មហាសាមគ្គីជនជាតិ ភូមិស្រុកផ្លាស់ថ្មី

27/10/2020 - 08:15

នារីសង្កាត់ ៩ ជាមួយនឹងការចលនា “ប្រជាចលនាប៉ិនប្រសប់”

អនុវត្តការចលនាប្រឡងប្រណាំង “ប្រជាចលនាប៉ិនប្រសប់” សមាគមសហព័ន្ធនារីសង្កាត់ ៩ ក្រុងត្រាវិញ ខេត្តត្រាវិញ មានរបៀបធ្វើល្អៗនិងគំនិតច្នៃប្រតិដ្ឋ។ ការចលនាទាំងនោះ មានឥទ្ធិពល ជាវិជ្ជមានដល់ការលើកកម្ពស់ជីវភាពសមាជិក។

សមាគមសហព័ន្ធនារីសង្កាត់ ៩ ជូនកំប្រោងជ័រដល់គ្រួសារសមាជិក ដើម្បីកាត់បន្ថយការប្រើប្រាស់ថង់ប្លាស្ទិច។

លោកស្រីគឹមធីស្វឹងធ្វី ប្រធានសមាគមសហព័ន្ធនារីសង្កាត់ ៩ ឱ្យដឹង៖ “បច្ចុប្បន្ន សមាគមសហព័ន្ធនារីសង្កាត់ ៩ មានសមាជិក ១.៤២៨ នាក់ ចូលរួមសកម្មភាពនៅតាមសាខាសមាគមនិងក្រុមនារីចំនួន ១០ ។ ក្នុងសកម្មភាព សមាគមបានកំណត់ច្បាស់ ការងារប្រជាចលនាមិនត្រឹមតែសមស្របជាមួយនឹងសមត្ថកិច្ចភារកិច្ចប៉ុណ្ណោះទេ ថែមទាំងជាកត្តារួមចំណែកពង្រឹង កសាងអង្គការសមាគមស្អាតស្អំ រឹងមាំទៀតផង។ អាស្រ័យហេតុនោះ ដើម្បីផ្សព្វផ្សាយទូលំទូលាយនូវចលនាប្រឡងប្រណាំង “ប្រជាចលនាប៉ិនប្រសប់” រយៈពេលកន្លង សមាគមសហព័ន្ធនារីសង្កាត់ ៩ តែងឆ្ពោះទៅរកមូលដ្ឋាន ធ្វើពិពិធកម្មរូបភាពផ្សព្វផ្សាយ ដើម្បីរីកសាយភាយនូវអត្ថន័យនៃការចលនា “ប្រជាចលនាប៉ិនប្រសប់” ឱ្យបានទូលំទូលាយដល់កម្មាភិបាល សមាជិកក្នុងសមាគម”។

សមាគមសហព័ន្ធនារីសង្កាត់ ៩ បានចង្អុលការដល់សមាគមមូលដ្ឋាន ជ្រើសរើសចុះឈ្មោះអនុវត្តនូវទម្រង់ផ្សារភ្ជាប់ជាមួយនឹងការចលនារបស់សមាគម ដូចជា៖ ការប្រឡងប្រណាំង “ប្រជាចលនាប៉ិនប្រសប់” ផ្សារភ្ជាប់នឹង “រៀនសូត្រនិងធ្វើតាមឧត្តមគតិ សីលធម៌ ឥរិយាបថហូជីមិញ” ការចលនា “នារីសកម្មរៀនសូត្រ ពលកម្មច្នៃប្រតិដ្ឋ កសាងគ្រួសារសុភមង្គល” “ទូទាំងប្រទេសព្រួតដៃកសាងជនបទថ្មី ក្រុងស៊ីវិល័យ” ការចលនា “កសាងគ្រួសារគ្មាន ៥ ស្អាត ៣ ”។ល។ ផ្តើមពីនោះ សាខាសមាគមក្រុមនារីបានធ្វើឱ្យជាក់ច្បាស់ ចុះឈ្មោះនូវទម្រង់ជាក់ស្តែង ច្បាស់លាស់ សមស្របជាមួយនឹងស្ថានភាពជាក់ស្តែងនៅភូមិភាគ ដូចជា៖ ក្រុមប្រិតសំចៃហ៊ុនទុន នារីជាមួយនឹងការងារចលនាមហាជន ក្រុមហ៊ុនទុនទិញប័ណ្ណធានារ៉ាប់រងសុខាភិបាល ទម្រង់ប្រិតសំចៃ ៥ យ៉ាង ក្លឹបនារីជាមួយនឹងច្បាប់ និងក្រុមនារីចិញ្ចឹមជ្រូកដីជាដើម។

បងស្រីឡឹមធីសុខ នៅសង្កាត់ ៩ ឱ្យដឹង៖ “ឆ្នាំ ២០១៥ ខ្ញុំបានបងប្អូននារីចលនាចូលរួមក្រុមប្រិតសំចៃហ៊ុនទុន ក្នុងមួយខែបង់ ២០ ពាន់ដុង។ ខ្ញុំបានបងប្អូននារីអាទិភាពឱ្យទទួលប្រាក់ហ៊ុនទុនមុន បានចំនួន ៣ លានដុង ខ្ញុំទិញត្រី បង្គា ក្ដាមមកលក់។ អាស្រ័យហេតុនោះ ទើបជីវភាពគ្រួសារខ្ញុំបានធូរធារជាងមុនច្រើន។ ឆ្នាំ ២០១៨ គ្រួសារខ្ញុំបានចាកផុតភាពក្រីក្រ។ បច្ចុប្បន្ន ខ្ញុំនៅតែចូលរួមក្រុមប្រិតសំចៃហ៊ុនទុន ដើម្បីរួមចំណែកឧបត្ថម្ភដល់បងប្អូននារីឯទៀត ឈានឡើងលំនឹងជីវភាពដូចរូបខ្ញុំ”៕

សើុងម៉ាល័យ-វិមាន

ចែករំលែកអត្ថបទ

ពាក្យគន្លឹះ