ព្រឹត្តិការណ៍ - នយោបាយ ព្រឹត្តិការណ៍

21/09/2020 - 16:10

ថ្នាក់ដឹកនាំក្រុងកឹងធើ ប្រសិទ្ធពរបុណ្យសែនដូនតាឆ្នាំ២០២០

(កឹងធើ) ស្របក្នុងឱកាសបុណ្យសែនដូនតារបស់ជនរួមជាតិខ្មែរថ្នាក់ដឹកនាំក្រុងកឹងធើ បានអញ្ជើញទៅសួរសុខទុក្ខសមាគមព្រះសង្ឃសាមគ្គីស្នេហាជាតិក្រុង, ព្រះសង្ឃវត្តមុនីរង្សី (ខណ្ឌនិញកេវ), វិទ្យាស្ថានពុទ្ធសាសនាខ្មែរ, ព្រះសង្ឃវត្តពោធិសំរោង (ខណ្ឌអូរម៉ូង), ព្រះសង្ឃវត្តសេរីវង្សា (ស្រុកថើយឡាយ) ព្រះសង្ឃវត្តពិទូឃោសរង្សី (សង្កាត់អាងកឺ ខណ្ឌនិញកេវ), ព្រះសង្ឃវត្តសង្វរពោធិញាណ (សង្កាត់ចូវវុាំងលីម ខណ្ឌអូរម៉ូង) និងព្រះសង្ឃវត្តសេតុត្តរ (ទីប្រជុំជនកើ-ដ ស្រុកកើ-ដ)។

គណៈប្រតិភូកម្មាភិបាលថ្នាក់ដឹនាំក្រុង ថតរូបអនុស្សារីយ៍ជាមួយព្រះឧបជ្ឈាយ៍ ដាវញឺ ប្រធានគណៈអភិបាលសមាគមពុទ្ធសាសនាវៀតណាមក្រុង សង្ឃនាយកវិទ្យាស្ថានពុទ្ធសាសនាខ្មែរ ព្រះចៅអធិការវត្តពោធិសំរោង។រូបថត៖ ដុងតឹម

ក្នុងឱកាសជួបសំណេះសំណាល ថ្នាក់ដឹកនាំក្រុងបានសាកសួរសុខទុក្ខនឹងប្រសិទ្ធពរដល់មន្រ្តីសង្ឃ ព្រះសង្ឃ អាចារ្យ គណៈកម្មការវត្ត និងជនរួមជាតិខ្មែរ អំណរបុណ្យសែនដូនតាប្រកបដោយភាពសប្បាយរីករាយនិងសុភមង្គល។ ថ្នាក់ដឹកនាំក្រុង ក៏បានកត់សម្គាល់ការរួមចំណែករបស់មន្រ្តីសង្ឃ ព្រះសង្ឃ និងជនរួមជាតិខ្មែរក្នុងការអភិវឌ្ឍរួមរបស់ក្រុង។ ទន្ទឹមនឹងនោះ ថ្នាក់ដឹកនាំក៏បានផ្ញើក្តីសង្ឃឹមចំពោះព្រះសង្ឃ អាចារ្យ គណៈកម្មការវត្តនិងជនរួមជាតិខ្មែរ ពង្រីកស្មារតី ស្រុះស្រួល បង្កើនផែនមហាសាមគ្គីទូទាំងជនជាតិ សាមគ្គីសាសនា គាំទ្រចលនាប្រឡងប្រណាំងស្នេហាជាតិ ការចលនាអាស្រ័យដោយរណសិរ្សមាតុភូមិគ្រប់លំដាប់ថ្នាក់បំផុស។ ពិសេស នាពេលបច្ចុប្បន្ន ក្រុងកំពុងត្រៀមរៀបចំមហាសន្និបាតតំណាងបក្ខភាគក្រុងលើកទី ១៤ អាណត្តិកាល ២០២០-២០២៥ ថ្នាក់ដឹកនាំក្រុងរំពឹងថា មន្រ្តីសង្ឃនឹងសកម្មចូលរួមផ្តល់យោបល់កសាងបក្ស កសាងរដ្ឋអំណាច។ល។ ឆ្លងតាមរយៈនោះ រួមចំណែកកសាងក្រុងកាន់តែសម្បូរសប្បាយ និងស៊ីវិល័យ។

មន្រ្តីសង្ឃ និងគណៈកម្មការវត្តនានា សម្តែងសេចក្ដីត្រេកអរចំពោះការយកចិត្តទុកដាក់ គិតគូររបស់បក្សនិងរដ្ឋ ចំពោះជីវភាពជនរួមជាតិខ្មែរ។ ព្រមជាមួយនោះ ក៏បានអះអាងថា នឹងបន្តការចលនាជនរួមជាតិខ្មែរអនុវត្តល្អនូវគោលមាគ៌ា គោលការណ៍របស់បក្ស និងច្បាប់របស់រដ្ឋ ខិតខំរៀនសូត្រ ពលកម្មផលិត សាមគ្គីរួមនឹងប្រជាជនគ្រប់ជាន់ស្រទាប់ កសាងមាតុភូមិកាន់តែសម្បូរសប្បាយ៕

ដុងតឹម-ក្វឹកថាយ-មុនី

ចែករំលែកអត្ថបទ

ពាក្យគន្លឹះ