កីឡា - ទេសចរណ៍ កីឡា

20/07/2020 - 14:57

ចលនាកីឡាកាន់តែមានភាពរីកចម្រើន

សាលាមធ្យមសិក្សាចំណេះទូទៅជនជាតិអន្តេវាសិកហ្វិញកឿងសុកត្រាំង មិនត្រឹមតែជាថ្នាលបណ្តុះបណ្តាល អប់រំមានគុណភាពប៉ុណ្ណោះទេ ថែមទាំងល្បីឈ្មោះអំពីចលនាកីឡាអប់រំកាយរបស់ខេត្តទៀតផង។ រាល់សមយុទ្ធកីឡាក្នុងខេត្តនិងទូទាំងប្រទេស ដែលផ្នែកអប់រំរៀបចំឡើង សាលាទទួលបានជ័យលាភីខ្ពស់ជាច្រើន។

សិស្សសាលាមធ្យមសិក្សាចំណេះទូទៅជនជាតិអន្តេវាសិកហ្វិញកឿងសុកត្រាំង ទទួលរង្វាន់លេខ១ក្នុងសមយុទ្ធកីឡាភូដុង ខេត្ត ឆ្នាំ២០១៩។

អត្រាសិស្សចូលរួមប្រកួតកាន់តែច្រើនឡើង ពីមួយឆ្នាំទៅមួយឆ្នាំ ហើយសាលាតែងមានចំណាត់ថ្នាក់លេខ១ លេខ២ទូទាំងក្រុម នៅក្នុងពិធីប្រកួតថ្នាក់ខេត្តនិងទូទាំងប្រទេស។ នោះគឺអាស្រ័យការយកចិត្តទុកដាក់របស់គណៈនាយកបង្កលក្ខណៈល្អបំផុតសម្រាប់ប្អូនៗ សិស្សានុសិស្សហ្វឹកហាត់។ ក្នុងឱកាសថ្ងៃបុណ្យ សាលាក៏បានរៀបចំការប្រកួតកីឡា ដូច៖ បាល់ទះ បាល់ទាត់ បាល់បោះ លោតចម្ងាយ និងឃ្លីដែកជាដើម។ល។ ប្អូនលីហ្វិញ សិស្សថ្នាក់ទី១២A៥ ឱ្យដឹង៖ “រៀនសូត្រនឿយហត់ ម្ល៉ោះហើយពេលបានសាលាយកចិត្តទុកដាក់បង្កលក្ខណៈសម្រាប់សិស្សលេងកីឡា ពួកប្អូនរីករាយណាស់។ សាលារៀនមានព្រលានបាល់ទាត់ បាល់ទះនិងពហុកីឡដ្ឋាន។ល។ មិនតែប៉ុណ្ណោះ មានលោកគ្រូកីឡាអប់រំកាយណែនាំលេងកីឡា ម្ល៉ោះហើយប្អូនពង្រីកសមត្ថភាពខាងលោតចម្ងាយ និងបាល់ទះផង។ រយៈពេល៣ឆ្នាំបន្តបន្ទាប់ ប្អូនឈ្នះមេដាយមាសបានចំនួន៣ មេដាយសំរឹទ្ធិ ចំនួន២ទូទាំងប្រទេសនិងថ្នាក់ខេត្តសម្រាប់វិញ្ញាសា លោតចម្ងាយ”។

លោកគ្រូឌាំងថាញ់វ៉ូវ អនុលេខាសម្ព័ន្ធយុវជនសាលាមធ្យមសិក្សាចំណេះទូទៅជនជនអន្តេវាសិក ហ្វិញកឿងសុកត្រាំង ឱ្យដឹង៖ “ការហ្វឹកហាត់កីឡា សំដៅធានាសុខភាពដើម្បីប្អូនៗរៀនសូត្របានល្អ ដូច្នេះ ក្រៅពីម៉ោងរៀន សាលាបង្កលក្ខណៈដើម្បី ប្អូនៗហាត់លេងកីឡា។ ឆ្លងតាមរយៈនៃការរៀបចំពិធីប្រកួតកីឡាក្នុងសាលា គណៈនាយកក៏បានជ្រើសរើសប្អូនណាដែលមានទេពកោសល្យដើម្បីចូលក្រុមជម្រើស។ ប្អូនៗទាំងនេះនឹងត្រូវបានបំប៉នអំពីបច្ចេកទេស លត់ដំសុខភាពដើម្បីទៅចូលរួមប្រកួតថ្នាក់ខេត្តនិងថ្នាក់ទូទាំងប្រទេស”៕

លីធាន-លីសៀ

ចែករំលែកអត្ថបទ

ពាក្យគន្លឹះ