គោលនយោបាយ -ការរស់នៅ គោលនយោបាយ

29/11/2021 - 08:06

គិតគូរដល់ជីវភាពជនរួមជាតិខ្មែរ

ជនរួមជាតិខ្មែរនៅស្រុកថ្កូវ ខេត្តត្រាវិញ បានរដ្ឋឧបត្ថម្ភពូជសត្វ ចំណីសត្វ ថ្នាំបសុពេទ្យ គ្រាប់ពូជនិងសម្ភារៈចាំបាច់ក្នុងការចិញ្ចឹមសត្វ។ល។ ដើម្បីអភិវឌ្ឍផលិតកម្ម លើកកម្ពស់ជីវភាព។

កសិករនៅភូមិតាសឹក B ឃុំឡុងហ៊ីប បានឧបត្ថម្ភពូជមាន់ពង។

អនុវត្តសេចក្តីសម្រេចលេខ ៧១២ ចុះថ្ងៃទី១២/៦/២០១៨ របស់នាយករដ្ឋមន្ត្រីនៃរដ្ឋាភិបាល ស្តីពីកម្មវិធីសកម្មភាពជាតិ “គ្មាននៅគ្រោះអត់ឃ្លាន” នៅវៀតណាមរហូតដល់ឆ្នាំ ២០២៥ ក្រសួងកសិកម្មនិងអភិវឌ្ឍន៍ជនបទ កសាងផែនការផ្សព្វផ្សាយកម្មវិធីសកម្មភាពជាតិ និងគម្រោងគំរូកសិកម្មអាហារូបត្ថម្ភនៅឃុំចំនួន ១៣៥ ចំណុះខេត្តចំនួន ២៨ ដែលនៅមានស្រុកក្រីក្រ។ ស្រុកថ្កូវ ខេត្តត្រាវិញគឺជាអង្គភាពមួយក្នុងចំណោមអង្គភាពទាំងនោះបានទទួលផលពីកម្មវិធីនេះ។ លោកឡេវ៉ាន់ដុង អនុប្រធានមន្ទីរកសិកម្មនិងអភិវឌ្ឍន៍ជនបទខេត្តត្រាវិញ ឱ្យដឹង៖ “មានភូមិចំនួន ៣ គឺភូមិតាសឹក A តាសឹកB និងភូមិផ្សារនៃឃុំឡុងហ៊ីប បានជ្រើសដើម្បីអនុវត្តទម្រង់កសិកម្មអាហារូបត្ថម្ភ ដូច៖ ចិញ្ចឹមមាន់ ទា និងដាំប្រភេទបន្លែស្លឹក។ ទន្ទឹមនឹងនោះ នាយកដ្ឋានសេដ្ឋកិច្ចសហការបានបែងចែកថវិកា ៤០០ លានដុង ដើម្បីអនុវត្តទម្រង់”ចិញ្ចឹមមាន់ពង និងដាំប្រភេទបន្លែស្លឹក” ដល់ឃុំតឹងហ៊ីបទៀតផង។ ទម្រង់នេះបានរួមចំណែកដោះស្រាយស្ថានភាពខ្វះសាច់ស៊ុត ប្រភេទ vitamin ពីបន្លែបៃតងដល់ប្រជាជន បំផុតគឺស្រ្តីមានគភ៌ កុមារកង្វះអាហារូបត្ថម្ភនៅភូមិភាគ”។

អ្នកមីងថាច់ធីចន្ធី ជាគ្រួសារក្រីក្រនៅភូមិតាសឹក B ឃុំឡុងហ៊ីបឱ្យដឹងដោយក្តីរីករាយ៖ “គ្រួសារខ្ញុំបានរដ្ឋឧបត្ថម្ភពូជមាន់ល្អចំនួន ៥០ ក្បាល និងគ្រាប់ស្ពៃពូជ ដាំជុំវិញផ្ទះសម្រាប់ហូបចុកប្រចាំថ្ងៃ។ ខ្ញុំក៏បានចូលរួមវគ្គហ្វឹកហ្វឺនចំណេះដឹងវិទ្យាសាស្រ្តបច្ចេកទេសដាំដុះ ចិញ្ចឹមសត្វជារឿយៗ។ ហេតុនោះ គ្រួសារខ្ញុំធ្វើការរកស៊ីមានប្រសិទ្ធភាពបង្គួរ។ តាំងពីចូលរួមទម្រង់នេះ ខ្ញុំកាន់តែមានស្មារតីយកចិត្តទុកដាក់អំពីគុណភាពនៃការហូបចុកប្រចាំថ្ងៃ គឺគប្បីមានស៊ុត និងបន្លែបៃតង”។

បងគឹមបៃលី ប្រធានគណៈកម្មាធិការប្រជាជនឃុំឡុងហ៊ីប ឱ្យដឹង៖ “ទម្រង់កសិកម្មអាហារូបត្ថម្ភបានឧបត្ថម្ភនូវមាន់ពូជចំនួន ២.៤០០ ក្បាល និងប្រភេទគ្រាប់ពូជបន្លែស្លឹកសម្រាប់ដាំដល់គ្រួសារក្រីក្រ គ្រួសារប្រកៀកបន្ទាត់ក្រចំនួន ៥០ នៅលើភូមិសាស្រ្តភូមិចំនួន ៣។ ផ្តើមពីទម្រង់នេះ បានជួយលើកកម្ពស់សមត្ថភាព គុណភាពនៃជីវភាពរស់នៅរបស់ប្រជាជនគ្រប់ផ្នែក”៕

សើុងម៉ាល័យ-វិមាន

ចែករំលែកអត្ថបទ

ពាក្យគន្លឹះ