ព្រឹត្តិការណ៍ - នយោបាយ ព្រឹត្តិការណ៍

01/03/2021 - 15:06

ដំណោះស្រាយតុល្យភាពធំៗចំនួន ៥ ក្នុងការអភិវឌ្ឍប្រទេសជាតិ

នាយករដ្ឋមន្រ្តី ង្វៀងស្វឹងភុក ដឹកនាំកិច្ចប្រជុំប្រចាំការរដ្ឋាភិបាលពិភាក្សាអំពីស្ថានភាពបុណ្យចូលឆ្នាំតេត ផ្សព្វផ្សាយភារកិច្ចសំខាន់ៗ ក្រោយចូលឆ្នាំនិងការងារបង្ការប្រឆាំង
ជំងឺ COVID-១៩ ។ រូប៖ ក្វាងហ៊ីវ

នៅកិច្ចប្រជុំប្រចាំការរដ្ឋាភិបាល ពិភាក្សាអំពីស្ថានភាពបុណ្យចូលឆ្នាំតេត ផ្សព្វផ្សាយភារកិច្ចសំខាន់ៗ ក្រោយបុណ្យចូលឆ្នាំនិងការងារបង្ការប្រឆាំងជំងឺ COVID -១៩ នាយករដ្ឋមន្រ្តីនៃរដ្ឋាភិបាល ង្វៀងស្វឹងភុក សំណូមពរ៖ ចាប់ពីត្រីមាសទី I ត្រូវតែប្តេជ្ញាចិត្តរៀបចំអនុវត្តប្រកបដោយប្រសិទ្ធភាពសេចក្តីសម្រេចនៃមហាសន្និបាតបក្សទូទាំងប្រទេស លើកទី XIII ។ នាយករដ្ឋមន្រ្តី គូសបញ្ជាក់៖ នោះគឺ ដំណោះស្រាយតុល្យភាពធំៗ ចំនួន ៥ ក្នុងការអភិវឌ្ឍប្រទេសជាតិ ពិសេសគឺក្នុងរយៈពេល ៦ ខែដើមឆ្នាំ ២០២១ និងពេញមួយឆ្នាំ ២០២១ រយៈពេលយូរអង្វែងក្នុងផែនការ ៥ ឆ្នាំ។ នោះគឺតុល្យភាពរវាងការបើកទ្វារផ្លាស់ថ្មី ជំរុញខ្លាំងក្លាអភិវឌ្ឍសេដ្ឋកិច្ច-សង្គម រួមជាមួយការពង្រឹងលើកកម្ពស់តួនាទី; តុល្យភាពរវាងអភិវឌ្ឍសេដ្ឋកិច្ចឆាប់រហ័សនឹងការធានាវឌ្ឍនភាព សមភាពសង្គម ក្នុងនោះមានបញ្ហាការពារបរិស្ថាន ការពារអត្តសញ្ញាណវប្បធម៌ជនជាតិ; តុល្យភាពរវាងកម្លាំងផ្ទៃក្នុងនិងផ្ទៃក្រៅ រវាងសេដ្ឋកិច្ចក្នុងប្រទេស និងសេដ្ឋកិច្ចក្រៅប្រទេស រវាងផ្នែកពាណិជ្ជកម្មក្នុងប្រទេសនិងក្រៅប្រទេស រវាងការកសាងខឿនសេដ្ឋកិច្ចឯករាជ្យម្ចាស់ការ រួមជាមួយនឹងការបើកទ្វារ និងសមាហរណកម្មសេដ្ឋកិច្ចអន្តរជាតិក្នុងតំបន់ ក៏ដូចជាសេដ្ឋកិច្ចពិភពលោក; តុល្យភាពរវាងអាទិភាពរយៈពេលខ្លីជាមួយនឹងទិសដៅរយៈពេលវែង; តុល្យភាពប្រភពកម្លាំង ហិរញ្ញវត្ថុជាតិ ជញ្ជីងថវិកាបំណុលរដ្ឋ ជញ្ជីងទូទាត់អន្តរជាតិ ព្រមទាំងមានតុល្យភាពម៉ាក្រូផ្សេងៗទៀត។

ក្រៅពីនេះ នៅកិច្ចប្រជុំខាងលើនេះដែរ នាយករដ្ឋមន្រ្តីនៃរដ្ឋាភិបាល បានសង្កត់ធ្ងន់៖ ការចលនាប្រជាជនដំឡើងកម្មវិធីផ្នែកទន់ Bluezone អនុវត្តសារ ៥K របស់ផ្នែកសុខាភិបាល ធានាសុវត្ថិភាព មិនត្រូវទុកឱ្យជំងឺឆ្លងរាលដាលនៅតាមតំបន់ ដូច៖ សាលារៀន មណ្ឌលផ្សារ ផ្សារទំនើប ឬមន្ទីរពេទ្យ។ល។ តាមមូលដ្ឋានអាជីវកម្ម ពិសេសគឺមូលដ្ឋានមានមនុស្សកុះករ ត្រូវតែមានវិធីសាស្រ្តជាក់ស្តែងក្នុងការបង្ការប្រឆាំងជំងឺ៕

យោង៖ កាសែតជនជាតិ និងអភិវឌ្ឍន៍-ប្រែសម្រួល៖ លីសៀ

ចែករំលែកអត្ថបទ

ពាក្យគន្លឹះ