ព្រឹត្តិការណ៍ - នយោបាយ ព្រឹត្តិការណ៍

20/10/2020 - 09:07

ខួបអនុស្សាវរីយ៍ ៩០ ឆ្នាំ ទិវាបង្កើតសមាគមកសិករវៀតណាម

នៅរដ្ឋធានីហាណូយ មជ្ឈិមសមាគមកសិករវៀតណាម បានចាត់តាំងយ៉ាងឱឡារិក ពិធីរំលឹកខួបអនុស្សាវរីយ៍ ៩០ ឆ្នាំ ទិវាបង្កើតសមាគមកសិករវៀតណាម។

នាយករដ្ឋមន្រ្តី ង្វៀងស្វឹងភុក ជូនគ្រឿងឥស្សរិយយសហូជីមិញ ដល់សមាគមកសិករវៀតណាម។ រូប៖ ថុងញ៉ឹក- TTXVN

មានប្រសាសន៍ក្នុងពិធីរំលឹកខួបអនុស្សាវរីយ៍ នាយករដ្ឋមន្ដ្រី ង្វៀងស្វឹងភុក អបអរសាទរ ស្ងើចសរសើរនិងវាយតម្លៃខ្ពស់ ការរួមចំណែកដ៏សំខាន់របស់កសិករនិងសមាគមកសិករវៀតណាម ទៅលើបុព្វហេតុបដិវត្តន៍របស់បក្ស របស់ប្រជាជាតិយើងក្នុងរយៈកាល៩០ឆ្នាំកន្លង; សបញ្ជាក់ ក្នុងប្រវត្តិសាស្រ្តបង្កបង្កើតប្រទេសនិងការពារប្រទេសរបស់ប្រជាជាតិ កសិករមានជំហរ តួនាទីដ៏ធំធេង។ ព្រោះហេតុនោះ បក្សយើងនិងលោកប្រធានហូជីមិញ តែងយកចិត្តទុកដាក់ ផ្ដោតសំខាន់និងលើកកម្ពស់តួនាទី កម្លាំងមហិមានៃវណ្ណៈកសិករ ក្នុងបុព្វហេតុតស៊ូបដិវត្តន៍ រំដោះជាតិ។

នាយករដ្ឋមន្រ្តី មានប្រសាសន៍ថា រដ្ឋាភិបាលបាននិងកំពុងតែខិតខំស្វែងរកទីផ្សារនាំចេញថ្មីសម្រាប់កសិផលវៀតណាម ប្តេជ្ញាចិត្តចង្អុលការ ដោះស្រាយបញ្ហាសម្ភារៈសម្រាប់កសិកម្ម មានដូច៖ ជី ថ្នាំកម្ចាត់ដង្កូវ ពូជជាដើម។ ចាត់វិធានការយ៉ាងម៉ឺងម៉ាត់ ចំពោះករណីប្រព្រឹត្តល្មើសធ្វើឱ្យខាតបង់ដល់កសិករ។ មកដល់សព្វថ្ងៃ វៀតណាមបានក្លាយជាប្រទេសនាំចេញផលិតផលកសិកម្មឈរលេខមួយលំដាប់ពិភពលោក។ ចំពោះសមិទ្ធិផលសំខាន់ៗរបស់ផ្នែកកសិកម្ម ជនបទ និងកសិករបានរួមចំណែករក្សាខ្ជាប់សន្តិសុខ ស្បៀងអាហារជាតិ កសាងជនបទថ្មីកាន់តែជឿនលឿន ស៊ីវិល័យ ធានាសន្តិសុខនយោបាយ សណ្ដាប់ធ្នាប់សង្គម លើកកម្ពស់គោលជំហរនិងកិត្យានុភាពរបស់វៀតណាមលើឆាកអន្តរជាតិ។

នាយករដ្ឋមន្រ្តី សំណូមពរអង្គការសមាគម គប្បីបន្តការផ្លាស់ថ្មី ជិតដិតនឹងកសិករ ក្ដាប់ច្បាស់ស្ថានភាពអភិវឌ្ឍន៍កសិកម្មជនបទ ស្ដាប់យោបល់កសិករ ដើម្បីស្នើដល់បក្ស រដ្ឋ គណៈកម្មាធិការបក្ស រដ្ឋអំណាចគ្រប់លំដាប់ថ្នាក់ រួមចំណែកបង្កើនប្រសិទ្ធភាពគ្រប់គ្រងរដ្ឋលើវិស័យកសិកម្ម កសិករនិងជនបទ។ ក្នុងដំណាក់កាលថ្មី គប្បីកៀរគរ ប្រើប្រាស់ប្រកបដោយប្រសិទ្ធភាពរាល់ប្រភពធនធាននៃវណ្ណៈកសិករ រាល់សមាសភាពសេដ្ឋកិច្ចក្នុងនិងក្រៅប្រទេស ញុាំងឱ្យកសិកម្ម កសិករជនបទប្រទេសយើងមានជំហានរីកចម្រើនឆាប់រហ័ស ប្រកបដោយចីរភាព ខិតខំអនុវត្តទិសដៅកសាងខឿនកសិកម្មរុងរឿង កសិករធូរធារមានបាន។ ព្រមជាមួយនោះ បង្កើនការបណ្តុះបណ្ដាលវិជ្ជាជីវៈ បង្កើនចំណេះដឹងលើគ្រប់វិស័យជូនកសិករវៀតណាម; រៀបចំឱ្យបានល្អសកម្មភាពពិគ្រោះយោបល់ សេវាកម្មជំនួយកសិករ ផ្តល់ទាន់ពេលនូវចំណេះដឹងថ្មី ៗ អំពីវិទ្យាសាស្រ្តបច្ចេកទេស។ ពង្រីកទូលាយទម្រង់កៀរគរពលរដ្ឋរបស់សាខាសមាគម អង្គការវិជ្ជាជីវៈ បំផុសចលនាប្រឡងប្រណាំងផលិត ធ្វើអាជីវកម្មពូកែ សាមគ្គីជួយគ្នា ធ្វើមាននិងកាត់បន្ថយភាពក្រីក្រដោយចីរភាព; ប្រទះឃើញ ឧទេ្ទសនាម ពង្រីកគំរូជឿនលឿន គំរូមនុស្សល្អ ការងារល្អ របៀបធ្វើល្អ ៗ ទម្រង់ច្នៃប្រតិដ្ឋ ប្រសិទ្ធភាព ផ្ដើមពីចលនាប្រឡងប្រណាំងនៅមូលដ្ឋាន សំដៅបង្កបង្កើតគំរូកសិករសម័យថ្មី៕

ប្រភពៈTTXVN - ប្រែសម្រួល៖ ថាច់ធី

ចែករំលែកអត្ថបទ

ពាក្យគន្លឹះ