គោលនយោបាយ -ការរស់នៅ ការរស់នៅ

08/04/2020 - 14:37

អាជីវករវ័យក្មេងជនជាតិខ្មែរសម្រេចជោគជ័យ

ផ្ដើមពីបំណងប្រាថ្នាក្លាយជាវិស្វករសំណង់យុវជនខ្មែរឡឹមសើុងយ៉ាង បានប្រឹងប្រែងរៀនសូត្រ តស៊ូឆ្លងកាត់ជីវភាពក្រីក្រដើម្បីចូលរៀនមហាវិទ្យាល័យ។ ពេលគ្រប់លក្ខណសម្បត្តិ បងសម្រេចចិត្តបង្កើតក្រុមហ៊ុនចំកាត់គើយតៀង។ ក្រោយរយៈពេលច្រើនឆ្នាំអភិវឌ្ឍ មិនត្រឹមតែឈរជើងរឹងមាំនៅខេត្តសុកត្រាំងប៉ុណ្ណោះទេ ក្រុមហ៊ុនរបស់បងនៅទាំងពង្រីកប្រព័ន្ធតាមខេត្តនានានៅតីណាមបូទៀតផង។

បងឡឹមសើុងយ៉ាង (ឈរទី២រាប់ពីឆ្វេង) ចូលរួមមហាសន្និបាតទូទាំងប្រទេសនៃសមាគមអាជីវករវ័យក្មេងវៀតណាមនៅរដ្ឋធានីហាណូយ។

ឆ្នាំ២០០៤ ក្រោយពីបញ្ចប់មហាវិទ្យាល័យស្ថាបត្យកម្មហាណូយផ្នែកវិស្វករសំណង់ ជាមួយនឹងសញ្ញាបត្រនិទ្ទេសពូកែ បងយ៉ាង ត្រូវបានគណៈកម្មការគ្រប់គ្រងការដ្ឋានសំណង់ខេត្តសុកត្រាំងទទួលចូលធ្វើការ។ ក្រោយរយៈពេល២ឆ្នាំធ្វើការ បងសម្រេចចិត្តសុំឈប់និងបង្កើតក្រុមសាងសង់នៅភូមិសេដា ឃុំហូដាក់កៀង ស្រុកចូវថាញ់។ សមាជិកក្រុមគឺយុវជនខ្មែរ អាស្រ័យបងយ៉ាងធ្វើប្រធានក្រុម ជំនាញខាងការងារសំណង់ មានដូច៖ សង់ផ្ទះ កសាងផ្លូវជនបទ លូបង្ហូរទឹកជាដើម។ “កាលណោះ គ្រួសារខ្ញុំក្រខ្លាំងពេក ជំពាក់បំណុល ឪពុកឈឺធ្ងន់ ម្ល៉ោះហើយខ្ញុំត្រូវទៅធ្វើកម្មករសំណង់រួមជាមួយបងប្អូនដើម្បីមានប្រាក់សងបំណុល និងចិញ្ចឹមប្អូនស្រីរៀនមហាវិទ្យាល័យ។ សំណង់គ្រប់យ៉ាង ដែលក្រុមទទួលធ្វើតែងធានាគុណភាពនិងការទំនុកចិត្ត ម្ល៉ោះហើយតែងទទួលបានការគាំទ្រពីសំណាក់អតិថិជន។ ផ្ដើមពីនោះ ខ្ញុំសម្រេចចិត្តអនុវត្តបំណងប្រាថ្នាបង្កើតក្រុមហ៊ុន” បងយ៉ាង ឱ្យដឹងដូច្នោះ។ ឆ្នាំ២០០៧ ក្រុមហ៊ុនចំកាត់គើយតៀង បានបង្កើតជាផ្លូវការ អាស្រ័យបងធ្វើនាយក។

រយៈពេលជាង១៣ឆ្នាំដំណើរការ ក្រុមហ៊ុនចំកាត់គើយតៀង បានពង្រីកចុះទៅតាមខេត្តនានាមានដូច កាម៉ាវ បាកលីវ ត្រាវិញ វិញឡុង បេនត្រែ ដុងថាប អាងយ៉ាង។ បងយ៉ាង ចែករំលែក៖ “ពេលខ្ញុំនិយាយបង្កើតអាជីពពី ”បាតដៃទទេ”ប្រហែលជាគ្មាននរណាជឿទេ ប៉ុន្តែគ្រួសារខ្ញុំក្រគ្មានទុនវិនិយោគ បានជាខ្ញុំត្រូវរៀនពីបទ ពិសោធន៍ជាក់ស្ដែង។ ជាពិសេស ខ្ញុំឧស្សាហ៍ចូលរួមវគ្គបណ្តុះបណ្តាលគ្រប់គ្រង ដឹកនាំក្រុមហ៊ុន អានសៀវភៅជាច្រើនស្ដីពីអាជីវករជោគជ័យលើពិភពលោក។ ផ្ដើមពីនោះ ខ្ញុំបានប្រមូលផ្ដុំបទពិសោធន៍ ជៀសវាងពីភាពបរាជ័យនៃអ្នកដើរមុន ដើម្បីឈានដល់ការជោគជ័យសម្រាប់ខ្លួនឯង។ ប្រការសំខាន់ ដើម្បីក្រុមហ៊ុនរីកចម្រើនចីរភាព គឺគប្បីមានធនធានមនុស្សប្រកបដោយវិជ្ជាជីវៈ មានភាពរវាសរវៃ រក្សាទំនុកចិត្តចំពោះអតិថិជននិងសំណង់ត្រូវធានាគុណភាព”។ ជាមួយគ្នានឹងការអភិវឌ្ឍក្រុមហ៊ុន រៀងរាល់ឆ្នាំ បងនៅទាំងរួមវិភាគទានរាប់រយលានដុងចូលរួមសកម្មភាពសុខុមាលសង្គមរបស់ខេត្តសុកត្រាំងទៀតផង។

បងយ៉ាង ទទួលបានពានរង្វាន់ជាច្រើន មានដូច៖ ពានរង្វាន់លឿងដិញកួឆ្នាំ២០១៣ ពានរង្វាន់អាជីវករវ័យក្មេងផ្ដើមអាជីព ឆ្នើមឆ្នាំ២០១៦ អាស្រ័យមជ្ឈិមសមាគមសហព័ន្ធយុវជនវៀតណាម និងសមាគមអាជីវករវ័យក្មេងវៀតណាមជ្រើសរើស; ៣ឆ្នាំបន្តបន្ទាប់បានប្រធានគណៈកម្មាធិការប្រជាជនខេត្តសុកត្រាំងជូនប័ណ្ណសរសើរអំពីបុព្វហេតុអភិវឌ្ឍសេដ្ឋកិច្ច-សង្គម និងសកម្មភាពសប្បុរសធម៌របស់ភូមិភាគ។ ឆ្នាំ២០១៩ បងទទួលប័ណ្ណសរសើររបស់គណៈកម្មាធិការជនជាតិដោយមានស្នាដៃឆ្នើមក្នុងការងារជនជាតិ និងអនុវត្តគោលនយោបាយជនជាតិរបស់បក្សនិងរដ្ឋ៕

លីធាន - ថាច់ធី

ចែករំលែកអត្ថបទ

ពាក្យគន្លឹះ