មហាសាមគ្គីជនជាតិ ភូមិស្រុកផ្លាស់ថ្មី

19/07/2021 - 14:53

មនោសញ្ចេតនានៃកងទ័ពការពារព្រំដែន យ័ញង៉ុកសាង

វរសេនីយ៍ទោ យ័ញង៉ុកសាង ប្រធានគណៈប្រជាចលនាមហាជននៃកងទ័ពការពារព្រំដែនខេត្តគៀងយ៉ាង គឺជាគំរូលេចធ្លោមួយរូបនៃកងកម្លាំងការពារព្រំដែនខេត្ត។

លោកវរសេនីយ៍ទោ យ័ញង៉ុកសាង ថ្លែងយោបល់ក្នុងពិធីបើកការដ្ឋានសាងសង់ខ្លោងទ្វារ បង្គោលទង់របងសាលាទានភូមិព្រែកសួង ក្រុងរ៉ាច់យ៉ា ខេត្តគៀងយ៉ាង។

ឆ្នាំ ១៩៩៩ បន្ទាប់ពីបញ្ចប់ការសិក្សានៅវិទ្យាស្ថានការពារព្រំដែន អនុសេនីយ៍ត្រី យ័ញង៉ុកសាង បានមកបំពេញការងារនៅប៉ុស្ដិ៍ការពារព្រំដែនភូមី ស្រុកយ៉ាងថាញ់។ ទន្ទឹមនឹងការបំពេញតួនាទីនិងការទទួលខុសត្រូវក្នុងការរក្សាសន្តិសុខនយោបាយ និងសណ្តាប់ធ្នាប់សង្គមនៅតាមបន្ទាត់ព្រំដែនបានល្អ បងនៅទាំងធ្វើសេនាធិការជូនកងទ័ពការពារព្រំដែនខេត្តគៀងយ៉ាង អនុវត្តនូវភារកិច្ចជួយប្រជាជនតំបន់ព្រំដែន អភិវឌ្ឍសេដ្ឋកិច្ចនិងលំនឹងជីវភាពយ៉ាងមានប្រសិទ្ធភាព។ វរសេនីយ៍ទោ យ័ញង៉ុកសាង មានប្រសាសន៍៖ “ចំពោះប្រជាជនខ្មែរ កងទ័ពការពារព្រំដែនគប្បីយល់ពីទំនៀមទម្លាប់ និងប្រាស្រ័យទាក់ទងជាភាសាខ្មែរ ដើម្បីមាមីងយល់ច្បាស់ពីខ្លឹមសារឃោសនានៃស្ថានការណ៍នីមួយៗ”។

លោកវរសេនីយ៍ទោ យ័ញង៉ុកសាង (ទីពីររាប់ពីឆ្វេង) បាននាយករដ្ឋមន្រ្តីនៃព្រះរាជាណាចក្រកម្ពុជា ហ៊ុនសែន ជូនគ្រឿងឥស្សរិយយស សហមេត្រី។

ដោយសារស្ទាត់ជំនាញទាំងភាសាខ្មែរក៏ដូចជាភាសាវៀត ម្ល៉ោះហើយវរសេនីយ៍ទោយ័ញង៉ុកសាង ត្រូវបានជ្រើសធ្វើជាកម្មាភិបាលបកប្រែភាសាខ្មែរ ដើម្បីជួយដល់បញ្ជាការដ្ឋានកងទ័ពការពារព្រំដែនខេត្តគៀងយ៉ាង ងាយស្រួលក្នុងកិច្ចការបរទេស។ បងក៏ជាសមាជិកនៃក្រុមការងារខ័ណ្ឌសីមា បោះបង្គោលព្រំដែនលេខ ១០ ទទួលបន្ទុកខ្សែបន្ទាត់ព្រំដែនខេត្តគៀងយ៉ាង ជាមួយនឹងខេត្តកំពត់និងខេត្តតាកែវនៃប្រទេសកម្ពុជា។ លោកវរសេនីយ៍ទោ ង្វៀងវ៉ាន់ត្វង ស្នងការនយោបាយរងនៃកងទ័ពការពារព្រំដែនខេត្តគៀងយ៉ាង មានប្រសាសន៍៖ “សមមិត្តសាង តែងចូលរួមឃោសនានិងបកប្រែឱ្យក្រុមការងារ ដើម្បីពិភាក្សាអំពីស្ថានភាពខ័ណ្ឌសីមា បោះបង្គោលព្រំដែន ដោយមានការយល់ដឹងជ្រៅជ្រះអំពីទំនៀមទម្លាប់នៃប្រជាជនកម្ពុជា សមមិត្តសាង ក៏បានជួយក្រុមការងារខ័ណ្ឌសីមា បោះបង្គោលព្រំដែនលេខ ១០ កងទ័ពការពារព្រំដែនខេត្ត អនុវត្តភារកិច្ចបានរលូន។

វរសេនីយ៍ទោ យ័ញង៉ុកសាង នៅទាំងធ្វើជាអនុប្រធានសមាគមសប្បុរសធម៌ញ៉ឹងអៃ ក្រុងរ៉ាច់យ៉ាទៀតផង។ ក្នុងរយៈពេល ៦ ឆ្នាំកន្លង លោកបានរួមជាមួយសមាគមសប្បុរសធម៌ ចលនាសាងសង់ផ្ទះបានចំនួន ១៩ ខ្នង ជូនគ្រួសារក្រនិងគ្រួសារប្រកៀកបន្ទាត់ក្រ ទទួលចិញ្ចឹមមនុស្សចាស់អនាថា ៩ រូប កសាងនិងជួសជុលស្ពានបេតុងជនបទបានចំនួន ១០ ខ្សែ នៅភូមិភាគនានានៃខេត្តគៀងយ៉ាង។ល។

កន្លងរយៈពេល ២៧ ឆ្នាំបំពេញការងារក្នុងកងកម្លាំងការពារព្រំដែន វរសេនីយ៍ទោ យ័ញង៉ុកសាង សម្រេចបានស្នាដៃលេចធ្លោជាច្រើន ហើយទទួលបានលិខិតសរសើរ និងប័ណ្ណសរសើរជាច្រើនរបស់ផ្នែក និងរដ្ឋអំណាចគ្រប់លំដាប់ថ្នាក់។ ក្នុងនោះ មានមេដាយយុទ្ធជនរុងរឿង អាស្រ័យប្រធានរដ្ឋប្រទានជូន។ គ្រឿងឥស្សរិយយស សហមេត្រី អាស្រ័យនាយករដ្ឋមន្រ្តីនៃព្រះរាជាណាចក្រកម្ពុជាប្រទានជូន ដោយមានស្នាដៃល្អក្នុងកិច្ចសហប្រតិបត្តិការជួយកសាងនិងអភិវឌ្ឍន៍អង្គភាព ចំណុះយោធភូមិភាគទី ៣ នៃកងយោធពលខេមរភូមិន្ទ៕

អត្ថបទនិងរូប៖ មករា-បកប្រែ៖ សុផន

ចែករំលែកអត្ថបទ

ពាក្យគន្លឹះ