មហាសាមគ្គីជនជាតិ ភូមិស្រុកផ្លាស់ថ្មី

06/07/2020 - 15:23

បក្ខភាពឃុំតឹបង៉ាយ៖

ពង្រីកតួនាទីដឹកនាំក្នុងការចលនាកសាងហេដ្ឋារចនាសម្ព័ន្ធ

អាណត្តិកាល២០១៥ - ២០២០ បក្ខភាគឃុំតឹបង៉ាយ ស្រុកទីវកឹង ខេត្តត្រាវិញ ពង្រីកល្អតួនាទីដឹកនាំអនុវត្តជោគជ័យភារកិច្ចស្នូលក្នុងការកសាងជនបទថ្មី បង្កើតជីវភាពថ្មីជូនប្រជាជនកាន់តែល្អប្រសើរថែមទៀត។ លេចធ្លោគឺការចលនាប្រជាជនពង្រីកតួនាទីកម្លាំងផ្ទៃក្នុងរបស់ភូមិភាគ រួមចំណែកកសាងហេដ្ឋារចនាសម្ព័ន្ធលើវិស័យគមនាគមន៍ ធារាសាស្រ្ត។ល។

ផ្លូវកៅស៊ូភូមិអុងសី ឃុំតឹបង៉ាយ ស្រុកទីវកឹង បានកសាងសម្រេចនៅឆ្នាំ២០១៩។

រយៈកាល៥ឆ្នាំកន្លង ឆ្នាំ ២០១៥-២០២០ សរុបការកៀរគរប្រភពទុនទូទាំងសង្គមលើភូមិសាស្រ្តឃុំតឹបង៉ាយសម្រេច ៦៦២ ពាន់លានដុង; ប្រាក់ចំណូលជាមធ្យមភាគក្នុងមនុស្សម្នាក់ ៦២ លានដុង/ឆ្នាំ (ឆ្នាំ២០២០) កើន ១,៩៣ ដង បើប្រៀបនឹងឆ្នាំ២០១៥។ អត្រាគ្រួសារក្រីក្ររបស់ឃុំថយចុះនៅត្រឹម ១,៧៥%។ ឃុំផ្សព្វផ្សាយអនុវត្តសំណង់ធារាសាស្រ្តកម្រិត ៣ ចំនួន ៨៥ សំណង់ និងកម្រិត២ចំនួន ១៦ សំណង់ មានប្រវែងសរុបជិត ៤៩ គីឡូម៉ែត្រ សរុបថវិកាជាង ៣,៥ ពាន់លានដុង។ ឃុំតឹបង៉ាយបានកសាងនិងបង្កើនកម្រិតផ្លូវកៅស៊ូ ផ្លូវបេតុង ចំនួន ១២ ខ្សែ សរុបថវិកាជាង ៧,៧ ពាន់លានដុង; កសាងស្ពានជនបទចំនួន ២៥ ខ្សែ សរុបថវិកាជិត២,៥ពាន់លានដុង។

អាណត្តិកាល ២០១៥-២០២០ ឃុំបានកែលម្អនិងបង្កើនកម្រិតហេដ្ឋារចនាសម្ព័ន្ធបម្រើការផលិតកម្ម ដឹកជញ្ជូនកសិផល និងការធ្វើដំណើរទៅមករបស់ប្រជាជន។ ពិសេសនៅតាមភូមិតំបន់ស្នូលរបស់ឃុំមានដូច៖ កីអោយអុងសី ដៃទទឹង ង៉ាយទ្រុង។ល។ មានការរីកចម្រើនយ៉ាងសកម្ម។ ក្រៅពីទម្រង់ផលិតស្រូវគុណភាពខ្ពស់ និងមានផ្ទៃដីផលិតស្រូវមិនសូវមានប្រសិទ្ធភាពត្រូវបានផ្លាស់ប្តូរមកដាំដំណាំរួមផ្សំ ចម្ការឈើហូបផ្លែ (ភាគច្រើនគឺដាំដូង)។ ឆ្លងតាមរយៈនោះ រួមចំណែកលើកស្ទួយតម្លៃផលិតកម្មសម្រេចពី ៦០ - ៦៥ លានដុង/ហិកតា/ឆ្នាំ។

ស្ដីពីភាពរីកចម្រើនលើភូមិសាស្រ្តឃុំតឹបង៉ាយ លោកដាំងវ៉ាន់យ៉ែ លេខាសាខាបក្សភូមិអុងសី ចែករំលែក៖ “នៅឆ្នាំ ២០១៥ ផ្លូវថ្នល់នៅភូមិនេះមានភាពលំបាកថ្រើន; ភាគច្រើនគឺផ្លូវដី។ រហូតដល់ចុងឆ្នាំ ២០១៩ ហេដ្ឋារចនាសម្ព័ន្ធត្រូវបានវិនិយោគទុនកសាងបានល្អបង្គួរ លេចធ្លោគឺប្រព័ន្ធធារាសាស្រ្តមានភាពល្អប្រសើរ បង្កលក្ខណៈងាយស្រួលសម្រាប់ការផលិតកម្ម របស់ភូមិដៃទទឹង ភូមិកីអោយ; កសាងទម្រង់ ចងសម្ព័ន្ធ ផ្សារភ្ជាប់នឹងធានាទិញផលិតផលក្នុងការផលិតស្រូវតាមទិសដៅសរីរាង្គ។ល។ ម្ល៉ោះហើយជីវភាពរបស់ប្រជាជនកាន់តែមានភាពរីក ចម្រើន”៕

សឺនម៉ាល័យ -ថាច់ធី

ចែករំលែកអត្ថបទ

ពាក្យគន្លឹះ