កីឡា - ទេសចរណ៍ កីឡា

24/04/2026 - 08:13

កីឡាការិនីខ្មែរនៅស៊ីហ្គេម ៣៣

នៅមហាសន្និបាតកីឡាអាស៊ីអាគ្នេយ៍លើកទី ៣៣ ដែលប្រព្រឹត្តឡើងនៅប្រទេសថៃ កីឡាការិនីជនជាតិខ្មែរ គឹមធីហ្វៀង មកពីខេត្តវិញឡុង បានប្រកួតយ៉ាងល្អ ឈ្នះមេដាយសំរឹទ្ធក្នុងវិញ្ញាសាចោលដុំដែកនារីនិងបំបែកឯតទគ្គកម្មជាតិរួមចំណែកបញ្ជាក់ពីឋានៈនៃកីឡាវៀតណាមលើឆាកប្រកួតថ្នាក់តំបន់។

កីឡាការិនីគឹមធីហ្វៀង។ រូបថត៖ តួអង្គផ្តល់ជូន

កើតឆ្នាំ២០០៣ ក្នុងគ្រួសារកសិករខ្មែរនៅឃុំកាងឡុង ខេត្តវិញឡុង កីឡាការិនី គឹមធីហ្វៀង បានបង្ហាញទេពកោសល្យកីឡាតាំងពីតូច។ កាលនៅរៀនថ្នាក់ទី ៩ ប្អូនបានចូលរួមសមយុទ្ធកីឡាភូដុងនៅខេត្តត្រាវិញ (ចាស់) និងបានគ្រូបង្វឹកឃើញ ជ្រើសរើសចូលក្រុមទេពកោសល្យអត្តពលកម្មឆ្នាំ ២០១៨។ ឆ្លងកាត់ការហ្វឹកហាត់យ៉ាងហ្មត់ចត់ ខ្ជាប់ខ្ជួនក្នុងដំណាក់កាលឆ្នាំ ២០២០-២០២១ ហ្វៀងបានជ្រើសរើសចូលក្រុមជម្រើសខេត្តនិងក្រោយមកក្រុមជម្រើសជាតិ។ ចំណុចលេចធ្លោគឺការប្រកួតប្រកបដោយភាពក្លាហានរបស់គឹមធីហ្វៀង ក្នុងខ្លឹមសារចោលដុំដែកនារីនៃវិញ្ញាសាអត្តពលកម្ម។

នៅក្នុងមហាសន្និបាតកីឡាអាស៊ីអាគ្នេយ៍លើកទី ៣៣ ក្នុងវគ្គផ្តាច់ព្រ័ត្រខ្លឹមសារចោលដុំដែកនារី គឹមធីហ្វៀង សម្រេចបានលទ្ធផល ១៥,៩២ ម៉ែត្រ លើសឯតទគ្គកម្មជាតិ ១៥,២៧ ម៉ែត្រ ដែលនាងបានបង្កើតមុននេះ។ លទ្ធផលគួរឱ្យចាប់អារម្មណ៍នេះ មិនត្រឹមតែជាជំហានវិវឌ្ឍន៍គួរឱ្យកត់ចំណាំក្នុងអាជីពប្រកួតរបស់នាងប៉ុណ្ណោះទេ ថែមទាំងជួយឱ្យហ្វៀងឈ្នះមេដាយសំរឹទ្ធជូនដល់ក្រុមកីឡាវៀតណាម ក្នុងបរិការណ៍ដែលត្រូវប្រកួតប្រជែងយ៉ាងតានតឹងជាមួយកីឡាករលំដាប់កំពលជាច្រើននៅក្នុងតំបន់។ បន្ទាប់ពីការប្រកួត គឹមធីហ្វៀង ឱ្យដឹង ដោយអារម្មណ៍រំភើប៖ “បានពាក់អាវតំណាងជាតិ គឺជាកិត្តិយសដ៏ធំធេងមួយ។ ទោះបីរងសម្ពាធយ៉ាងខ្លាំងពេលប្រឈមមុខនឹងគូប្រកួតខ្លាំងៗក៏ដោយ ប៉ុន្តែដោយមានការលើកទឹកចិត្តពីគណៈគ្រូបង្វឹកនិងមិត្តរួមក្រុម ប្អូនបានខិតខំអស់ពីសមត្ថភាពដើម្បីនាំយកនូវលទ្ធផលល្អបំផុត។ បច្ចុប្បន្ន ខ្ញុំកំពុងសិក្សានៅមហាវិទ្យាល័យគរុកោសល្យកីឡាអប់រំកាយទីក្រុងហូជីមិញ។ ខ្ញុំសង្ឃឹមថា បន្ទាប់ពីបញ្ចប់ការសិក្សានឹងក្លាយជាគ្រូបង្វឹក ដើម្បីបន្តរួមចំណែកអភិវឌ្ឍវិស័យកីឡាជាតិ”។

គ្រូបង្វឹកថាច់ធីគួរ បានវាយតម្លៃ៖ កីឡាការិនីគឹមធីហ្វៀង ជាអ្នកសកម្មឧស្សាហ៍ហ្វឹកហាត់ និងមានចំណង់ចំណូលចិត្តយ៉ាងខ្លាំងចំពោះកីឡានេះ។ ប្អូនតែងម្ចាស់ការក្នុងពេលហ្វឹកហាត់ មានវិន័យខ្ពស់ និងត្រៀមខ្លួនជានិច្ចក្នុងការជួយមិត្តរួមក្រុមដើម្បីសម្រេចគោលដៅរួមរបស់ក្រុមជម្រើស។ ដោយសារស្មារតីខិតខំយ៉ាងខ្ជាប់ខ្ជួន ហ្វៀង បានឈ្នះមេដាយជាច្រើននៅវគ្គប្រកួតក្នុងប្រទេស។ ជាពិសេស មេដាយសំរឹទ្ធ ខ្លឹមសារចោលដុំដែក នៅក្នុងមហាសន្និបាតកីឡាអាស៊ីអាគ្នេយ៍លើកទី ៣៣ ដែលចាត់តាំងឡើងនៅប្រទេសថៃកន្លងហើយ គឺជាលទ្ធផលស័ក្ដិសមសម្រាប់ដំណើរការហ្វឹកហាត់យ៉ាងតឹងរឹងរបស់កីឡាការិនីជនជាតិខ្មែររូបនេះ៕

ទីទុយ

ចែករំលែកអត្ថបទ

ពាក្យគន្លឹះ