08/04/2020 - 14:37

“ខ្សែ​ការ​ពារ​ដ៏​ឆ្នើម​” កំ​ណើត​នៅ​ស្រុក​ហ្គវ៉ាវ

ក្រុម​ជម្រើស​ជាតិ​បាល់​ទាត់​នារី​វៀត​ណាម​ បាន​បំ​បែក​ឯតទគ្គកម្ម​ ខណៈ​ពេល​យក​ឈ្នះ​លើក្រុម​ជម្រើស​ជាតិ​ថៃ​ ទទួល​បាន​មេដាយ​មាស​លើក​ទី៦​ នៅ​មហា​សន្និ​បាត​កីឡា​អប់​រំកាយ​ធំ​បំ​ផុត​អា​ស៊ី​អា​គ្នយ៍ (ស៊ី​ហ្គេម​៣​០)។​ ដែល​យុវតីជន​ជាតិ​ខ្មែរ​-ឈ្មោះ​ចឿង ធីកេវ​ នៅ​ស្រុក​ហ្គវ៉ាវ ខេត្ត​គៀង​យ៉ាង​ បាន​រួម​ចំ​ណែក​បង្កើត​ភាព​ជោគ​ជ័យ​នេះ​។​

 ​ គណៈ​កម្មា​ធិការ​ប្រ​ជា​ជន​ខេត្ត​គៀង​យ៉ាង ​ប្រារព្ធ​ពិធី​ស្ងើច​សរ​សើរ​ ជូន​រង្វាន់​ដល់​ចឿងធីកេវ​ ដោយ​មាន​ស្នាដៃ​ឈ្នះ​មេដាយ​មាស​វិញ្ញា​សាបាល់​ទាត់​នារី​ស៊ី​ហ្គេម​៣​០។​

រូបភាព​ចឿងធីកេវ​ ត្រូវ​រុំ​កំ​ភួន​ជើង​ ដោយ​សារ​រង​របួស​ក្នុង​ការ​ប្រ​កួត​វគ្គ​ផ្តាច់​ព្រ័ត្រ​ ប៉ះ​នឹង​ក្រុម​ជម្រើស​ជាតិ​ថៃ​  ធ្វើ​ឱ្យ​អ្នក​គាំ​ទ្រមាន​ក្តី​បារម្ភ​យ៉ាង​ខ្លាំង​។​ ពិសេស​គឺ​ការ​ប្រ​កួត​លើទីលាន​ស្មៅ​សិប្ប​និមិត្ត​  ពេល​ដួល​ម្តង​ៗ​របួស​កាន់​តែឈឺ​ខ្លាំង​។​   កាល​ដែល​រូប​ភាព​កាមេរ៉ា​ចាប់​ត្រង់​ ឃើញ​នាង​ខាំមាត់​ទ្រាំ​ឈឺ​ ធ្វើ​ឱ្យ​ទស្សនិក​ជន​កាន់​តែកោត​កីឡា​ការិ​នីមាឌល្អិត​រូប​នេះ​។​  ខណៈ​ពេល​យើង​ខ្ញុំ​សួរ​ថា​    តើហេតុ​អ្វី​បាន​ជាប្អូន​អា​ចធ្វើ​បាន​ដូច្នេះ​ កេវ​ឱ្យ​ដឹង​៖  “គ្រួ​សារ​នាង​ខ្ញុំ​ក្រលំ​បាក​ នាង​ខ្ញុំ​ស៊ូ​ទ្រាំ​លំ​បាក​តាំង​ពីតូចនិង​ខំប្រឹង​ឆ្លង​កាត់​គ្រប់​ឧប​សគ្គ​។​ ពេល​ប្រ​កួត​ នាង​ខ្ញុំ​រិះ​គិត​ធ្វើ​យ៉ាង​ណា ត្រូវ​ព្រួត​ដៃ​នឹង​មិត្ត​រួម​ក្រុម​ប្រ​កួត​ឱ្យ​បាន​ល្អ​។​ ភារកិច្ច​របស់​នាង​ខ្ញុំ​ គឺ​ការ​ពារ​ខាង​មុខ​ទីសំ​ដៅ​ជួយ​ការ​ពារ​ទីឱ្យ​បាន​ល្អ​ ម្ល៉ោះ​ហើយ​នាង​ខ្ញុំ​ត្រូវ​តែខំប្រឹង​អស់​ពីសម​ត្ថ​ភាព​។​ ពេល​យើង​អនុ​វត្ត​ភារកិច្ច​បាន​ល្អ​ ទើប​មិត្ត​រួម​ក្រុម​នៅ​ខ្សែ​ខាង​លើអា​ចនឹង​ស្ងប់​ចិត្ត​ទាត់​សម្រុក​លើដៃ​គូ”។​

រៀប​រាប់​ពីកូន​ស្រី​កើត​ឆ្នាំ​១​៩​៩​៥​ ពូចឿងអ៊ុក ឪ​ពុក​នាង​ចឿងធីកេវ​ នៅ​ភូមិ​ហ្វាហ៊ីវ១​ ឃុំ​ឌិញ​ហ្វា   ស្រុក​ហ្គវ៉ាវ ឱ្យ​ដឹង​ដោយ​ក្តី​មោទនៈ​៖  “នាង​ឧស្សា​ហ៍ព្យា​យាម​និង​លុះ​ក្នុង​ដំបូន្មាន​ ថ្វី​ត្បិត​ឆ្ងាយ​ពីគ្រួ​សារ​តាំង​ពីអា​យុ​១​១​ឆ្នាំ​ក៏​ពិត​មែន​ ប៉ុន្តែ​មាន​ភាព​រឹង​មាំ ដើម្បី​ឆ្លង​កាត់​រាល់​ការ​លំ​បាក​។​ ខណៈ​ពេល​ខ្ញុំ​មើល​បន្ត​ផ្ទាល់​ឃើញ​កូន​ដួល​ឈាម​ហូរ​ ប្តី​ប្រ​ពន្ធ​ខ្ញុំ​ស្រងាក​ចិត្ត​ណាស់​។​ ហើយ​ក៏​លើក​ទឹក​ចិត្ត​គ្នា​ “កូន​យើង​មាន​ភាព​រឹង​មាំណាស់​ រលាត់សើស្បែក​ មិន​អា​ច​ធ្វើ​ឱ្យ​នាង​បាក់​ស្បាតទេ” ពិត​ដូច​មាត់​មែន​ គឺ​នាង​ប្រ​កួត​យ៉ាង​ស្វិត​ស្វាញ​រហូត​ដល់​ទីបញ្ចប់​ រឹតតែ​ធ្វើ​ឱ្យ​ខ្ញុំ​មាន​មោទន​ភាព​លើកូន​ស្រី​ថែម​ទៀត​”។​

  ចឿងធីកេវ​ រុំ​ជើង​ពេល​ប្រ​កួត​វគ្គ​ផ្តាច់​ព្រ័ត្រ​ដោយ​សារ​រង​របួស​។​

រូបៈឌឹកអា​ញ់ (កាសែត​ពលកម្ម​)

កាល​រៀន​បឋម​សិក្សា​ ចឿងធីកេវ​ បាន​សាលា​ជ្រើស​រើស​ប្រ​កួត​វិញ្ញា​សាហែលទឹក​ថ្នាក់​ស្រុក​ បន្ទាប់​មក​ថ្នាក់​ខេត្ត​។​ ពីព្រោះ​ផ្ទះ​នៅ​ក្បែរ​ព្រែក​ គួបផ្សំ​នឹង​មាន​ទេព​កោ​សល្យ​ខាង​កីឡា​ផង​ ម្ល៉ោះ​ហើយ​គ្រូ​បង្វឹក​កីឡា​ បាន​ជម្រើស​ឱ្យ​នាង​ចូល​រួម​វិញ្ញា​សាហែលទឹក​ ដើម្បី​ងាយ​ហាត់​សម​។​ ផ្តើម​ពីវិញ្ញា​សាហែលទឹក​ នាង​ក៏​បាន​ប្តូរ​មក​វិញ្ញា​សា“បាល់​ទាត់​វិញ​” ហើយ​ក៏​បាន​ចូល​ក្រសែ​ភ្នែក​អ្នក​ជម្រើស​កីឡា​ករជូន​ក្រុម​ជម្រើស​ជាតិ​ បាល់​ទាត់​ក្រុង​ហូជីមិញ​។​ រៀប​រាប់​ពីការ​ចាប់​យក​អា​ជីពកីឡា​របស់​កូន​ស្រី​  ពូចឿងអ៊ុក ឱ្យ​ដឹង​៖ “កាល​ពីកុមារ​ ខ្ញុំ​ក៏​ជាកីឡា​ករបាល់​ទាត់​នៅ​ឃុំ​ឌិញ​ហ្វា បាន​ចូល​រួម​ប្រ​កួត​ថ្នាក់​ស្រុក​ ថ្នាក់​ខេត្ត​ដែរ​ ហេតុ​នោះ​ កូន​ស្រី​កេវ​ ហាក់​មាន​ហ្សែន​ដូច​ខ្ញុំ​នាង​ស្រឡាញ់​ចូល​ចិត្ត​ទាត់​បាល់​ណាស់​។​  ពេល​គេជម្រើស​កូន​ចូល​លេង​កីឡា​បាល​ទាត់​ ខ្ញុំ​នឹង​ប្រ​ពន្ធ​ ក៏​បាន​ត្រិះ​រិះ​សព្វ​គ្រប់​ដែរ​ ថា​កូន​ស្រី​ចាប់​យក​អា​ជីព​កីឡា​ “ខោខ្លី​អា​វលេខ​” ពិត​ជាពិបាក​ខ្លួន​ ប៉ុន្តែ​ដោយ​ឃើញ​កូន​ស្រឡាញ់​ចូល​ចិត្ត​ ម្ល៉ោះ​ហើយ​យើង​ក៏​ផ្គាប់​តាម​ចិត្ត​កូន​”។​

កាល​ពី​អា​យុ​១​១​ឆ្នាំ​ នាង​បាន​ចាក​ចេញ​ពីផ្ទះ​ចូល​ហ្វឹក​ហាត់​នៅ​ក្រុម​ជម្រើស​ទេព​កោ​សល្យ​ក្រុង​ហូជីមិញ​។​ អា​ស្រ័យ​មាន​ចំ​ណូល​ចិត្ត​ខាង​កីឡា​ និង​ពូកែ​ខាង​ស្កាត់​បាល់​ ព្រម​ទាំង​ខិត​ខំ​ព្យា​យាម​ក្នុង​ការ​ហ្វឹក​ហាត់​ផង​នោះ​ កេវ​បាន​ចូល​រួម​ប្រ​ កួត​ក្នុង​ទម្រង់​លេង​លេខ​១​ ក្នុង​វ័យ​១​៥​ឆ្នាំ​។​ មួយ​ឆ្នាំ​ក្រោយ​មក​ ទើប​នាង​បាន​ចូល​ក្រុម​ជម្រើស​ជាតិ​បាល់​ទាត់​នារី​។​ លុះ​ដល់​ឆ្នាំ​២​០១​២​ កីឡា​ការិ​នីកំ​ណើត​ខេត្ត​គៀង​យ៉ាង​ មាន​កិត្តិ​យសទទួល​បាន​រង្វាន់​“កីឡា​ការិ​នីឆ្នើម​វ័យ​ក្មេង​”។​

ចាប់​ពីនោះ​មក​ដល់​បច្ចុ​ប្បន្ន​ នាង​តែង​បានគ្រូ​បង្វឹក​គ្រប់​រូប​ ជ្រើស​ប្រ​កួត​ខ្សែ​ការ​ពារ​កណ្កាលនៅ​ក្រុម​ជម្រើស​ជាតិ​។​   នាង​ហាក់​មិន​ដែល​ធ្វើ​ឱ្យ​អ្នក​គាំ​ទ្រខក​បំ​ណង​ឡើយ​។​ សង្ឃឹម​ថា​ ដោយ​ការ​យក​ចិត្ត​ទុក​ដាក់​គាំ​ទ្រក្រុម​ជម្រើស​ជាតិ​នារី​និយាយ​រួម​ និង​ចឿងធីកេវ​និយាយ​ដោយ​ឡែក​ នឹង​ញុាំងឪ​្យនាង​មាន​ការ​រួម​ចំ​ណែក​ច្រើន​ជាង​ទៀត​ដល់​ក្រុម​ជម្រើស​ជាតិ​នារី​ ក្នុង​ដំ​ ណាក់​កាល​ខាង​មុខ​ជាមិន​ខាន​៕​

ង្វៀន​ត្រុងថឿង-លីសៀ

ចែករំលែកអត្ថបទ
ពាក្យគន្លឹះ
ចឿងធីកេវ​