ព្រឹត្តិការណ៍ - នយោបាយ ព្រឹត្តិការណ៍

01/06/2021 - 08:32

បោះឆ្នោតតំណាងរដ្ឋសភានិងតំណាងក្រុមប្រឹក្សាប្រជាជនគ្រប់លំដាប់ថ្នាក់ប្រព្រឹត្តទៅដោយជោគជ័យ

អ្នកបោះឆ្នោតក្រុងកឹងធើទៅបោះឆ្នោតចំនួន ៩៩,៨៤%

យោងតាមការិយាល័យក្រុមប្រឹក្សាបោះឆ្នោតជាតិ ការបោះឆ្នោតតំណាងរដ្ឋសភា នីតិកាលទី XV និងតំណាងក្រុមប្រឹក្សាប្រជាជនគ្រប់លំដាប់ថ្នាក់ អាណត្តិកាល ២០២១ - ២០២៦ បានប្រព្រឹត្តទៅប្រកបដោយជោគជ័យ និងត្រូវតាមការកំណត់របស់ច្បាប់។ ពិនិត្យរួម អត្រាអ្នកចូលរួមបោះឆ្នោតមានចំនួនច្រើនជាង ៩០%។ ក្នុងនោះ ភូមិភាគនីមួយៗតំបន់វាលរាបទន្លេគឺវឡុង មានអត្រាអ្នកទៅបោះឆ្នោតមានចំនួនច្រើនដូច៖ ខេត្តហូវយ៉ាង ៩៩,៩៩%; ត្រាវិញ ៩៩,៩៨%; វិញឡុង ៩៩,៩៧%; បេនត្រែ ៩៩,៩៧%; បាកលីវ ៩៩,៩១%។ល។

សមមិត្ត ផាមវ៉ាន់ហេវ មានប្រសាសន៍ក្នុងសន្និសីទសារព័ត៌មានលទ្ធផលបឋមស្តីពីការបោះឆ្នោត។ រូបថត៖ អាញ់យ៉ុង

អគ្គលេខានៃរដ្ឋសភា ប្រធានការិយាល័យរដ្ឋសភា នាយការិយាល័យក្រុមប្រឹក្សាបោះឆ្នោតជាតិ ប៊ូយវ៉ាន់កឿង គូសបញ្ជាក់៖ អ្នកបោះឆ្នោតក្នុងទូទាំងប្រទេស ចាប់ពីតំបន់ខ្ពង់រាបរហូតដល់តំបន់វាលរាប ពីក្រុងដល់ជនបទ ឬព្រំដែនកោះសមុទ្រ មានក្តីសោមនស្សរីករាយដោយបានទៅបោះឆ្នោត បានអនុវត្តសិទ្ធិនិងកាតព្វកិច្ចរបស់ខ្លួន។ ពិសេស អ្នកបោះឆ្នោតសម្តែងការជឿទុកចិត្តទៅលើបក្ស រដ្ឋ ក៏ដូចជាការជ្រើសរើសបានអ្នកតំណាងដែលខ្លួនជឿទុកចិត្ត ដើម្បីបោះឆ្នោតចូលបម្រើការក្នុងស្ថាប័នសិទ្ធិអំណាចរដ្ឋខ្ពស់បំផុតនៅមជ្ឈិមនិងភូមិភាគ ជាមួយស្មារតីសប្បាយរីករាយ សាមគ្គី ផ្សារភ្ជាប់ ក្តីជំនឿទៅលើការដឹកនាំរបស់បក្ស និងប្រទេសជាតិ។ នៅតាមកន្លែង ធ្វើចត្តាឡីស័ក បង្ការប្រឆាំងជំងឺ COVID-១៩ ការងារបោះឆ្នោត សិទ្ធិនយោបាយរបស់ពលរដ្ឋម្នាក់ៗ ត្រូវបានធានាផងដែរ ។ ពោលគឺយើងទាំងអស់គ្នាអនុវត្តយ៉ាងល្អប្រសើរ ការរៀបចំហិបឆ្នោតនិងកម្លាំងរៀបចំ ដើម្បីនាំយកហិបឆ្នោតទៅដល់កន្លែងអ្នកធ្វើចត្តាឡីស័ក (ធ្វើចត្តាឡីស័កប្រមូលផ្តុំ ឬធ្វើចត្តាឡីស័កនៅតាមផ្ទះ) អនុវត្តសិទ្ធិបោះឆ្នោត សិទ្ធិនយោបាយរបស់ពលរដ្ឋ។

តាមប្រសាសន៍សមមិត្ត ផាមវ៉ាន់ហេវ អនុលេខាប្រចាំការនៃគណៈកម្មាធិការបក្សក្រុង ប្រធានក្រុមប្រឹក្សាប្រជាជន ប្រធានគណៈកម្មាធិការបោះឆ្នោតក្រុងកឹងធើ ជោគជ័យធំបំផុតក្នុងការបោះឆ្នោតតំណាងរដ្ឋសភានីតិកាលទី XV និងតំណាងក្រុមប្រឹក្សាប្រជាជនគ្រប់លំដាប់ថ្នាក់ អាណត្តិកាល ២០២១-២០២៦ នៅក្រុងគឺអត្រាអ្នកទៅបោះឆ្នោត ៩៩,៨៤%- សម្រេចអត្រាខ្ពស់។ នៅព្រឹកថ្ងៃទី ២៣ ខែឧសភា ក្រុងមានមណ្ឌលបោះឆ្នោតចំនួន ៩៣៥ កន្លែង បានបើកដំណើរការបោះឆ្នោត (នៅមណ្ឌលបោះឆ្នោតចំនួន ៨ ក្នុងកងកម្លាំងយោធា នគរបាល បានរៀបចំបោះឆ្នោតនៅថ្ងៃទី ២០ ខែឧសភា)។ គិតមកទល់នឹងម៉ោង ១៩ ថ្ងៃទី ២៣ ខែឧសភា លើភូមិសាស្រ្តក្រុង មានអ្នកទៅបោះឆ្នោតចំនួន ៩៤៦.៨៧៣/៩៤៨.៣៥៦ នាក់ សម្រេចអត្រា ៩៩,៨៤%។ ជាពិសេស ក្រុងមានបេក្ខជនឈរឆ្នោតតំណាងរដ្ឋសភាចំនួន ១៣ នាក់ បេក្ខជនឈរឆ្នោតតំណាងក្រុមប្រឹក្សាប្រជាជនក្រុងចំនួន ៨៧ នាក់; លទ្ធផលបឋម ក្រុងបានបោះគ្រប់ចំនួនតំណាងរដ្ឋសភា និងក្រុមប្រឹក្សាប្រជាជនក្រុង៕

ក្រុមអ្នកយកព័ត៌មាន-ប្រែសម្រួល៖ លីសៀ

ចែករំលែកអត្ថបទ

ពាក្យគន្លឹះ