មហាសាមគ្គីជនជាតិ ភូមិស្រុកផ្លាស់ថ្មី

20/01/2020 - 07:54

សាមគ្គីទទួលបុណ្យចូលឆ្នាំវៀតណាម

លោកឡឺវញឹកឡិញ ប្រធានគណៈឃោសនាស្រុកត្រាអូង ខេត្តវិញឡុងបានជូនដំណឹង៖ រួមជាមួយជនជាតិកិញ ជនរួមជាតិខ្មែរនៅលើភូមិសាស្រ្តស្រុកត្រាអូងក៏កំពុងត្រៀមរៀបចំពិធីបុណ្យចូលឆ្នាំវៀតណាម២០២០ផងដែរ។

សប្បុរសជនជូនអំណោយ អាងប៉ាវដល់គ្រួសារក្រីក្រនៅឃុំតឹងមី នាឱកាសបុណ្យចូលឆ្នាំវៀតណាម។

ប្តីប្រព័ន្ធបងស្រីថាច់ធីហ្វាយ នៅឃុំតឹងមី ស្រុកត្រាអូងកំពុងថែផ្ការាប់រយដើមនៅខាងមុខទីធ្លាផ្ទះរបស់គាត់ ដើម្បីលក់ក្នុងឱកាសបុណ្យចូលឆ្នាំវៀតណាម។ ទីធ្លាខាងមុខផ្ទះមានផ្ទៃដីជាងមួយរយម៉ែត្រការ៉េ ទុកសម្រាប់ហាលស្រូវ ប៉ុន្តែសព្វថ្ងៃបានដាំផ្កា។ បងស្រី បានឱ្យដឹង៖ “ រៀងរាល់ឆ្នាំ ប្តីប្រពន្ធខ្ញុំតែងចំណាយពេលដាំផ្កាដើម្បីលក់ឱកាសបុណ្យចូលឆ្នាំវៀតណាម ពីព្រោះយើងខ្ញុំក៏ចូលចិត្តផ្កា។ ប៉ុន្មានថ្ងៃជិតដល់បុណ្យចូលឆ្នាំវៀតណាម ទីធ្លាខាងមុខផ្ទះមានពណ៌លឿងនៃផ្កាស្បៃរឿង ពណ៌ក្រហមនៃផ្កាសិរមាន់និងម្ទេសទុំមើលទៅស្រស់ស្អាតណាស់។ ចាប់ពីថ្ងៃដែលមានផ្លូវក្រាលកៅស៊ូខ្ញុំលក់ផ្កានៅនឹងផ្ទះតែម្តង មិនចាំបាច់យកទៅផ្សារតឹងមីលក់ដូចមុនទៀត។ ប្រាក់ចំណេញពីលក់ផ្កាខ្ញុំទិញឥវ៉ាន់រៀបចំបុណ្យចូលឆ្នាំដូចជនជាតិកិញនៅក្នុងសង្កាត់ដែរ។ ”

គ្រួសារកសិករជាច្រើននៅត្រាអូង ឆ្លៀតដាំបន្លែនិងផ្កាលក់នៅឱកាសបុណ្យចូលឆ្នាំវៀតណាម។

មិនទិញរបស់របរបម្រុងបុណ្យចូលឆ្នាំវៀតណាមដូចបងស្រីហ្វាយ ប៉ុន្តែបងថាច់ថាញសាង នៅត្រាកូង ក៏បានប្រើទីធ្លាទាំងអស់នៅខាងមុខផ្ទះនិងទីធ្លារបស់បងប្រុសគាត់នៅក្បែរសម្រាប់ដាំសាឡាដ។ បងឱ្យដឹង៖ “ ពេលចូលឆ្នាំថ្មីរៀងរាល់ឆ្នាំ ខ្ញុំដាំសាឡាដលក់បានថ្លៃណាស់។ ពីមុនខ្ញុំច្រើនតែដកយកទៅទីផ្សារលក់ កាលណាលក់មិនដាច់ក៏លក់ថ្លៃថោក។ ឥឡូវនេះខ្ញុំមានបទពិសោធន៍ គឺមិនប្រមូលផលទាំងអស់តែម្តងទេ គឺដកលក់សន្សឹមៗ។ ផ្ទះនៅក្បែរផ្លូវ គេត្រូវការហូប មកទិញប៉ុណ្ណា ខ្ញុំដក់លក់ប៉ុណ្ណឹង។ បន្លែប៉ុន្មានថ្នាលនេះ លក់រកបានប្រាក់ចំណេញល្មមទិញសម្លៀកបំពាក់ថ្មីឱ្យកូនអំណរបុណ្យចូលឆ្នាំវៀតណាមជាមួយមិត្តភក្តិដែរ។

ដើម្បីជួយប្រជាជនទទួលអំណរបុណ្យចូលឆ្នាំថ្មីសប្បាយរីករាយ ឃុំតឹងមីបានសំណូមពរឱ្យភូមិនានាពិនិត្យបញ្ជីគ្រួសារក្រីក្រ ដែលត្រូវការឧបត្ថម្ភ ដើម្បីអំពាវនាវសប្បុរសជនរួមគ្នាគិតអានបុណ្យចូលឆ្នាំថ្មីជូនប្រជាជន។ លោកង៉ោវិញត្វឹង អនុប្រធានគណៈកម្មាធិការប្រជាជនឃុំតឹងមី មានប្រសាសន៍៖ “ ក្នុងឃុំមានគ្រួសារក្រីក្រជាង១០០គ្រួសារ ជាងពាក់កណ្តាលជាគ្រួសារជនរួមជាតិខ្មែរ។ ក្នុងពេលជំនួយប្រជាជនអំណរបុណ្យចូលឆ្នាំថ្មីវៀតណាម ឃុំក៏ជំនួយដល់គ្រួសារជនរួមជាតិខ្មែរផងដែរ”។ ក្រៅពីអំណោយរបស់រដ្ឋ អំណោយរបស់សប្បុរសជនក៏បានរួមចំណែកជួយដល់គ្រួសារក្រីក្រកាត់បន្ថយបានការលំបាកមួយភាគផងដែរ។ លោកយាយ ថាច់ធីនី អាយុ៨០ឆ្នាំ នៅភូមិសុករុង ឃុំតឹងនី បានឱ្យដឹង៖ “ ក្រៅពីអង្ករ មីកញ្ចប់និងសំភារៈចាំបាច់ ខ្ញុំក៏ទទួលបានអាងប៉ាវក្រហមមានទឹកប្រាក់ចំនួន១០០.០០០ដុង ពីលោកស្រីថាញធ្វី នៅក្រុងព្រៃនគរជូននាឱកាសបុណ្យចូលឆ្នាំវៀតណាម។ លោកស្រីធ្វីបាននិយាយថា អាងប៉ាវក្រហមគឺជូនពរខ្ញុំឱ្យជួបលាភសំណាង និងមានសុខភាពល្អក្នុងឆ្នាំថ្មី ម្ល៉ោះហើយខ្ញុំរំភើបចិត្តណាស់៕

ហាថាញ-សុផន

ចែករំលែកអត្ថបទ

ពាក្យគន្លឹះ