ព្រឹត្តិការណ៍ - នយោបាយ នយោបាយ

12/04/2021 - 08:33

កម្មាភិបាល យុទ្ធជនរាប់រយនាក់ចូលរួមបុណ្យចូលឆ្នាំកងទ័ព-ប្រជាជន អំណរបុណ្យចូលឆ្នាំថ្មី

(កឹងធើ) - ចាប់ពីថ្ងៃទី ១ ដល់ទី ១០ ខែមេសា មានកម្មាភិបាល យុទ្ធជនកងកម្លាំងប្រដាប់អាវុធក្រុងជាង ១០០ នាក់ចូលរួមកសាងសំណង់បុណ្យចូលឆ្នាំកងទ័ព-ប្រជាជន អំណរបុណ្យចូលឆ្នាំថ្មី ២០២១ នៅខ័ណ្ឌអូរម៉ូង។ នេះជាសកម្មភាពអាស្រ័យបញ្ជាការដ្ឋានកងទ័ពក្រុង សហការជាមួយនឹងវិទ្យាស្ថានពុទ្ធសាសនាខ្មែរនិងមន្ទីរពេទ្យពហុព្យាបាលហ្វាហៅ - Medic កឹងធើ អនុវត្តជាលើកដំបូង សំដៅរួមចំណែកគិតគូរជីវភាពសម្ភារៈ ស្មារតីរបស់ជនរួមជាតិខ្មែរលើភូមិសាស្រ្តក្រុងកឹងធើ។

កងប្រជាស្វ័យត្រាណនិងសមណសិស្សចូលរួមកសាងរបងវត្តសង្វរពោធិញាណ។

កម្មាភិបាល យុទ្ធជនកងកម្លាំងប្រដាប់អាវុធក្រុង សមណសិស្ស សមាជិកសមាគម សមាជិកសម្ពន្ធយុវជននៃអង្គការមហាជនចូលរួមកសាងរបងវិទ្យាស្ថានពុទ្ធសាសនាខ្មែរនិងវត្តសង្វរពោធិញាណ កាប់ឆ្ការព្រៃស៊ុបទ្រុប សម្អាតទីធ្លានិងបំពាក់អំពូលភ្លើងផ្លូវប្រវែង ១.៥០០ ម៉ែត្រ ជូនអំណោយដល់គ្រួសារ គោលនយោបាយគ្រួសារក្រីក្រ ពិនិត្យជំងឺនិងផ្ដល់ថ្នាំឥតគិតថ្លៃដល់ប្រជាជន ផ្សព្វផ្សាយគោលមាគ៌ា គោលការណ៍របស់បក្ស រដ្ឋ ស្ដីពីគោលនយោបាយចំពោះជនរួមជាតិភាគតិច អ្នកកាន់សាសនា។ល។

សកម្មភាពសំខាន់នៃបុណ្យចូលឆ្នាំកងទ័ព-ប្រជាជន អំណរបុណ្យចូលឆ្នាំថ្មីប្រព្រឹត្តឡើងក្នុង ២ ថ្ងៃ(ថ្ងៃទី ៩ និងទី ១០ ខែមេសា) ជាមួយនឹងខ្លឹមសារ៖ ប្រឡងវេចនំប្រពៃណីជូនអំណោយប្រជាជន សកម្មភាពវប្បធម៌ - សិល្បៈអប់រំកាយ-កីឡា។ រាត្រីថ្ងៃទី ១០ ខែមេសា គណៈចាត់តាំងបុណ្យចូលឆ្នាំកងទ័ព-ប្រជាជន រៀបចំកម្មវិធីទូរទស្សន៍ផ្សាយបន្តផ្ទាល់ បូកសរុបបុណ្យចូលឆ្នាំកងទ័ព-ប្រជាជន អំណរបុណ្យចូលឆ្នាំថ្មី និងជូនអំណោយដល់ប្រជាជន៕

ផាមទ្រុង - ថាច់ធី

ចែករំលែកអត្ថបទ

ពាក្យគន្លឹះ