ព្រឹត្តិការណ៍ - នយោបាយ ព្រឹត្តិការណ៍

30/03/2020 - 15:04

កម្មាភិបាល យុទ្ធជន២៨នាក់ ស្ម័គ្រចូលរួមបង្កើនការបង្ការទប់ស្កាត់ជំងឺឆ្លង Covid-១៩ លើបន្ទាត់ព្រំដែនវៀតណាម-កម្ពុជា

កម្មាភិបាល យុទ្ធជនស្ម័គ្រចូលរួមបង្កើនការបង្ការទប់ស្កាត់ជំងឺឆ្លង Covid-១៩ លើបន្ទាត់ព្រំដែនវៀតណាម-កម្ពុជា។

សុកត្រាំង - ចំពោះស្ថានភាពជំងឺឆ្លង Covid-១៩ កំពុងមានការវិវត្តន៍យ៉ាងស្មុគស្មាញ ពិបាកប៉ាន់ស្មាន ជាមួយស្មារតី "ប្រយុទ្ធប្រឆាំងនឹងជំងឺឆ្លង ដូចប្រយុទ្ធប្រឆាំងនឹងសង្គ្រាម" បញ្ជាការដ្ឋានកងទ័ពការពារព្រំដែន បានដាក់ចេញផែនការ ៨៧៨/KH-BTL ចុះថ្ងៃ ១៤/៣/២០២០ ស្ដីពីការ ចាត់បញ្ជូន បង្កើនកម្លាំង មធ្យោបាយអនុវត្តន៍ ភារកិច្ចគ្រប់គ្រង ការពារព្រំដែន តំបន់សមុទ្រ និងការបង្ការ ទប់ស្កាត់ជំងឺឆ្លង Covid-១៩ តាមបន្ទាត់ព្រំដែនវៀតណាម-កម្ពុជា។ អនុវត្តផែនការខាងលើ កងទ័ពការពារព្រំដែនខេត្តសុកត្រាំង បានចេញសេចក្ដីសម្រេចចាត់បញ្ជូនកម្មាភិបាល យុទ្ធជន២៨នាក់ ជំនួយឱ្យកងទ័ពការពារព្រំដែនខេត្តអាងយ៉ាង ដើម្បីអនុវត្តភារកិច្ចគ្រប់គ្រងការពារព្រំដែន និងការបង្ការ ទប់ស្កាត់ជំងឺឆ្លង Covid-១៩ លើបន្ទាត់ព្រំដែនវៀតណាម-កម្ពុជា។

វរសេនីយ៍ឯក ង្វៀន ទ្រីវម៉េន ស្នងការនយោបាយនៃកងទ័ពការពារព្រំដែនខេត្តសុកត្រាំង សង្កត់ធ្ងន់ៈ សមមិត្តដែលចូលរួមបម្រើភារកិច្ច គប្បីមានស្មារតីទទួលខុសត្រូវខ្ពស់ អនុវត្តយ៉ាងម៉ឺងម៉ាត់ការចាត់តាំង បទបញ្ជា មិនស្លន់ស្លោ ចេះបត់បែនចំពោះការប្រែប្រួលយ៉ាងស្មុគស្មាញនៃជំងឺឆ្លង ត្រូវកៀកជិតនឹងប្រជាជន ប្ដេជ្ញាពិនិត្យតាមដានជំងឺឆ្លងរាលដាល និងធានាដំណើរការនៃការអភិវឌ្ឍសេដ្ឋកិច្ច-សង្គមនៅភូមិភាគ លំនឹងជីវភាពប្រជាជន កាត់បន្ថយការលំបាក ធានាសុវត្ថិភាព ជាដាច់ខាត់ អនុវត្តនិងសម្រេចឆ្នើមភារកិច្ចដែលបញ្ជាការដ្ឋានកងទ័ពការពារព្រំដែនប្រគល់ឱ្យ៕

យ្វីអាញ់-ពេជ្រសឿន

ចែករំលែកអត្ថបទ

ពាក្យគន្លឹះ