គោលនយោបាយ -ការរស់នៅ គោលនយោបាយ

20/10/2020 - 09:08

ប្រសិទ្ធភាពផ្តើមពីគោលនយោបាយសមស្រប

យោងតាមរបាយការណ៍របស់គណៈជនជាតិខេត្តហូវយ៉ាង អាស្រ័យដោយការយកចិត្តយ៉ាងជិតដិតរបស់គណៈកម្មាធិការបក្សខេត្ត ក្រុមប្រឹក្សាប្រជាជន គណៈកម្មាធិការប្រជាជនខេត្ត ឃើញថា ស្ថានភាពសេដ្ឋកិច្ច-សង្គមតំបន់ជនរួមជាតិភាគតិចលើភូមិសាស្រ្តខេត្តហូវយ៉ាង បន្តអភិវឌ្ឍសម្រេចបាននូវលទ្ធផលសំខាន់ៗគួរឱ្យកត់សម្គាល់។

បងផាក ប្រើប្រាស់ទុនឧបត្ថម្ភដើម្បីដាំដើមទឹកដោះនិងម្រេច។

របាយការណ៍បានបង្ហាញច្បាស់ ការផលិតកសិកម្មរបស់ខេត្តហូវយ៉ាងអភិវឌ្ឍល្អបង្គួរ រចនាសម្ព័ន្ធសេដ្ឋកិច្ចកសិកម្ម បង្វែរតាមទិសដៅវិជ្ជមាន។ តម្លៃកំណើនបន្ថែមមធ្យមភាគ ៣,៨% ឆ្នាំ ក្នុងរចនាសម្ព័ន្ធតម្លៃផលិតកម្មតំបន់I ផ្នែកកសិកម្មសម្រេចសមាមាត្រ ៨៥% រុក្ខកម្មគឺ ០,៥% ជលផលគឺ ១៤,៥% ។ នៅតំបន់ជនរួមជាតិខ្មែរមានការវិវឌ្ឍ អាស្រ័យមាមីងជំរុញមាំការបង្វែររចនាសម្ព័ន្ធកសិកម្ម ផ្លាស់ប្តូរទម្លាប់ផលិតចាស់ មិនសូវមានប្រសិទ្ធភាព ជាជំហានៗ បង្វែរមកទម្រង់ផលិតពហុវប្បកម្ម។

លោកគីហីវថាញ់ អនុប្រធានគណៈជនជាតិខេត្តហូវយ៉ាង ឱ្យដឹង៖ លទ្ធផលដូចពោលខាងលើ អាស្រ័យការវិនិយោគរបស់បក្ស រដ្ឋ រួមនឹងការប្តេជ្ញាចិត្ត ស្មារតីឈានឡើងផ្ទាល់របស់ជនរួមជាតិភាគតិចនិយាយរួម និងគ្រួសារក្រីក្រជាជនរួមជាតិភាគតិចនិយាយដោយឡែក។ តួយ៉ាងដូចសេចក្តីសម្រេចលេខ ៥៤/២០១២/QĐ-TTg ចុះថ្ងៃ ០៤/១២/២០១២ ស្តីពីការឱ្យបុលទុនអភិវឌ្ឍផលិតកម្មចំពោះជនរួមជាតិភាគតិចនៅតំបន់លំបាក ឧបត្ថម្ភជនរួមជាតិភាគតិចក្រីក្ររាប់រយគ្រួសារបុលទុនអភិវឌ្ឍផលិតកម្ម។ បងយ័ញតឹងផាក នៅភូមិ៤ ឃុំវីប៊ិញ ស្រុកវីធ្វី ឱ្យដឹង៖ “អាស្រ័យបុលទុនរបស់រដ្ឋ ខ្ញុំដាំដើមទឹកដោះនិងម្រេចនៅក្បែរផ្លូវ។ ពីមុន ក្រៅពីធ្វើស្រែ ខ្ញុំមិនដឹងធ្វើអ្វីបន្ថែម។ ឥឡូវ ខ្ញុំថែទាំចម្ការម្រេចនិងដើមទឹកដោះរកបានប្រាក់ចំណូលបន្ថែម”។

ជីវភាពគ្រួសារជនរួមជាតិភាគតិចក្រីក្រ ជាជំហានៗត្រូវបានលើកស្ទួយ បង្កើនបានប្រាក់ចំណូល សេវាកម្មសង្គមមូលដ្ឋាន ដូច៖ ផ្ទះ សុខាភិបាល ទឹកស្អាត អនាម័យបរិស្ថាន ការជំនួយ ឧបត្ថម្ភពីសង្គមកាន់តែបានខិតជិតជាង រួមចំណែកអនុវត្តល្អការងារកាត់បន្ថយភាពក្រីក្រតាមទិសដៅចីរភាពរបស់បក្ស រដ្ឋ។ បងង្វៀងវ៉ាន់ថាញ ទទួលបន្ទុកការងារជនជាតិនៃការិយាល័យគណៈកម្មាធិការប្រជាជន ស្រុកវីធ្វី ឱ្យដឹង៖ “ទន្ទឹមនឹងប្រភពទុនអនុគ្រោះ ឧបត្ថម្ភគ្រួសារជនរួមជាតិភាគតិចដែលមានស្ថានភាពលំបាក ស្រុកក៏បានអនុវត្តការ ជីកស្តារព្រែកប្រឡាយ ធានាប្រភពទឹកជូនមាមីងផលិតកសិកម្ម។ អាស្រ័យហេតុនេះ មានគ្រួសារជនរួមជាតិភាគតិចជាច្រើនបានបង្វែរទម្រង់ដាំដុះ បង្កើនផ្ទៃដីដាំដំណាំរួម ផ្សំតាមទិសដៅសមស្របនឹងការប្រែប្រួលអាកាសធាតុ ម៉្លោះហើយប្រាក់ចំណូលក៏កើនឡើងផងដែរ”៕

ហាថាញ់-មុនី

ចែករំលែកអត្ថបទ

ពាក្យគន្លឹះ