កីឡា - ទេសចរណ៍ កីឡា

24/04/2026 - 08:13

បំណងឈានឡើងរបស់កីឡាករវ័យក្មេងជម្រើសជាតិ

កើតក្នុងគ្រួសារខ្មែរ ប្រកបរបរលក់ដូរតូច នៅសង្កាត់ត្រាវិញ ខេត្តវិញឡុង ប្អូនថាច់ង៉ុកយ៉ិន (កើតឆ្នាំ២០០៩) បានបង្ហាញពីចំណង់ចំណូលចិត្តកីឡាតាំងពីតូច។ ផ្ដើមពីការហ្វឹកហាត់ដំបូង រហូតបានជ្រើសរើសចូលក្រុមជម្រើសជាតិ ប្អូនកំពុងបង្ហាញសមត្ថភាពបន្តិចម្តងៗនៅលើសង្វៀនយូដូ ដោយក្តីសង្ឃឹមឈ្នះបានមេដាយជូនក្រុមកីឡាវៀតណាម។

កីឡាករ ថាច់ង៉ុកយ៉ិន (ឆ្វេង)។

តាំងពីក្មេង ថាច់ង៉ុកយ៉ិន បានបង្ហាញពីភាពស្វាហាប់និងទឹកចិត្តស្រឡាញ់កីឡា។ ចាប់ផ្តើមជាមួយវិញ្ញាសាហែលទឹក កាលរៀនថ្នាក់ទី ២ បន្ទាប់មកបានប្តូរទៅយូដូ ហើយបានសម្របខ្លួនយ៉ាងឆាប់រហ័សដោយមានកាយសម្បទាល្អ ភាពរហ័សរហួននឹងស្មារតីចង់រៀនសូត្រ។ ជាមួយនឹងការខិតខំប្រឹងប្រែងហ្វឹកហាត់ ង៉ុកយ៉ិន បានជ្រើសរើសចូលក្រុមទេពកោសល្យកីឡាខេត្តដើម្បីបន្តអភិវឌ្ឍន៍។ នៅក្នុងបរិយាកាសបណ្តុះបណ្តាល មានរបៀបរៀបរយ ង៉ុកយ៉ិន បានបញ្ជាក់ពីសមត្ថភាពរបស់ខ្លួនបន្តិចម្តងៗ តាមរយៈពានរង្វាន់ប្រកួតជាច្រើនសម្រាប់យុវវ័យ។ មិនត្រឹមតែប្រកួតបានល្អវិញ្ញាសារយូដូប៉ុណ្ណោះទេ ប្អូននៅទាំងសាកល្បងនឹងវិញ្ញាសា Kurash ជាវិញ្ញាសាថ្មីមួយនៅវៀតណាម។ ដោយមានស្មារតីចង់ចេះចង់ដឹងនិងការសម្របខ្លួនយ៉ាងឆាប់រហ័ស ង៉ុកយ៉ិន បានឈ្នះមេដាយប្រាក់ក្នុងការប្រកួតពានរង្វាន់ Kurash ជើងឯកយុវវ័យថ្នាក់ជាតិលើកដំបូង។ ស្នាដៃនេះ មិនត្រឹមតែជាក្តីរីករាយសម្រាប់ប្អូនផ្ទាល់ប៉ុណ្ណោះទេ ថែមទាំងជាកម្លាំងចលករសម្រាប់ប្អូនបន្តខិតខំ ប្រឹងប្រែងក្នុងអាជីពកីឡា។

ឆ្នាំ ២០២៥ គឺជាចំណុចរបត់ដ៏សំខាន់មួយនៅក្នុងដំណើរកីឡារបស់ង៉ុកយ៉ិន ខណៈប្អូនបានជ្រើសរើសចូលក្រុមជម្រើសជាតិ។ បច្ចុប្បន្ន ប្អូនកំពុងហ្វឹកហាត់នៅមជ្ឈមណ្ឌលហ្វឹកហ្វឺនកីឡាជាតិធូឌឹក ជាកនែ្លងប្រមូលផ្តុំកីឡាករវ័យក្មេងជាច្រើន ដែលមានសក្តានុពលទូទាំងប្រទេស។ នៅទីនេះ ង៉ុកយ៉ិន ហ្វឹកហាត់ជំនាញផងនិងបន្តសិក្សាថ្នាក់ទី ១១ ផង តាមកម្មវិធីសិក្សាសម្រាប់កីឡាករ។ ចែករំលែកចំណង់ពីចំណូលចិត្តរបស់ខ្លួន ង៉ុកយ៉ិន ឱ្យដឹង៖ “បន្ទាប់ពីហ្វឹកហាត់យូដូបានមួយរយៈ ប្អូនឃើញវិញ្ញាសាកីឡានេះ សមស្របនឹងប្អូនណាស់។ ប្អូននឹងព្យាយាមឱ្យអស់ពីសមត្ថភាព ហ្វឹកហាត់ឱ្យបានល្អ ដើម្បីមានឱកាសចូលរួមប្រកួតក្នុងតំបន់ ពិសេសគឺស៊ីហ្គេម និងនាំយកមេដាយមកជូនក្រុមជម្រើសវៀតណាម”។

បងថាច់អ៊ុកយ៉េវ ឪពុករបស់ង៉កយ៉ិន ឱ្យដឹង៖ “នៅថ្ងៃកូនហ្វឹកហាត់ដំបូង ប្ដីប្រពន្ធខ្ញុំប្តូរវេនគ្នាជូនទៅមកជារៀងរាល់ថ្ងៃ។ ពេលង៉ុកយ៉ិនបានជ្រើសរើសចូលក្រុមជម្រើសជាតិនិងហ្វឹកហាត់នៅមជ្ឈមណ្ឌល គ្រួសារខ្ញុំស្ងប់អារម្មណ៍ ពីព្រោះនៅទីនេះ បានគិតគូរសព្វគ្រប់ តាំងពីការស្នាក់នៅ ហូបចុករហូតដល់ការសិក្សារៀនសូត្រ”។

តាមប្រសាសន៍ លោកវឿងហ្វាងហ្វឹង (គ្រូបង្វឹក) ថាច់ង៉ុកយ៉ិន ជាកីឡាករម្នាក់ឧស្សាហ៍ព្យាយាម មានស្មារតីជឿនលឿននិងមានចំណង់ចំណូលចិត្តយ៉ាងខ្លាំងចំពោះកីឡាយូដូ។ “ប្អូនសម្រេចបានស្នាដៃជាច្រើនក្នុងការប្រកួតពានរង្វាន់សម្រាប់យុវវ័យ។ យើងខ្ញុំជឿជាក់ប្អូននឹងបន្តអភិវឌ្ឍន៍និងអាចឈ្នះមេដាយនៅក្នុងព្រឹត្តិការណ៍ស៊ីហ្គេម ៣៤ ឆ្នាំ ២០២៧” លោកហ្វឹង បានឱ្យដឹងដូច្នេះ៕

ទីទុយ

ចែករំលែកអត្ថបទ

ពាក្យគន្លឹះ