ព្រឹត្តិការណ៍ - នយោបាយ ព្រឹត្តិការណ៍

26/01/2021 - 10:37

មហាសន្និបាតបក្សទូទាំងប្រទេសលើកទី XIII ប្រព្រឹត្តឡើងចាប់ពីថ្ងៃទី ២៥ ខែមករា ដល់ថ្ងៃទី ២ ខែកុម្ភៈ ឆ្នាំ ២០២១

មហាសន្និបាតតំណាងទូទាំងប្រទេសលើក ទី XIII របស់បក្ស បានប្រព្រឹត្តឡើងជាផ្លូវការ ចាប់ពីថ្ងៃទី ២៥ ខែមករា ឆ្នាំ ២០២១ ដល់ថ្ងៃទី ២ ខែកុម្ភៈ ឆ្នាំ ២០២១ នៅរដ្ឋធានីហាណូយ។

ប៉ុន្មានថ្ងៃនេះ នៅតាមដងផ្លូវរដ្ឋធានីហាណូយ ត្រូវបានតុបតែងលម្អដោយទង់ជាតិ បដា ពាក្យស្លោក ដែលមានពណ៌ឆើតឆាយ ដើម្បីអបអរសាទរមហាសន្និបាតតំណាងទូទាំងប្រទេសលើក ទី XIII របស់បក្ស។

មហាសន្និបាតលើកនេះ មានភារកិច្ចពិនិត្យឡើងវិញការអនុវត្តសេចក្ដីសម្រេចចិត្តមហាសន្និបាត XII ផ្សារភ្ជាប់នឹងការវាយតម្លៃទូទៅ ដំណើរការផ្លាស់ថ្មី សេចក្ដីសម្រេចទិសដៅ គោលដៅ ភារកិច្ច ៥ ឆ្នាំ និង ១០ ឆ្នាំខាងមុខ និងចក្ខុវិស័យដល់ឆ្នាំ ២០៤៥ ។ មហាសន្និបាត លើកទី XIII ក៏បានវាយតម្លៃការអនុវត្តលក្ខន្តិកៈ បក្សនីតិកាល XII ពិនិត្យឡើងវិញការដឹកនាំរបស់គណៈប្រតិបត្តិការមជ្ឈិមបក្ស នីតិកាល XII បោះឆ្នោតគណៈប្រតិបត្តិការមជ្ឈិមបក្ស នីតិកាល XIII ។

មហាសន្និបាតត្រូវបានអនុវត្តដំណើរការតាមគោលលំនាំ ៖ សាមគ្គី - ប្រជាធិបតេយ្យ - ក្រឹត្យក្រម - ច្នៃប្រតិដ្ឋ - អភិវឌ្ឍន៍ ក្រោមប្រធានបទ ៖ បង្កើនការកសាង រៀបចំបក្សនិងប្រព័ន្ធនយោបាយស្អាតស្អំ; រឹងមាំ បំផុសមហច្ឆិតាអភិវឌ្ឍន៍ប្រទេសជាតិ ពង្រីកឆន្ទៈ កម្លាំងមហាសាមគ្គីទូទាំងជនជាតិ គួបផ្សំនឹងកម្លាំងយុគសម័យ; បន្តការជំរុញលើគ្រប់វិស័យព្រមៗគ្នាក្នុងការផ្លាស់ថ្មី កសាងនិងការពារមាតុភូមិរឹងមាំ រក្សាខ្ជាប់បរិស្ថានសន្តិភាព ស្ថិរភាព; ខិតខំដល់ពាក់កណ្ដាលសតវត្សរ៍ ២១ ប្រទេសយើងក្លាយជាប្រទេសអភិវឌ្ឍតាមទិសដៅសង្គមនិយម៕

អ្នកយកព័ត៌មាន - ប្រែសម្រួល៖ ថាច់ធី

ចែករំលែកអត្ថបទ

ពាក្យគន្លឹះ