មហាសាមគ្គីជនជាតិ ភូមិស្រុកផ្លាស់ថ្មី

10/02/2020 - 14:41

កសាង​ធ្លុង​មហា​សាមគ្គី​ជន​ជាតិ​

លោក​លឺ​ក្វាង​ងើយ ប្រ​ធាន​គណៈ​កម្មា​ធិការ​ប្រ​ជា​ជន​ខេត្ត​វិញឡុង​ បាន​វាយ​តម្លៃ​ខ្ពស់​ការ​ខ្នះ​ខ្នែង​របស់​ភូមិ​នីមួយ​ៗ​ និង​គណៈ​ ផ្នែក​ អង្គការ​មហា​ជន​ ក្នុង​ការ​កសាង​ធ្លុង​មហា​សាមគ្គី​ជន​ជាតិ​ រួម​ចំ​ណែក​រក្សា​រឹង​មាំ​ការ​ការ​ពារ​ប្រ​ទេស​ សន្តិ​សុខ​លើ​ភូមិ​សាស្រ្ត​។​

ក្មេង​ៗ​ជន​រួម​ជាតិ​ខ្មែរ​ចូល​រួម​លេង​ល្បែង​ប្រ​ជា​ប្រិយ​ នៅ​ទិវា​មហា​សាមគ្គី​ជន​ជាតិ​ ឃុំ​ត្រាកូង ស្រុក​ត្រា​អូង​។​

ក្រៅ​ពី​ជន​ជាតិ​កិញ ជន​ជាតិ​ឯ​ទៀ​ត​នៅ​ខេត្ត​វិញ​ឡុង​សរុប​អត្រា​២​,៧​%នៃ​ចំ​នួន​ប្រ​ជា​ជន​។​ ក្នុង​នោះ​ ជន​ជាតិ​ខ្មែរ​សរុប​អត្រា​២​,១​% ​ជន​ជាតិ​ចិន​និង​ជន​ជាតិ​ចំ​នួន​១​៦​ទៀ​ត​សរុប​អត្រា​០​,៦​%។​ ផ្តើម​ពី​ភាព​ជាក់​ស្តែង​ នៅ​តំ​បន់​មាន​ជន​រួម​ជាតិ​ភាគ​តិច​រស់​នៅ​កុះ​ករ​ ខេត្ត​ក៏​បាន​កសាង​ប្រ​ព័ន្ធ​នយោ​បាយ​  ដោយ​ពង្រីក​បក្ខ​ជន​ និង​កសាង​អង្គ​ការ​មូលដ្ឋាន​បក្ស​ស្អាត​ស្អំ​ រឹង​មាំ​។​ ទូទាំង​ខេត្ត​មាន​បក្ខជន​ជា​ជន​ជាតិ​ភាគ​តិច​៥​១​០​រូប​ ក្នុង​នោះ​  មាន​បក្ខជន​ជា​ជន​ជាតិ​ខ្មែរ​៤​៤​៣​រូប​។​ បច្ចុប្បន្ន​  មាន​សាខា​បក្ស​មូលដ្ឋាន​ចំ​នួន​៨​០​សុទ្ធ​សឹង​មាន​បក្ខជន​ជា​ជន​ជាតិ​ខ្មែរ​។​ លោក​ស៊ើង​មី​យ្វៀង​ លេខា​សាខា​បក្ស​ ប្រ​ធាន​គណៈ​កម្ម​ការ​ភូមិ​អង្គុល​ីខាង​ជើង​ ឃុំ​ដុង​ប៊ិញ ទី​រួម​ខេត្ត​ប៊ិញ​មិញ​ ខេត្ត​វិញ​ឡុង​ ឱ្យ​ដឹង​៖  “នៅ​ពេល​បោះ​ឆ្នោត​គណៈ​កម្មា​ធិការ​សាខា​បក្ស​អា​ណត្តិ​ថ្មី​ មាន​បក្ខ​ជន​ជា​ជន​ជាតិ​ខ្មែរ​៣​រូប​បាន​ជ្រើស​រើស​ចូល​។ បច្ចុប្បន្ន​ សាខា​បក្ស​មាន​បក្ខជន៩​/១​៤​ ​ជា​ជន​ជាតិ​ខ្មែរ​”។​ លោក​ង្វៀន​វ៉ាន់​មេ លេខា​គណៈ​កម្មា​ធិការ​បក្ស​ឃុំ​ដុង​ប៊ិញ  ឱ្យ​ដឹង​៖ បក្ខ​ជន​ជា​ជន​ជាតិ​ភាគ​តិច​លើ​ភូមិ​សាស្រ្ត​ បាន​រួម​ចំ​ណែក​យ៉ាង​ធំ​ក្នុង​ការ​កសាង​ធ្លុង​មហា​សាមគ្គី​ជន​ជាតិ​នៅ​មូលដ្ឋាន​។​ 

លោក​ថាច់​យឿង ប្រ​ធាន​គណៈ​ជន​ជាតិ​ខេត្ត​វិញ​ឡុង​ ឱ្យ​ដឹង​បន្ថែម​៖ រយៈ​ពេល​កន្លង​ មាន​ជន​ជាតិ​ភាគ​តិច​ចំ​ នួន​៨​២​រូប​ ត្រូវ​បាន​បន្ត​វេន​ក្នុង​រណសិរ្ស​មាតុ​ភូមិ​គ្រប់​លំ​ដាប់​ថ្នាក់​។​ ពួក​គាត់​បាន​រួម​ជា​មួយ​សមាគម​ អង្គ​ការ​មហា​ជន​នៅ​មូលដ្ឋាន​ អនុវត្ត​ល្អ​នូវ​ការ​ចលនា​ប្រ​ជា​ជន​ចូល​រួម​រាល់​ចលនា​ “ទូទាំង​ប្រ​ជា​ជន​សាម​គ្គី​កសាង​ជីវ​ភាព​វប្បធម៌​” និង​“កសាង​ជន​បទ​ថ្មី​។​ល។​ លោក​ថាច់​ថេ​ហៀង ប្រ​ធាន​ការិ​យាល័យ​ជន​ជាតិ​ស្រុក​ត្រា​អូង​ ឱ្យ​ដឹង​៖  "ទិវា​មហា​សាមគ្គី​ជន​ជាតិ​លើ​ភូមិ​សាស្រ្ត​ ត្រូវ​បាន​រៀប​ចំ​សប្បាយ​រីក​រាយ​  សាមគ្គី​និង​រាក់​ទាក់​ជា​មួយ​ជន​ ជាតិ​ឯទៀ​ត​ដែល​ចូល​រួម​”។​ រីឯ​លោក​គឹម​កាន់​ ប្រ​ធាន​ការិ​យាល័យ​ជន​ជាតិ​ស្រុក​តាម​ប៊ិញ ឱ្យ​ដឹង​ដោយ​ក្តី​រីក​រាយ​៖  “ពិធី​ប្រ​ណាំង​ទូក​ នា​ឱកាស​បុណ្យ​ប្រ​ពៃណី​របស់​ជន​រួម​ជាតិ​ខ្មែរ​នៅ​ឃុំ​ឡងមី មាន​ជន​ជាតិ​កិញ ចិន​ ថៃ​ មឿង។​ល។​ បាន​ចូល​រួម​យ៉ាង​សប្បាយ​រីក​រាយ​”។​

លោក​លឺ​ក្វាង​ងើយ គូស​បញ្ជាក់​៖ ខេត្ត​តែ​ងបង្ក​រាល់​លក្ខណ​សម្បត្តិ​ ដើម្បី​ភូមិ​ភាគ​នីមួយ​ៗ​អនុវត្ត​ល្អ​នូវ​គោល​ការណ៍​ គោល​នយោ​បាយ​របស់​បក្ស​ ក្រឹត្យ​ច្បាប់​របស់​រដ្ឋ​ ស្តីពី​ការ​ងារ​ជន​ជាតិ​។​ ផ្តើម​ពី​នោះ​ បង្ក​បាន​ការ​ស្មើ​ភាព​ សាម​គ្គី​ភាព​ រាប់​អា​ន​ជួយ​គ្នា​រួម​អភិវឌ្ឍ​ និង​រួម​ចំ​ណែក​លុប​បំ​បាត់​ភាព​អត់​ឃ្លាន​ កាត់​បន្ថយ​ភាព​ក្រី​ក្រ លើក​ស្ទួយ​ជីវ​ភាព​សម្ភារៈ​ និង​ស្មារតី​របស់​ជន​ជាតិ​ភាគ​តិច​៕

ហាថាញ់-លីសៀ

ចែករំលែកអត្ថបទ
ពាក្យគន្លឹះ
លោក​លឺ​ក្វាង​ងើយ