សុខភាព - អប់រំ អប់រំ

21/09/2020 - 16:10

យុវសិស្សចូលចិត្តអានសៀវភៅ

យឿងហ្វាងយ្វី សិស្សថ្នាក់ទី ១២ A៣ វិទ្យាល័យជនជាតិអន្តេវាសិកហ្វិញកឿងសុកត្រាំង ត្រូវបានលោកគ្រូ អ្នកគ្រូនិងមិត្តភ័ក្តិស្រឡាញ់រាប់អាន មិនត្រឹមតែជាសិស្សរៀនពូកែប៉ុណ្ណោះទេ ប្អូននៅទាំងទទួលបានរង្វាន់លេខ ១ ក្នុងចលនាអានសៀវភៅរបស់សាលាទៀតផង។

ប្អូនយឿងហ្វាងយ្វី (ឈរខាងស្តាំ)ទទួលរង្វាន់លេខ ១ ក្នុងចលនាអានសៀវភៅរបស់សាលា។

តាមប្រសាសន៍លោកគ្រូថាច់សុង នាយកលាលាវិទ្យាល័យជនជាតិអន្តេវាសិកហ្វិញកឿងសុកត្រាំង ឱ្យដឹង៖ ការចលនាអានសៀវភៅត្រូវបានអនុវត្តក្នុងឆ្នាំសិក្សា ២០១៩ -២០២០ ។ នេះគឺជាចលនាថ្មីមួយមានប្រយោជន៍ដល់សិស្ស ម្ល៉ោះហើយ គណៈនាយកផ្តល់ជារង្វាន់យ៉ាងច្រើន (រង្វាន់លេខ ១ ទឹកប្រាក់ ១ លានដុង) ដើម្បីទាក់ទាញសិស្សចូលរួមអានសៀវភៅ។ បញ្ចប់ឆ្នាំសិក្សា សិស្សធ្វើមេរៀនប្រឡងដោយវិធីដកស្រង់សង្ខេបសេចក្តីដែលបានអានសៀវភៅនានានិងពីតថភាពសង្គម។ ពោលគឺសាលាបានបង្កើតក្រុមពិនិត្យពិន្ទុនិងវាយតម្លៃលទ្ធផល។ ប្អូនយឿងហ្វាងយ្វី ជាសិស្សមួយរូបក្នុងចំណោមសិស្សទាំងឡាយដែលចូលចិត្តក្នុងការអានសៀវភៅ ព្រមទាំងបានដកស្រង់សង្ខេប សេចក្តីក្នុងអត្ថបទបានល្អ ហើយធ្វើការឆ្លុះបញ្ចាំងជិតដិតនឹងភាពជាក់ស្តែង។

ប្អូនជាសិស្សរៀនពូកែច្រើនឆ្នាំបន្តបន្ទាប់ និងចូលចិត្តអានសៀវភៅ ម្ល៉ោះហើយ ខណៈពេលចលនានេះបានបង្កើតឡើងជាផ្លូវការក្រៅពីម៉ោងរៀននៅក្នុងថ្នាក់ ហ្វាងយ្វី តែងមានវត្តមានក្នុងបណ្ណាល័យរបស់សាលា។ ប្អូនយឿងហ្វាងយ្វី ឱ្យដឹង៖ “ការអានសៀវភៅវមានប្រយោជន៍ច្រើនយ៉ាង ដូចបង្កើនចំណេះដឹង និងការយល់ដឹងរបស់សិស្សពីសង្គមជាដើម។ ក្រៅពីមានចំណេះដឹង ការអានសៀវភៅបានជួយឱ្យរៀនបានពូកែសមាយោគវិញ្ញាសាវិទ្យាសាស្រ្តសង្គម និងសម្បូរពាក្យពេចន៍សម្រាប់ទំនាក់ទំនង”។ ឆ្នាំនេះ ហ្វាងយ្វី មិនត្រឹមតែជាសិស្សរៀនពូកែប៉ុណ្ណោះទេ ប្អូនថែមទាំងទទួលបានកិត្តិនាមសិស្សរៀនពូកែវិញ្ញាសាអក្សរសាស្រ្តទៀតផង ហ្វាងយ្វី ឱ្យដឹង៖ “រៀននៅសាលាវិទ្យាល័យជនជាតិអន្តេវាសិកហ្វិញកឿង ប្អូនមិនបាច់បង់ប្រាក់សាលានៅទាំងបានទទួលរបបគោលនយោបាយ បើរៀនពូកែនឹងទទួលអាហារូបករណ៍ ម្ល៉ោះហើយសម្រាលបានបន្ទុកដល់គ្រួសារផង។ រៀងរាល់ថ្ងៃ ក្រៅពីរៀនក្នុងថ្នាក់ រៀនជាក្រុម ប្អូនតែងទៅកាន់បណ្ណាល័យអានសៀវភៅ ធ្វើលំហាត់សម្រាប់សិស្សពូកែ ធ្វើលំហាត់ប្រឡងចូលមហាវិទ្យាល័យឆ្នាំមុនៗ។ គោលបំណងរបស់ប្អូន គឺប្រាថ្នាចូលរៀនមហាវិទ្យាល័យសន្តិសុខ ដើម្បីសម្រាលបន្ទុកដល់ឪពុកម្តាយ ពីព្រោះជីវភាពគ្រួសារប្អូនក្រលំបាក”។

លោកគ្រូឌាំងថាញ់វ៉ូវ អនុលេខាសម្ព័ន្ធយុវជនសាលាវិទ្យាល័យជនជាតិអន្តេវាសិកហ្វិញកឿងសុកត្រាំង ឱ្យដឹង៖ “យ្វីជាសិស្សរៀនពូកែ ជាគំរូតែងខ្នះខ្នែងចូលរួមរាល់សកម្មភាព ចលនា ដែលសម្ព័ន្ធយុវជនសាលាបំផុសឡើង។ ក្នុងប៉ុនា្មនថ្ងៃរំលឹកមេរៀន ត្រៀមប្រឡងសញ្ញាបត្រមធ្យមសិក្សាទុតិយភូមិ ហ្វាងយ្វី តែងជួយគាំមិត្តភក្តិរៀនខ្សោយ រៀនមធ្យម រួមគ្នាស្រាយលំហាត់។ ដោយការខិតខំរៀនសូត្រ សង្ឃឹមថាប្អូននឹងសម្រេចនូវក្តីប្រាថ្នាចូលរៀនមហាវិទ្យាល័យសន្តិសុខ”៕

លីធាន-លីសៀ

ចែករំលែកអត្ថបទ

ពាក្យគន្លឹះ