ព្រឹត្តិការណ៍ - នយោបាយ នយោបាយ

07/09/2020 - 16:21

រៀបចំពិធីបុណ្យសែនដូនតាឆ្នាំ ២០២០ សមស្របនឹងស្ថានភាពនៃការបង្ការ ប្រឆាំងជំងឺ Covid - ១៩

ពិធីបុណ្យសែនដូនតារបស់ជនរួមជាតិខ្មែរនៅឆ្នាំ ២០២០ នឹងប្រព្រឹត្តឡើងចាប់ពីថ្ងៃទី ១៦ ដល់ ១៨ ខែកញ្ញា។ ទោះបីស្ថានភាពនៃជំងឺ Covid-19 កំពុងមានការវិវត្តយ៉ាងស្មុគស្មាញក៏ដោយ ក៏ប៉ុន្តែមានតំបន់ជាច្រើននៅវាលរាបទន្លេគឺវឡុង បានម្ចាស់ការរៀបចំពិធីបុណ្យសែនដូនតាយ៉ាងសមស្រប ធានាសុវត្ថិភាពសុខភាពជូនប្រជាជន។

ពិធីបុណ្យសែនដូនតានៅវត្តមុនីរង្សីក្រុងកឹងធើ ឆ្នាំ ២០១៩។

លោក ឡេត្រុងកៀង ប្រធានគណៈជនជាតិក្រុងកឹងធើ ឱ្យដឹង៖ ក្នុងឱកាសបុណ្យសែនដូនតារបស់ជនរួមជាតិខ្មែរនៅឆ្នាំ ២០២០ គណៈជនជាតិមានផែនការរៀបចំគណៈប្រតិភូទៅសួរសុខទុក្ខនិងជូនអំណោយ ៩០ ចំណែកដល់គ្រួសារគោលនយោបាយ គ្រួសារក្រីក្រ អ្នកមានប្រជាប្រិយ (នៅតាមបណ្ដាខណ្ឌ ស្រុក); សមណសិស្សនៅវិទ្យាស្ថានពុទ្ធសាសនាខ្មែរ និងសាលាមធ្យមសិក្សាបំពេញវិជ្ជាបាលីណាមបូ។ ទោះបីស្ថានភាពជំងឺ Covid-19 កំពុងវិវត្តន៍យ៉ាងស្មុគស្មាញក៏ដោយ ប៉ុន្តែគណៈជនជាតិក៏មានផែនការចំនួន ២ ពេលវេលាអនុវត្តចាប់ពីថ្ងៃទី ១០ ដល់ថ្ងៃទី ១៤ ខែកញ្ញា។ ជម្រើសទី ១ ៖ គណៈជនជាតិបានបង្កើតគណៈប្រតិភូចំនួន ៣ ក្រុម ដើម្បីទៅសួរសុខទុក្ខនិងប្រគេនទេយ្យវត្ថុចំនួន ៩០ ចំណែកដល់ព្រះសង្ឃមួយចំនួនអង្គនៅក្រុងកឹងធើ កំពុងសិក្សានៅវិទ្យាស្ថានពុទ្ធសាសនាខ្មែរណាមបូ; សាលាមធ្យមសិក្សាបំពេញវិជ្ជាបាលីណាមបូសុកត្រាំង គ្រួសារគោលនយោបាយ អ្នកមានប្រជាប្រិយនិងគ្រួសារក្រីក្រនៅខណ្ឌ ស្រុកចំនួន ៩ ។ ជម្រើសទី ២៖ ប្រសិនបើជំងឺ Covid-19 មានភាពស្មុគស្មាញ ហើយមានលិខិតណែនាំថ្មីរបស់ផ្នែកសមត្ថកិច្ចអំពីការបង្ការនិងប្រឆាំងរោគរាលដាល គណៈជនជាតិនឹងផ្អាកការទៅសួរសុខទុក្ខនិងជូនអំណោយ គ្រាន់តែផ្ញើអំណោយដល់បុគ្គលដែលបានជ្រើសរើសតែប៉ុណ្ណោះ។ ក្រៅពីនោះ គណៈជនជាតិក៏បានណែនាំដល់ការិយាល័យជនជាតិ ការិយាល័យក្រុមប្រឹក្សាប្រជាជន - គណៈកម្មាធិការប្រជាជនខណ្ឌ ស្រុក ធ្វើសេនាធិការជូនគណៈកម្មាធិការប្រជាជន ដើម្បីរៀបចំអនុវត្ត និងឧបត្ថម្ភជនរួមជាតិខ្មែររៀបចំពិធីបុណ្យសែនដូនតានៅភូមិភាគនានា។

ប្រធានគណៈកម្មាធិការប្រជាជនខេត្តកាម៉ាវ ក៏បានចេញឯកសារណែនាំដល់ប្រធានមន្ទីរ គណៈអង្គការមហាជនថ្នាក់ខេត្ត; ប្រធានគណៈកម្មាធិការប្រជាជនស្រុក ក្រុងកាម៉ាវ បានរៀបចំពិធីបុណ្យសែនដូនតារបស់ជនរួមជាតិខ្មែរនៅឆ្នាំ ២០២០ សមស្របនឹងស្ថានភាពនៃការបង្ការ ប្រឆាំងរោគរាលដាលនាបច្ចុប្បន្ន។ ឆ្លងតាមរយៈនោះ ប្រធានគណៈកម្មាធិការប្រជាជនខេត្តកាម៉ាវ ក៏បានស្នើ៖ មន្ទីរ គណៈ ផ្នែកនានា គណៈកម្មាធិការប្រជាជននៅតាមបណ្តាស្រុក ក្រុងកាម៉ាវ គប្បីយោងទៅតាមស្ថានភាពជាក់ស្តែងរបស់មូលដ្ឋានដែលត្រូវពិនិត្យពិច័យ សម្រេចរៀបចំគណៈប្រតិភូទៅសួរសុខទុក្ខព្រះសង្ឃនិងជនរួមជាតិខ្មែរគំរូ ឱ្យសមស្របនឹងស្ថានភាពនៃការបង្ការ ប្រឆាំងរោគរាលដាល Covid - ១៩ នាបច្ចុប្បន្ន; ទន្ទឹមនឹងនោះ លើកទឹកចិត្តស្មារតីប្រឡងប្រណាំងស្នេហាជាតិ ខ្នះខ្នែងពលកម្មផលិត អនុវត្តការប្រិតសំចៃប្រឆាំងភាពខ្ជះខ្ជាយ; រួមចំណែកកសាងជនបទថ្មីនិងអនុវត្តយុទ្ធនាការ “ទូទាំងប្រជាជនរួមគ្នាកសាងជីវភាពវប្បធម៌ ក្រុងសុីវិល័យ” ៕

ថាញឡុង-ទីទុយ

ចែករំលែកអត្ថបទ

ពាក្យគន្លឹះ