មហាសាមគ្គីជនជាតិ ភូមិស្រុកផ្លាស់ថ្មី

04/05/2020 - 15:40

ភាពលូតលាស់លើតំបន់ដីវីរភាពឡុងហ៊ីប

ឃុំឡុងហ៊ីប ស្រុកថ្កូវ ខេត្តត្រាវិញ គឺតំបន់មូលដ្ឋានបដិវត្តន៍ទាំង ២ លើក គឺសង្រ្គាមប្រឆាំងបារាំង និងអាមេរិក។ ខណៈពេលប្រទេសជាតិទើបរំដោះ ជីវភាពរបស់ប្រជាជននៅជួបលំបាកច្រើន ហេដ្ឋារចនាសម្ព័ន្ធមិនទាន់បានវិនិយោគកសាងច្រើន។ រយៈពេលជាង១០ឆ្នាំមកនេះ បានការយកចិត្តទុកដាក់វិនិយោគរបស់បក្ស និងរដ្ឋ ព្រមជាមួយគ្នានឹងការចូលរួមរបស់ប្រជាជន បានជាសព្វថ្ងៃផ្លូវថ្នល់ ផ្ទះសម្បែង សាងសង់យ៉ាងសមរម្យ គ្រប់សំណង់បម្រើជីវភាពប្រជាជន ត្រូវបានវិនិយោគកសាងយ៉ាងរឹងមាំ បង្ហាញច្បាស់ពីភាពប្ដូរផ្លាស់នៃមុខមាត់នៅតំបន់ជនបទមួយដែលធ្លាប់ក្រលំបាកតាំងពីមុន។

ពូគឹមខាយ ចង្អុលប្រាប់កន្លែងផ្លូវភក់ជ្រាំកាលពីមុន ឥឡូវបានកសាងល្អសមរម្យ។

វិស័យកសិកម្មមានភាពវិវឌ្ឍជាក់ស្ដែង អាស្រ័យការផ្ដុំកម្លាំងអភិវឌ្ឍប្រព័ន្ធធារាសាស្រ្ត ផ្ទេរជូនវិទ្យាសាស្រ្ត-បច្ចេកទេស ឧបត្ថម្ភទុនដល់កសិករ បានជាផ្ទៃដីកសិកម្មសឹងតែទាំងអស់ត្រូវបាន បង្កើនការផលិតស្រូវពី១រដូវឡើង២ឬ៣រដូវ។ លោកឡេភុកយ៉ែ លេខាបក្សឃុំឡុងហ៊ីប ឱ្យដឹង៖ “ឃុំឡុងហ៊ីប មានគ្រួសារប្រជាជន ២.០២៨ ក្នុងនោះ គ្រួសារជនរួមជាតិខ្មែរស្រូបអត្រាជាង៨៣%។ មុននេះ ជីវភាពរបស់គ្រួសារខ្មែរក្នុងឃុំនៅជួបលំបាកច្រើន ដោយសារខ្វះសម្ភារៈផលិតកម្ម មិនទាន់អនុវត្តវិទ្យាសាស្រ្ត-បច្ចេកទេសក្នុងការបង្កបង្កើនផល ម្ល៉ោះហើយអត្រាគ្រួសារក្រីក្រនៅមានកម្រិតខ្ពស់។ ប៉ុន្មានឆ្នាំកន្លង បានការយកចិត្តទុកដាក់របស់បក្សនិងរដ្ឋ មានកម្មវិធី គម្រោងអភិវឌ្ឍសេដ្ឋកិច្ចជាច្រើន ត្រូវបានផ្សព្វផ្សាយនៅភូមិភាគ បានជួយឱ្យកសិករផ្លាស់ប្ដូរផ្នត់គំនិត ទម្លាប់ផលិតកម្ម បង្កើនប្រាក់ចំណូល”។

ដើម្បីជួយកសិករពង្រីកផលិតកម្ម ឃុំឡុងហ៊ីបបានបង្កើតក្រុមសហការធ្វើសេដ្ឋកិច្ច៩ក្រុម (ក្រុមផលិតស្រូវ៣ក្រុម និងក្រុមដាំដំណាំរួមផ្សំ៦ក្រុម) រួមមានសមាជិក២៨៨នាក់ កំពុងសកម្មភាពប្រកបដោយប្រសិទ្ធភាព។ មកទល់សព្វថ្ងៃ ទូទាំងឃុំបានពង្រឹងនិងបន្តរក្សាដំណើរការរបស់៤ក្រុមស្វ័យគ្រប់គ្រងកាត់បន្ថយភាពក្រីក្រ រួមមានសមាជិក៩៨នាក់ចូលរួម ក្នុងនោះ សមាជិកជាជនរួមជាតិខ្មែរ៨៧នាក់ គ្រួសារក្រីក្រ២៨គ្រួសារ គ្រួសារប្រកៀកបន្ទាត់ក្រ៤៥គ្រួសារ។ រយៈពេល៣ឆ្នាំដំណើរការ ក្រុមសហការធ្វើសេដ្ឋកិច្ចក៏មាន២៨/២៨គ្រួសារចាកផុតពីភាពក្រីក្រ។ ទន្ទឹមនឹងនោះ ឃុំក៏បានអនុវត្ត៤ គម្រោងឧបត្ថម្ភអភិវឌ្ឍផលិតកម្ម វិនិយោគទុនលើការចិញ្ចឹម គោបន្ធាត់ គោមេ ដោះស្រាយជូនគ្រួសារក្រីក្រ លើភូមិសាស្រ្ត៧៦គ្រួសារបានបុលទុន១,១៤០ពាន់លានដុង។ល។

ពូគឹមខាយ ជាកម្មាភិបាលចូលនិវត្តន៍ ធ្លាប់បម្រើការងារនៅគណៈកម្មាធិការប្រជាជនឃុំឡុងហ៊ីប ឱ្យដឹង៖ “ក្រោយរយៈពេល៤៥ឆ្នាំកសាងនិងរីកចម្រើន ជីវភាពប្រជាជនឃុំឡុងហ៊ីប មានការប្ដូរផ្លាស់ដោយឥតឈប់ឈរ មុខមាត់ជនបទកាន់តែរីកចម្រើនពីមួយថ្ងៃទៅមួយថ្ងៃ។ អាស្រ័យបានរដ្ឋវិនិយោគទុន អនុវត្តកម្មវិធីទិសដៅជាតិ មានដូច កសាងជនបទថ្មី កម្មវិធី១៣៤ កម្មវិធី១៣៥។ល។ បានជាប្រព័ន្ធ អគ្គិសនី ផ្លូវថ្នល់ សាលារៀន ដំណាក់សុខាភិបាលលើភូមិសាស្រ្តឃុំត្រូវបានកសាងយ៉ាងត្រឹមត្រូវបង្កលក្ខណសម្បត្តិងាយស្រួលជូនដល់ប្រជាជនអភិវឌ្ឍសេដ្ឋកិច្ច លុបបំបាត់ភាពអត់ឃ្លាន កាត់បន្ថយភាពក្រីក៕

សឺនម៉ាល័យ - ថាច់ធី

ចែករំលែកអត្ថបទ

ពាក្យគន្លឹះ