ព្រឹត្តិការណ៍ - នយោបាយ ព្រឹត្តិការណ៍

09/08/2021 - 07:55

សុកត្រាំង បន្តឧបត្ថម្ភកសិផល សម្ភារៈប្រើប្រាស់ចាំបាច់ដល់ប្រជាជនក្រុងហូជីមិញ

រថយន្តដឹកកសិផល សម្ភារៈប្រើប្រាស់ចាំបាច់របស់ខេត្តសុកត្រាំង ផ្ញើជូនប្រជាជននៅក្រុងហូជីមិញ។

តាមប្រសាសន៍លោកយឿងសាខា ប្រធានគណៈប្រជាចលនានៃគណៈកម្មាធិការបក្សខេត្ត ប្រធានគណៈកម្មាធិការរណសិរ្សមាតុភូមិវៀតណាមខេត្តសុកត្រាំង មន្ទីរកសិកម្មនិងអភិវឌ្ឍន៍ជនបទខេត្ត ទើបចលនាអាជីវកម្ម សហករណ៍ រួមជាមួយនឹងស្ថាប័ន អង្គភាព អង្គការ បុគ្គល និងប្រជាជនក្នុងខេត្ត ព្រួតដៃរួមវិភាគទានមានកសិផល និងសម្ភារៈប្រើប្រាស់ចាំបាច់ចំនួន ៦០ តោន ដូចជា៖ អង្ករ មីកញ្ចប់ នំ បន្លែបង្ការ ផ្លែឈើ។ល។ គិតជាទឹកប្រាក់សរុបជិត ១ ពាន់លានដុង។ ក្នុងនោះ គណៈកម្មាធិការរណសិរ្សមាតុភូមិវៀតណាមខេត្ត ឧបត្ថម្ភ ៤០០ លានដុងពីប្រភពមូលនិធិសង្គ្រោះរបស់ខេត្ត ដើម្បីផ្ញើជូនប្រជាជននៅក្រុងហូជីមិញ និងប្រជាជនមានស្រុកកំណើតនៅខេត្តសុកត្រាំង ដែលកំពុងរស់នៅ រៀនសូត្រ និងធ្វើការនៅក្រុងហូជីមិញ។ នេះជាលើកទីពីរ ខេត្តបានឧបត្ថម្ភកសិផល សម្ភារៈ ប្រើប្រាស់ចាំបាច់ដល់ក្រុងហូជីមិញ៕

លីធាន-វិមាន

ចែករំលែកអត្ថបទ

ពាក្យគន្លឹះ