មហាសាមគ្គីជនជាតិ គំរូក្នុងសហគមន៍

12/04/2021 - 07:51

ព្រះ​តេជព្រះ​គុណ​ ថាច់​ឡែ អស់​ពី​ព្រះ​ទ័យ​ដើម្បី​ការ​ងារ​សាសនា​និង​សង្គម​

ព្រះ​តេជព្រះ​គុណ​ ថាច់​ឡែ ព្រះ​ចៅ​អធិ​ការ​វត្ត​សាល​វន្ត (តាអោក) ឃុំ​ចូវ​ដៀង ស្រុក​កូវ​កែ​ ខេត្ត​ត្រា​វិញ​ តែង​បាន​ពុទ្ធ​បរិស័ទ​ដឹង​ស្គាល់​ច្រើន​ ដោយ​សារ​ស្នា​ព្រះ​ហស្ដរបស់​ព្រះ​អង្គ​ ក្នុង​ការ​ចលនា​ពុទ្ធ​បរិស័ទ​កសាង​សំ​ណង់​ផ្សេង​ៗ​ជា​ច្រើន​ក្នុង​វត្ត​អា​រាម​។​ ទន្ទឹម​នឹង​នោះ​ ព្រះ​អង្គ​ថែម​ទាំង​ផ្សព្វ​ផ្សាយ​ចលនា​ពុទ្ធ​បរិស័ទ​អនុវត្ត​ល្អ​រាល់​ការ​ចលនា​នៅ​ភូមិ​ភាគ​​ទៀត​ផង​។

រយៈ​ពេល​ជាង​ ១៦ ឆ្នាំ​ទទួល​តំ​ណែង​ជាព្រះ​ចៅ​អធិ​ការ​វត្ត​ ព្រះ​តេជព្រះ​គុណ​ ថាច់​ឡែ បាន​រួម​ជា​មួយ​ព្រះ​សង្ឃ​ គណៈ​កម្ម​ការ​អា​ចារ្យ​វត្ត​ ចលនា​ពុទ្ធ​បរិស័ទ​កសាង​បាន​សំ​ណង់​ជា​ច្រើន​ក្នុង​វត្ត​ មាន​ដូច​ជា​៖ សមណ​កុដិ​ របង​បង្គោល​ទង់​ ឧបដ្ឋាន​សាលា​ និង​ជួស​ជុល​សំ​ណង់​បុរាណ​មួយ​ចំ​នួន​ដែល​មាន​តម្លៃ​ខាង​ផ្នែក​ស្ថា​បត្យ​កម្ម​។​ ព្រះ​តេជ​ព្រះ​គុណ​ ថាច់​ឡែ មាន​ថេរដី​កា​៖ “រស់​នៅ​ក្នុង​សង្គម​ ក៏​ដូច​ជា​ការ​បួស​រៀន​ ខ្លាច​តែ​មនុស្ស​មិន​ព្រម​រៀន​សូត្រ​ស្វែង​យល់​ទេ​ ប្រ​សិន​បើ​ស៊ូ​ទ្រាំ​រៀន​សូត្រ​ យក​ចិត្ត​ទុក​ដាក់​ ធ្វើ​បាន​កិច្ច​ការ​អ្វី​ យើង​ក៏​ធ្វើ​បាន​ដូច​គេ​ដែរ​។​ រយៈ​ពេល​កន្លង​ បណ្តា​គោល​នយោ​បាយ​របស់​បក្ស​ ក្រឹត្យ​ច្បាប់​របស់​រដ្ឋ​ ដែល​គិត​គូរ​ដល់​ជន​រួម​ជាតិ​ខ្មែរ​ គឺមាន​ភាព​ល្អ​ប្រ​សើរ​ណា​ស់​។​ មាមីង​ខ្មែរ​មាន​លំ​នៅ​ឋាន​ កូន​ចៅ​ទៅ​រៀន​បាន​ងាយ​ស្រួល​ ។​ល។​ បច្ចុប្បន្ន​ អា​ត្មា​ភាព​រ​ួមជាមួយ​រដ្ឋ​អំ​ណាច​ភូមិ​ភាគ​ ខ្នះ​ខ្នែង​ចលនា​មាមីង​កសាង​ផ្នត់​រស់​នៅ​ស៊ី​វិល័យ​”។​

វត្ត​សាល​វន្ត ជា​វត្ត​មួយ​ស្ថិត​នៅ​តំ​បន់​ឆ្ងាយ​ដាច់​ស្រ​យាល​ មាន​សំ​ណង់​ជា​ច្រើន​វិនា​សហិន​ហោច​ដោយ​សារ​សង្គ្រាម​។​  អា​ស្រ័យ​ហេតុ​នោះ​ បន្ត​ពី​ព្រះ​ចៅ​អធិ​ការ​វត្ត​មុន​ៗ​មក​ ព្រះ​តេជ​ព្រះ​គុណ​ ថាច់​ឡែ តែង​មាន​ស្មារតី​ភ្ញាក់​រលឹក​ខ្ពស់​ក្នុង​ការ​ពង្រីក​ និង​អភិរក្ស​កេរ​មត៌ក ដើម្បី​កសាង​ឱ្យ​កាន់​តែ​ស្រស់​ បំ​ព្រង​នូវ​តម្លៃ​ប្រ​វត្តិ​សាស្រ្ត​នៃ​វត្ត​អា​រាម​។​ លោក​ សឺនក្វៀង​ នៅ​ភូមិ​តា​អោក អ្នក​ធ្លាប់​បួស​រៀន​នៅ​វត្ត​តា​អោក ឱ្យ​ដឹង​៖ “ចាប់​តាំង​ពី​ព្រះ​តេជព្រះ​គុណ​ ថាច់​ឡែ ឡើង​កាន់​តំ​ណែង​ជា​ព្រះ​ចៅ​អធិ​ការ​ព្រះ​សង្ឃ​ និង​ពុទ្ធ​បរិស័ទ​ក្នុង​ចំ​ណុះ​ជើង​ វត្ត​ មាន​ការ​សាម​គ្គី​ល្អ​។​ ម្យ៉ាង​ទៀត​ រាល់​កិច្ច​ការ​ក្នុង​វត្ត​មុន​ ពេល​ដំ​ណើរការ​កសាង​ព្រះ​អង្គ​តែង​លើក​ឡើង​ពិភាក្សា​ ផ្តល់​យោ​បល់​ជា​មួយ​គណៈ​កម្ម​ការ​វត្ត​និង​ពុទ្ធ​បរិស័ទ​ជា​និច្ច​។​ ផ្តើម​ពី​នោះ​ ព្រះ​អង្គ​បង្ក​បាន​ទំ​នុក​ចិត្ត​និង​មាន​ការ​គោ​រព​រាប់​អាន​ពី​ពុទ្ធ​បរិស័ទ​”។​

មិន​ត្រឹម​តែអស់​ពី​ព្រះ​ទ័យ​ជា​មួយ​ការ​ជួស​ជុល​ កសាង​សំ​ណង់​ស្ថាបត្យ​កម្ម​ក្នុង​វត្ត​ប៉ុណ្ណោះ​ទេ​ ព្រះ​តេជព្រះ​គុណ​ថាច់​ឡែ នៅ​ទាំង​បំ​ពេញ​ការ​ងារ​សប្បុរស​ធម៌​សង្គម​ទៀត​ផង​។​ រៀង​រាល់​ឆ្នាំ​ ក្នុង​ឱកាស​បុណ្យ​ផ្សេង​ៗ​របស់​ជន​រួម​ជាតិ​ខ្មែរ​ដូច​៖ បុណ្យ​សែន​ដូន​តា បុណ្យ​ចូល​ឆ្នាំ​ថ្មី​ ព្រះ​អង្គ​តែង​ជូន​អំ​ណោយ​ជាង​ ១០០ ចំ​ណែក​ ក្នុង​មួយ​ចំ​ណែក​តម្លៃ​ពី​ ៣០០.០០០-៥០០.០០០ ដុង​ ជូន​មាមីង​ក្រី​ក្រក្នុង​ឃុំ​ដើម្បី​កាត់​បន្ថយ​ការ​លំ​បាក​។​

លោក​ ឃឺវជីក​ឿង​ លេខា​គណៈ​កម្មា​ធិការ​បក្ស​ឃុំ​ចូវ​ដៀង ឱ្យ​ដឹង​៖ “ព្រះ​តេជព្រះ​គុណ​ថាច់​ឡែ គឺជា​ព្រះ​សង្ឃ​គំ​រូ​មួយ​អង្គ​អស់​ពី​ព្រះ​ទ័យ​ដើម្បី​សាសនា​និង​សង្គម​។​ ព្រះ​អង្គ​បាន​រួម​ចំ​ណែ​ក​ជាច្រើន​ក្នុង​ការ​ចលនា​ពុទ្ធ​បរិស័ទ​កសាង​វត្ត​អា​រាម​ និង​អនុវត្ត​ល្អ​ការ​ចលនា​នៅ​ភូមិ​ភាគ​។​ ផ្តើម​ពី​នោះ​ ជួយ​ឱ្យ​ការ​អនុវត្ត​ជំ​នឿ​សាសនា​ និង​អនុវត្ត​នូវ​គោល​ការណ៍​ មាគ៌ា​របស់​បក្ស​ ក្រឹត្យ​ច្បាប់​របស់​រដ្ឋ​ដល់​ជន​រួម​ជាតិ​ខ្មែរ​ក្នុង​ចំ​ណុះ​ជើង​វត្ត​កាន់​តែល្អ​ប្រ​សើរ​”៕​

សឺន​ម៉ាល័យ​-លីសៀ

ចែករំលែកអត្ថបទ