សុខភាព - អប់រំ សុខភាព

04/05/2020 - 15:40

ទឹកចិត្តរបស់កងជួរគ្រូពេទ្យវ័យក្មេង

ក្លឹបគ្រូពេទ្យវ័យក្មេង ចំណុះមជ្ឈមណ្ឌលសុខាភិបាលស្រុកឡុងភូ ខេត្តសុកត្រាំង បានបង្កើតនៅឆ្នាំ២០១២។ មកទល់សព្វថ្ងៃ ក្លឹបគ្រូពេទ្យវ័យក្មេង បានបន្សល់នូវចំណាប់អារម្មណ៍ល្អជាច្រើនក្នុងសហគមន៍ដោយសកម្មភាពជាក់ស្ដែង។

គ្រូពេទ្យវ័យក្មេងតែងមមាញឹកក្នុងការងារ។

បច្ចុប្បន្ន ក្លឹបគ្រូពេទ្យវ័យក្មេងនៃមជ្ឈមណ្ឌលសុខាភិបាលស្រុកឡុងភូ រួមមានសមាជិក៤៧នាក់ ជាគ្រូពេទ្យ វេជ្ជបណ្ឌិតនិងឱសថការីវ័យក្មេងស្ម័គ្រចិត្តចូលរួម។ ជាច្រើនឆ្នាំមកនេះ ដំណើរការរបស់ក្លឹបគ្រូពេទ្យវ័យក្មេងតែងឆ្ពោះទៅរកតំបន់ឆ្ងាយដាច់ស្រយាល តំបន់មានជនរួមជាតិខ្មែររស់នៅកុះករ និងឃុំលំបាកពិសេស។ ការងារចម្បងគឺសហការជាមួយសម្ព័ន្ធយុវជនគ្រប់លំដាប់ថ្នាក់ អង្គការសប្បុរសធម៌នៅក្នុងនិងក្រៅខេត្ត ចាត់តាំងពិនិត្យជំងឺផ្ដល់ថ្នាំឥតគិតថ្លៃជូនអ្នកក្រ មនុស្សចាស់អនាថា គ្រួសារគោលនយោបាយ។ល។ គ្រូពេទ្យ ផាមវ៉ាន់តឿង អនុប្រធានក្លិបគ្រូពេទ្យវ័យក្មេង ឱ្យដឹង៖ “ដំណើរការជាង៨ឆ្នាំ សមាជិកក្នុងក្លឹបបានធ្វើការពិនិត្យជំងឺ ផ្ដល់ថ្នាំឥតគិតថ្លៃដល់អ្នកជំងឺប្រមាណជិត១២.០០០លើកនាក់។ ពិសេស ក្នុងឱកាសស្ម័គ្រចិត្តចុះទៅពិនិត្យជំងឺឥតគិតថ្លៃ ជាមួយនឹងបងប្អូនក្នុងកងជួរពេទ្យវ័យក្មេង ខ្ញុំប្រទះឃើញ ករណីជំងឺពិបាកព្យាបាលជាច្រើនដែលទាក់ទងនឹងបេះដូង ប្រព័ន្ធផ្លូវដង្ហើម ទឹកនោមផ្អែម។ល។ រួចបានផ្ដល់ពិគ្រោះ ជួយមាមីងព្យាបាលទាន់ពេល។ នោះក៏ជាឱកាសដែលគ្រូពេទ្យវ័យក្មេង ធ្វើការផ្សព្វផ្សាយជូនមាមីងយល់ដឹងអំពីសុខាភិបាលជាមូលដ្ឋានក្នុងការបង្ការ ប្រឆាំងជំងឺឆ្លង។ ផ្ដើមពីនោះ ជួយមាមីងកាន់តែភ្ញាក់រលឹកថែមទៀតក្នុងការថែទាំសុខភាពផ្ទាល់ខ្លួននិងគ្រួសារ”។ ផ្ដើមពីការខ្នះខ្នែងនោះ ក៏ជាហេតុនាំមកចំណាប់អារម្មណ៍ល្អជាច្រើនក្នុងទឹកចិត្តប្រជាជន។ បងស្រីឡឹមធីអ៊ុក នៅឃុំដាយអឹង២ ឱ្យដឹង៖ អាស្រ័យបានក្លឹបគ្រូពេទ្យវ័យក្មេងមកពិនិត្យជំងឺឥតគិតថ្លៃនៅដំណាក់សុខាភិបាល ពិគ្រោះសុខភាព ទើបខ្ញុំដឹងថា ខ្លួនមានជំងឺបេះដូង សម្ពាធឈាម។ រយៈពេល២ឆ្នាំមកនេះ ខ្ញុំផឹកថ្នាំរាល់ថ្ងៃ ម្ល៉ោះហើយជំងឺសម្ពាធឈាមក៏បានធូរស្បើយ និងចេះរបៀបការពារសុខភាពផ្ទាល់ខ្លួនមិនទុកឱ្យសម្ពាធឈាមឡើងខ្ពស់នោះទេ”។

ក្លឹបគ្រូពេទ្យវ័យក្មេងនៅទាំងជាកងជួរឈានមុខស្ម័គ្រចិត្តចុះទៅ កន្លែងកើតមានជំងឺឆ្លងរាលដាល មានដូច៖ ជំងឺគ្រុនឈាម ជំងឺពងដៃជើងមាត់ ដើម្បីជួយភូមិភាគម្ចាស់ការល្អក្នុងការបង្ការប្រឆាំងជំងឺឆ្លង។ ទន្ទឹមនឹងការពិនិត្យជំងឺ ក្លឹបនៅទាំងចាត់តាំងសកម្មភាពជាច្រើន មានដូច៖ សួរសុខទុក្ខ ជូនអំណោយដល់អ្នកក្រក្នុងឱកាសបុណ្យចូលឆ្នាំ ជូនអាហារូបករណ៍ដល់សិស្សានុសិស្សក្រីក្រ ជម្នះលំបាករៀនពូកែ កសាងផ្ទះឧបការគុណ។ល។ ជាពិសេស សមាជិកក្នុងក្លឹបនៅទាំងស្ម័គ្រចិត្តបរិច្ចាគឈាមមនុស្សធម៌ទៀតផង។ គ្រូពេទ្យង្វៀនធីកីមថាញ ជាសមាជិករបស់ក្លឹបដែលបានបរិច្ចាគឈាមស្ម័គ្រចិត្តចំនួន១៥លើក ឱ្យដឹង៖ “ខ្ញុំដឹងយ៉ាងច្បាស់ចំពោះអត្ថន័យនៃការបរិច្ចាគឈាមសង្រ្គោះមនុស្ស ម្ល៉ោះហើយ តែងលើកទឹកចិត្តសាច់ញាតិ មិត្តភក្ដិចូលរួមបរិច្ចាគឈាម។ ការបរិច្ចាគឈាមគឺទង្វើមានអត្ថន័យសំខាន់ក្នុងការសង្រ្គោះអ្នកជំងឺដែលតម្រូវការឈាម។ បានចូលរួមក្នុងក្លិបគ្រូពេទ្យវ័យក្មេងគឺ ជាកិត្តិយស ម្យ៉ាងទៀត ខ្ញុំក៏ចូលចិត្តចុះទៅតំបន់ឆ្ងាយដាច់ស្រយាលពិនិត្យជំងឺដោយឥតគិតថ្លៃផងដែរ ដ្បិតអីបានជួយមាមីងក្រីក្រព្យាបាលជំងឺ”៕

យ្វីអាញ់ - ថាច់ធី

ចែករំលែកអត្ថបទ

ពាក្យគន្លឹះ