គោលនយោបាយ -ការរស់នៅ ការរស់នៅ

08/03/2021 - 15:48

ទិដ្ឋភាពថ្មីនៅត្រាវិញ

ទោះបីនៅជួបការលំបាកច្រើនក៏ដោយ ប៉ុន្តែដោយការខិតខំយ៉ាងពេញទំហឹងរបស់គណៈ ផ្នែកគ្រប់លំដាប់ថ្នាក់ និងប្រជាជនគ្រប់រូប បានរួមចំណែកជំរុញកម្រិតកំណើន GRDP មធ្យមភាគ ៥ ឆ្នាំជិតៗនេះរបស់ខេត្តត្រាវិញសម្រេច ១១,៩៥%។

ការចិញ្ចឹមបង្គាគឺជារបរមួយមានប្រៀបខ្លាំងរបស់ខេត្តត្រាវិញ។

យោងតាមគណៈកម្មាធិការប្រជាជនខេត្តត្រាវិញ រយៈពេលកន្លង ផ្នែកសមត្ថកិច្ចគ្រប់លំដាប់ថ្នាក់បានបន្តផ្លាស់ថ្មីនូវទម្រង់ លើកកម្ពស់គុណភាពកំណើន ប្រសិទ្ធភាពការងារ កម្លាំងប្រកួតប្រជែងនៃខឿនសេដ្ឋកិច្ច កែលម្អបរិស្ថានវិនិយោគទុន ធ្វើអាជីកម្ម បង្កលក្ខណៈសម្រាប់សមាសភាពសេដ្ឋកិច្ចរីកចម្រើន ។ ជំហានដំបូងបង្កើតបាននិងអភិវឌ្ឍទីផ្សារដូច៖ ធានារ៉ាប់រង អចលនទ្រព្យ វិទ្យាសាស្រ្ត បច្ចេកវិទ្យា ពលកម្ម។ល។ សហការជាមួយក្រសួង ផ្នែកមជ្ឈិម វិនិយោគបង្កើនកម្រិត បើកផ្លូវសម្រាប់កប៉ាល់ខ្នាត់ធំចូលមកទន្លេហូវ កំពង់ផែនាំចូលធ្យូងសម្រាប់កប៉ាល់មានចំណុះ ៣០.០០០តោន សម្រេចការបង្កើនកម្រិតជួសជុលផ្លូវជាតិលេខ ៦០ និងផ្លូវជាតិលេខ ៥៣ ។ កសាងកំពង់ផែចម្រុះ ឌិញអាង កំពង់ផែសមុទ្រថ្កូវ។ វិនិយោគបង្កើនកម្រិត ពង្រីកផ្លូវខេត្ត ផ្លូវស្រុក ផ្លូវទៅកាន់មជ្ឈមណ្ឌលឃុំប្រវែង ១០១ គីឡូម៉ែត្រ និងផ្លូវជនបទប្រមាណ ៨១៥ គីឡូម៉ែត្រ។ កសាងសម្រេច និងដាក់ឱ្យប្រើប្រាស់ផ្លូវមួយចំនួននៅតំបន់សេដ្ឋកិច្ចឌិញអាង មានប្រវែងសរុប ១៨ គីឡូម៉ែត្រ។ មជ្ឈមណ្ឌលអគ្គិសនី យ្វៀងហាយ កសាងជាស្រេចរោងចក្រ ១, រោងចក្រ៣ និងរោងចក្រ ៣ (បើកទូលាយ)។

ក្រៅពីនោះ ខេត្តនៅទាំងផ្តុំកម្លាំងបង្វែររចនាសម្ព័ន្ធខឿនសេដ្ឋកិច្ចតាមទិសដៅកាត់បន្ថយសមាមាត្រកសិកម្ម រុក្ខកម្មនិងជលផល បង្កើនសមាមាត្រឧស្សាហកម្ម-សាងសង់និងពាណិជ្ជកម្ម-សេវាកម្ម។ ភាពទម្លុះទម្លាយខាងលើ បានរួមចំណែកជំរុញសេដ្ឋកិច្ចរបស់ត្រាវិញមានកម្រិតកំណើន GRDP មធ្យមភាគ ៥ ឆ្នាំកន្លង សម្រេច ១១,៩៥% ស្ថិតក្នុងចំណោមខេត្តដែលមានកំណើនខ្ពស់។ GRDP មធ្យមភាគលើមនុស្សម្នាក់ប៉ាន់ស្មានសម្រេច ៦៥ លានដុង នាចុងឆ្នាំ ២០២០ កើនជិត ២,២ ដង បើប្រៀបនឹងឆ្នាំ ២០១៥។

រយៈពេលខាងមុខ ខេត្តត្រាវិញ ខិតខំក្លាយជាខេត្តមុខព្រួញអភិវឌ្ឍសេដ្ឋកិច្ចសមុទ្រនៅតំបន់វាលរាបទន្លេគឺវឡុង។ ដើម្បីអនុវត្តទិសដៅនេះ ខេត្តបានកំណត់តំបន់អភិវឌ្ឍសេដ្ឋកិច្ចសមុទ្រ រួមមាន ៥ អង្គភាពថ្នាក់ស្រុក ជាប់ឆ្នេរសមុទ្រ ជាមួយនឹងផ្ទៃដីចំនួន ១៥២.២៥៦ ហិកតា (ជិត ៦៥% នៃផ្ទៃដីទូទាំងខេត្ត)។ ខេត្តត្រាវិញនឹងពិនិត្យពិច័យ កែសម្រួលនិងកសាងព្រមៗគ្នានូវយុទ្ធសាស្រ្ត គម្រោងផែនការដែលជាប់ពាក់ព័ន្ធនឹងសមុទ្រតាមទិសដៅគ្រប់គ្រងចម្រុះ សមស្របនឹងប្រព័ន្ធអេកូសមុទ្រ ធានាការផ្សារភ្ជាប់ស្របគ្នា ព្រមៗគ្នារវាងការអភិរក្សនិងអភិវឌ្ឍន៍តំបន់ដីគោក តំបន់ឆ្នេរសមុទ្រ តំបន់សមុទ្ររបស់ខេត្តនិងខេត្តនៅជិតខាង។ បំពេញបន្ថែមគម្រោងទីក្រុងឆ្នេរសមុទ្រ កំណត់ទិសដៅបង្កើនកម្រិតទីរួមខេត្តយ្វៀងហាយឡើងជាក្រុង។ កៀរគរនិងប្រើប្រាស់ប្រកបដោយប្រសិទ្ធភាពប្រភពកម្លាំងវិនិយោគធ្វើឱ្យសុក្រឹតហេដ្ឋារចនាសម្ព័ន្ធតំបន់សេដ្ឋកិច្ចឌិញអាង ខិតខំដល់ឆ្នាំ ២០៣០ ក្លាយជាច្រកគមនាគមន៍ផ្លូវទឹកអន្តរជាតិ និងជាដើមទងគមនាគមន៍សំខាន់របស់តំបន់វាលរាបទន្លេគឺវឡុង និងមាត់សមុទ្រណាមបូ៕

ភឿកប៊ិញ-មុនី

ចែករំលែកអត្ថបទ

ពាក្យគន្លឹះ