ព្រឹត្តិការណ៍ - នយោបាយ ព្រឹត្តិការណ៍

25/05/2020 - 15:42

បើកសម័យប្រជុំលើកទី៩ រដ្ឋសភានីតិកាល XIV យ៉ាងឱឡារិក

អគ្គលេខា ប្រធានរដ្ឋ ង្វៀនភូត្រុង និងប្រធានរដ្ឋសភាង្វៀនធីកីមងឹង ព្រមទាំងអ្នកតំណាងនៅក្នុងពិធីបើកសម័យប្រជុំ។ រូប៖ ត្រុងឌឹក TTXVN

រដ្ឋសភានីតិកាល XIV ប្រទេសសាធារណរដ្ឋសង្គមនិយមវៀតណាម ទើបបានបើកសម័យប្រជុំយ៉ាងឱឡារិកលើកទី៩ នៅអគាររដ្ឋសភា រដ្ឋធានីហាណូយ។

ក្នុងសម័យប្រជុំលើកនេះ រដ្ឋសភានឹងរៀបចំកិច្ចប្រជុំតាមរយៈប្រព័ន្ធអនឡាញ គួបផ្សំនឹងប្រជុំប្រមូលផ្តុំ ដោយចែកចេញជា២លើក។

ប្រធានរដ្ឋសភា ង្វៀនធីកីមង៉ឹង ថ្លែងសុន្ទរកថាបើកសម័យប្រជុំ។រូប៖ TTXVN

លើកទី១៖ រដ្ឋសភាប្រជុំតាមប្រព័ន្ធអនឡាញ និងស្ថានីយទូរទស្សន៍ផ្សាយបន្តផ្ទាល់ពីអគាររដ្ឋសភាទៅទីតាំងបណ្ដាញតភ្ជាប់ចំនួន ៦៣ នៃគណៈប្រតិភូតំណាងរដ្ឋសភានៅតាមបណ្ដាខេត្ត ក្រុងចំណុះមជ្ឈិម ចាប់ពីថ្ងៃទី២០-២៩ ខែឧសភា។

លើកទី២៖ រដ្ឋសភាប្រជុំប្រមូលផ្តុំនៅអគាររដ្ឋសភា រដ្ឋធានីហាណូយ ចាប់ពីថ្ងៃទី៨-១៨ ខែ មិថុនា។

សម័យប្រជុំលើកទី៩ រដ្ឋសភាចំណាយពេលជាងពាក់កណ្ដាលនៃពេលវេលាសរុប សម្រាប់ការកសាងច្បាប់ ត្រួតពិនិត្យ អនុម័តិលើសេចក្ដីព្រាងច្បាប់ចំនួន១០ និងផ្តល់យោបល់លើសេចក្ដីព្រាងច្បាប់ចំនួន៦ផ្សេងទៀត។ល។ ស្ដីពីសកម្មភាពត្រួតពិនិត្យជាន់ខ្ពស់នៅក្នុងសម័យប្រជុំលើកទី៩ រដ្ឋសភានឹងដំណើរការត្រួតពិនិត្យលើប្រធានបទជំនាញ "ការអនុវត្តគោលនយោបាយ និងច្បាប់ ស្ដីពីការបង្ការ ទប់ស្កាត់ការរំលោភបំពានកុមារ" និងអនុម័តិលើសេចក្ដីសម្រេចស្ដីពីខ្លឹមសារនេះ។

ប្រការគួរកត់សម្គាល់ ក្នុងសម័យប្រជុំលើកទី៩ រដ្ឋសភានឹងមិនធ្វើការចោទសួរ និងឆ្លើយក្នុងកិច្ចសម័យប្រជុំពេញអង្គដូចសព្វដង។ សិទ្ធិចោទសួររបស់សមាជិករដ្ឋសភា នៅតែបានអនុវត្តដោយវិធីផ្ញើឯកសារ អនុរដ្ឋមន្ត្រី សមាជិកនៃរដ្ឋាភិបាលនឹងឆ្លើយបំភ្លឺតាមសេចក្ដីកំណត់។

តាមការគ្រោងទុក រដ្ឋសភានឹងបិទសម័យប្រជុំនៅថ្ងៃ១៨ ខែមិថុនា៕

យោង៖ TTXVN/Vietnam-វិមាន

ចែករំលែកអត្ថបទ

ពាក្យគន្លឹះ