឺ​រលាក​សាច់​ដុំ​បេះ​ដូង​ក្រោយ​ពីចាក់​វ៉ាក់​សាំង​ លើ​បុរស​ភេទ​ខ្ពស់​ជិត​ ១៨ ដងបើ​ប្រៀប​ជាមួយ​នឹង​ស្រ្តី​ភេទ​មាន​អា​យុ​លើ​ ១៦ ឆ្នាំ​។​ មាន​ភស្តុ​តាង​បញ្ជាក់​ឱ្យ​ឃើញ​ថា​ សមត្ថ​ភាព​នៃ​ភាព​សុាំ នឹង​រោគ​ ក្រោយ​ពីចាក់​វ៉ាក់​សាំង​នេះ​នៅ​លើ​បុរស​ភេទ​ក៏​អន់​ថយ​ជាង​ដែរ​។​ តាម​ការ​សិក្សា​ស្រាវ​ជ្រាវ​ផ្សេង​មួយ​ទៀត​បញ្ជាក់​ថា​ ក្នុង​រយៈ​ពេល​ ៦ ខែ​ក្រោយ​ពីចាក់​វ៉ាក់​សាំង​ដូសទី ២ កម្រិត​អង្គ​បដិបក្ខ​នៅ​លើ​បុរស​ទាប​ជាង​ស្រ្តី​គួរ​ឱ្យ​កត់​សម្គាល់​។​ ចំ​ពោះ​បុរស​មាន​អា​យុ​ពី ៦៥ ឡើង​ទៅ​ កម្រិត​អង្គ​បដិបក្ខ​ក្រោយ​ពីចាក់​វ៉ាក់​សាំង​ទាប​ជាង​ ៤៦% បើ​ប្រៀប​នឹង​ស្រ្តីមាន​អា​យុ​ស្របាល​គ្នា​។​

តាម​អ្នក​វិទ្យា​សាស្រ្ត​មួយ​ចំ​នួន​ អ័រ​ម៉ូន​ក៏​ជាមូល​ហេតុ​មួយ​ផង​ដែរ​។​ Testosterone អាច​ទប់​ស្កាត់​ប្រតិ​កម្ម​ភាព​សុាំ​នឹង​រោគ​នៅ​លើ​បុរស​ ខណៈ​ពេល​ Estrogen អាច​ដើរ​តួនាទី​សំ​ខាន់​ក្នុង​ការ​ដែល​ស្រ្តី​មាន​ទិន្ន​ាការ​ “មាន​” កោសិកា ភាព​សុាំនឹង​រោគ​B ដែល​បង្កើត​អង្គ​បដិបក្ខ​។​ Estrogen ក៏​អាច​ជួយ​គាប​សង្កត់​នូវ​កោ​សិកា​ភាព​សុាំនឹង​រោគ​ដែល​បណ្តាល​ឱ្យ​រលាក​សាច់​ដុំ​បេះ​ដូង​។​

ក្នុង​ពេល​រង់​ចាំ​មជ្ឈ​ដ្ឋាន​អ្នក​វិទ្យា​សាស្រ្ត​អនុ​វត្ត​បន្ថែម​ការ​សិក្សា​ស្រាវ​ជ្រាវ​ ដើម្បី​យល់​កាន់​តែ​ច្បាស់​ហេតុ​អ្វី​បុរស​ងាយ​បាត់​បង់​ជីវិត​ដោយ​សារ​ជំងឺ​ COVID-១៩ ជាង​ស្រ្តីនោះ​ ឯវិធាន​ការ​ទប់​ទល់​នាបច្ចុប្បន្ន​គឺ​ចាក់​វ៉ាក់​សាំង​ដល់​បុរស​ភេទ​ រួម​មាន​ទាំង​ចាក់​បង្កើន​វ៉ាក់​សាំង​ដូសទី៣៕​

  កាសែត​កឹង​ធើ​អន​ឡាញ​ (យោង​ NY Times) ប្រែសម្រួល​៖ វិមាន​