27/10/2020 - 08:15

រីក​សាយ​ចលនា​វង្ស​ត្រកូល​រៀន​សូត្រ​

ប៉ុន្មាន​ឆ្នាំ​កន្លង​ ការ​ចលនា​កសាង​គ្រួ​សារ​រៀន​សូត្រ​ វង្ស​ត្រកូល​រៀន​សូត្រ​ លើ​ភូមិ​សាស្រ្ត​ស្រុក​អ៊ូ​មិញ​ ខេត្ត​កាម៉ាវ តែង​ទទួល​បាន​ការ​ចាប់​អា​រម្ម​ណ៍ លើក​ទឹក​ចិត្ត​ពី​គ្រប់​ថ្នាក់​ គ្រប់​ផ្នែក​ ប្រ​ជា​ជន​គ្រប់​ជាន់​ស្រទាប់​និង​មាន​ជំ​ហា​ន​រីក​ចម្រើន​ខ្លាំង​ក្លា​។​ លទ្ធ​ផល​នៃ​ការ​ចលនា​ បាន​រួម​ចំ​ណែក​សំ​ខាន់​ក្នុង​ការ​លើក​កម្ពស់​គុណ​ភាព​អប់​រំនៅ​ទាំង​ក្នុង​សាលា​រៀន​និង​សង្គម​ខាង​ក្រៅ​។​

 ​ សប្បុរស​ជន​ ជូន​កង់​ដល់​សិស្ស​ក្រី​ក្រលើ​ភូមិ​សាស្រ្ត​ស្រុក​។​ 

អនុប្រ​ធាន​សមាគម​ជំ​រុញ​ការ​សិក្សា​ ស្រុក​អ៊ូ​មិញ​ វ៉ថាញ់​ប៊ិញ ឱ្យ​ដឹង​៖ ចាប់​តាំង​ពី​មាន​គោល​ការណ៍​កសាង​គ្រួ​សារ​រៀន​សូត្រ​ វង្ស​ត្រកូល​រៀន​សូត្រ​ សមាគម​ជំ​រុញ​ការ​សិក្សា​ បាន​ជំ​រុញ​ការ​ផ្សព្វ​ផ្សាយ​ បំ​ផុស​ចលនា​ប្រ​ឡង​ប្រ​ណាំង ធ្វើ​សេនា​ធិការ​ជូន​គណៈ​កម្មា​ធិការ​បក្ស​ រដ្ឋ​អំ​ណាច​ កសាង​ផែន​ការ​ ផ្សព្វ​ផ្សាយ​ញុាំង​ខ្ញុំ​ចលនា​កាន់​តែរីក​ទូលំ​ទូលាយ​។​ មក​ទល់​សព្វ​ថ្ងៃ​ ស្រុក​បង្កើត​បាន​វង្ស​ត្រកូល​រៀន​សូត្រ​ចំ​នួន​ ២ (ត្រកូល​ផាង នៅ​ភូមិ​ ៨ ឃុំ​ខាញ់​ហោយ​ និង​ត្រកូល​ឌោ នៅ​ឃុំ​ខាញ់​ហ្វា); មាន​គ្រួ​សារ​ចំ​នួន​ ៥.៤៧៧ បាន​ទទួល​ស្គាល់​ជាគ្រួ​សារ​រៀន​សូត្រ​។​ ក្រៅ​ពី​នោះ​ ស្រុក​បង្កើត​បាន​សាខា​សមាគម​ជំ​រុញ​ការ​សិក្សា​ចំ​នួន​ ១៣៩ ដោយ​មាន​សមាជិក​១១.៩៤៤ នាក់; មាន​ភូមិ​ ៩៥% អនុសង្កាត់​ ១០០% សម្រេច​កិត្តិ​នាម សហគមន៍រៀន​សូត្រ​; មាន​ស្ថាប័ន​ អង្គ​ភាព​ សាលា​រៀន​ អា​ជីវ​កម្ម​ទាំង​១០០% លើ​ភូមិ​សាស្រ្ត​ សម្រេច​កិត្តិ​នា​មអង្គ​ភាព​រៀនសូត្រ​។​

លោក​ត្រា​ង៉ុក​ម៉េន ជាជន​ជាតិ​ខ្មែរ​នៅ​ភូមិ​ ៩ ឃុំ​ង្វៀន​ភិត ជាគ្រួ​សារ​ឆ្នើម​មួយ​ក្នុង​ចំ​ណោម​គ្រួ​សារ​ជាច្រើន​នៃ​ចលនា​នេះ​។​ លោក​ម៉េន ឱ្យ​ដឹង​៖ “ខ្ញុំ​រៀប​ការ​តាំង​ពី​ឆ្នាំ​ ១៩៧៩ មាន​កូន​ ៤ នាក់។​ កាល​នោះ​ គ្រួ​សារ​ខ្ញុំ​ជួប​លំ​បាក​យ៉ាង​ខ្លាំង​ ប៉ុន្តែ​ដោយ​ការ​ប្រឹង​ប្រែង​ពលកម្ម​ផលិត ដើម្បី​រក​ប្រាក់​ចិញ្ចឹម​កូន​ៗ​រៀន​សូត្រ​”។​

ដើម្បី​អនុវត្ត​ល្អ​ការ​ងារ​ចលនា​មូល​និធិ​ជំ​រុញ​ការ​សិក្សា​ សមាគម​ជំ​រុញ​ការ​សិក្សា​ស្រុក​បានចាត់​តាំង​ការ​ជួប​ជុំ​ទំ​នាក់​ទំ​នង​ ដោះ​ដូរ​ជាមួយ​អង្គ​ភាព​ដែល​នៅ​ក្នុង​និង​ក្រៅ​ស្រុក​ អ្នក​មាន​ស្រុក​កំ​ណើត​អ៊ូ​មិញ​ នៅ​ក្រុង​កាម៉ាវ​និង​ក្រុង​ហូជីមិញ​ ដើម្បី​ចលនា​កសាង​មូល​និធិ​សមាគម។​ លទ្ធ​ផល​តាំង​ពី​ឆ្នាំ​ ២០១៦ មក​ទល់​ឥឡូ​វ មាន​អង្គ​ការ​ បុគ្គ​ល ប្រ​ជា​ជន​គ្រប់​ជាន់​ស្រទាប់​ចូល​រួម​ឧបត្ថម្ភ​កំ​ព្យូទ័រ​ចំ​នួន​ ៤០ គ្រឿង​ បន្ទប់​រៀន​ចំ​នួន​ ១៦ បន្ទប់​ សម្ភារ​ៈសាលា​រៀន​គិត​ជាតម្លៃ​ទឹក​ប្រាក់ជិត​ ៩ ពាន់​លាន​ដុង​ ព្រម​ជា​មួយ​នោះ​ ឧបត្ថម្ភ​អា​ហា​រូប​ករណ៍ កង់​ សៀវ​ភៅ​សរ​សេរ​ជូន​សិស្ស​ក្រី​ក្រ សរុប​ទឹក​ប្រាក់ជាង ​២ ពាន់​លាន​ដុង​។​

លោក​វ៉ថា​ញ់ប៊ិ​ញ ឱ្យ​ដឹង​៖ ការ​ចលនា​កសាង​គ្រួ​សារ​រៀន​សូត្រ​ វង្ស​ត្រកូល​រៀន​សូត្រ​ មិន​ត្រឹម​តែមាន​ឥទ្ធិពល​ដល់​សកម្ម​ភាព​អប់​រំនៅ​តាម​សាលា​រៀន​ប៉ុណ្ណោះ​ទេ​ នៅ​ទាំង​បង្ក​ឥទ្ធិ​ពល​ជាវិជ្ជ​មាន​ដល់​ជីវ​ភាព​របស់គ្រួ​សារ​ វង្ស​ត្រកូល​នីមួយ​ៗ​ទៀត​ផង​។​ កិច្ច​ការ​ដែល​គ្រួ​សារ​នីមួយ​ៗ​ វង្ស​ត្រកូល​នីមួយ​ៗ​មាន​ស្មារ​តី​ចូល​រួម​ការ​ចលនា​កសាង​គ្រួ​សារ​រៀន​សូត្រ​ វង្ស​ត្រកូល​រៀន​សូត្រ​ផ្សារ​ភ្ជាប់​នឹង​ចលនា​ “ទូទាំង​ប្រ​ជា​ជន​សាម​គ្គី​កសាង​ជីវ​ភាព​វប្បធម៌​” “កសាង​ជន​បទ​ថ្មី​” “កសាង​ក្រុង​ស៊ី​វិល័យ​”។​ល។​ ឆ្លង​តាម​រយៈ​នោះ​ ជាជំ​ហា​ន​ៗ​លើក​កម្ពស់​ជីវ​ភាព​វប្បធម៌​ អភិវឌ្ឍ​សេដ្ឋ​កិច្ច​ បណ្ដុះ​បណ្ដាល​ធន​ធាន​មនុស្ស​ ដោះ​ស្រាយ​ការ​ងារ​ធ្វើ​ ផ្លាស់​ប្ដូរ​របៀប​គិត​ របៀប​ធ្វើ​របស់​ប្រ​ជា​ជន​ ដើម្បី​រួម​គ្នា​អនុវត្ត​ជោគ​ជ័យ​រាល់​ទិស​ដៅ​អភិវឌ្ឍ​សេដ្ឋ​កិច្ច​ - សង្គម​របស់​ស្រុក​៕​

យោ​ងតាម​ http://baocamau.com.vn- ថា​ច់​ធី

 

ចែករំលែកអត្ថបទ
ពាក្យគន្លឹះ
លោក​ត្រា​ង៉ុក​ម៉េន