សុខភាព - អប់រំ អប់រំ

23/12/2019 - 16:14

សាលាមធ្យមសិក្សាបាលី-ខ្មែរត្រាវិញ៖

សំណង់អំណរមហាសន្និបាតបក្សគ្រប់លំដាប់ថ្នាក់

សាលាមធ្យមសិក្សាបាលី-ខ្មែរត្រាវិញ ត្រូវបានវិនិយោគសាងសង់លើផ្ទៃដីទំហំប្រមាណ០,៣ហិកតា រួមមាន៖ អគារសិក្សា អាហារដ្ឋាន អន្តេវាសិកដ្ឋាន៤ជាន់និងប្រព័ន្ធហេដ្ឋារចនាសម្ព័ន្ធបច្ចេកទេស សរុបថវិកាកសាងជិត៤៥ពាន់លានដុង។ សំណង់នេះ ត្រូវបានមន្ទីរអប់រំនិងបណ្តុះបណ្តាលខេត្តត្រាវិញជម្រើសអនុវត្តអំណរមហាសន្និបាតបក្សគ្រប់លំដាប់ថ្នាក់។

សាលាមធ្យមសិក្សាបាលី-ខ្មែរត្រាវិញ។

លោកគ្រូ ឡឹមសារ៉ន នាយករងសាលាមធ្យមសិក្សាបាលី-ខ្មែរត្រាវិញ ឱ្យដឹង៖ "ជារៀងរាល់ឆ្នាំ ខេត្តត្រាវិញ មានសមណសិស្សនិងសិស្សខ្មែរប្រមាណពី៣០០-៤០០អង្គនិងរូប ប្រឡងយកសញ្ញាបត្រពុទ្ធិកសិក្សាបឋមភូមិ និងមានលិខិតបញ្ជាក់កម្រិតអនុវិទ្យាល័យ(រាប់ទាំងផ្នែកបំពេញវិជ្ជា) ដែលមានបំណងបន្តរៀនថ្នាក់វិទ្យាល័យនិងមធ្យមសិក្សាបាលី-ខ្មែរ នៅពេលយប់សាលាមានបើកវគ្គសិក្សាអក្សរខ្មែរសម្រាប់កម្មាភិបាល បុគ្គលិក អ្នករដ្ឋការលើភូមិសាស្រ្តខេត្តប្រមាណពី៤០០-៥០០រូប។ ព្រោះហេតុនោះ ការបង្កើតសាលាមធ្យមសិក្សាបាលី-ខ្មែរនៅខេត្តត្រាវិញគឺជាលក្ខណៈចាំបាច់ក្នុងការសិក្សាស្រាវជ្រាវ រៀនសូត្រអប់រំស្មារតីព្រះសង្ឃ និងកូនចៅមាមីងជនជាតិខ្មែរ។ ផ្តើមពីតម្រូវការខាងលើ ម៉្យាងទៀត ដើម្បីបង្កើតស្នាដៃអំណរមហាសន្និបាតបក្សគ្រប់លំដាប់ថ្នាក់ ឈានដល់មហាសន្និបាតតំណាងទូទាំងប្រទេសលើកទី១៣របស់បក្ស សាលាមធ្យមសិក្សាបាលី-ខ្មែរត្រាវិញ ចាប់ផ្តើមកសាងនៅដើមឆ្នាំ២០១៨ បច្ចុប្បន្ន សាលាបានពិនិត្យសម្រេចនិងដាក់ឱ្យដំណើរការ ឆ្លើយតបទៅនឹងតម្រូវការបង្រៀននិងរៀនរបស់លោកគ្រូ អ្នកគ្រូ សមណសិស្សនិងសិស្សជនជាតិខ្មែរ"។

យុវតីសិស្សថាច់ធីអាញ់ធឺ សិស្សថ្នាក់ទី១១ ឱ្យដឹង៖ "ប្អូននៅភូមិបន្លាជ័យ ឃុំលឿងហ្វា ស្រុកចូវថាញ់។ គ្រួសារប្អូនជាគ្រួសារក្រីក្រ បន្ទាប់ពីប្រឡងបញ្ចប់កម្រិតអនុវិទ្យាល័យ ប្អូនចុះឈ្មោះចូលរៀននៅសាលាមធ្យមសិក្សាបាលី-ខ្មែរ ក្នុងគោលបំណងចង់បន្តការសិក្សាបានចប់ចុងចប់ដើម រៀននៅសាលានេះពុំសូវបង់ប្រាក់ចំណាយ ថែមទាំងបានទទួលរបបគោលនយោបាយរបស់ខេត្តបានជិត១,២លានដុង/ខែ។ ម្យ៉ាងទៀត សាលានៅទាំងមានកន្លែងសម្រាប់ស្នាក់នៅ។ លោកគ្រូ អ្នកគ្រូ តែងអស់ពីចិត្ត អគារសិក្សាក៏សមរម្យ បំពាក់មូលដ្ឋានសម្ភារៈគ្រប់សព្វ ពួកប្អូនស្ងប់ចិត្តខំប្រឹងរៀនដើម្បីបន្តទៅថ្នាក់ខ្ពស់ ជាងនេះទៀតគឺមុខវិជ្ជាដែលប្អូនចំណូលចិត្ត"។

សាលាមធ្យមសិក្សាបាលី-ខ្មែរត្រាវិញ បច្ចុប្បន្ន មានគ្រូបង្រៀន២៣អង្គនិងរូប ក្នុងនោះមានគ្រូបង្រៀនក្នុងក្របខណ្ឌ២១រូបនិងមានព្រះឧបជ្ឈាយ៍២អង្គ បានខេត្តប្រគល់តួនាទីគ្រប់គ្រងសាលា។ ពុំនោះសោត សាលានៅទាំងអញ្ជើញគ្រូខាងក្រៅចំនួន៦រូប គ្រូបង្រៀនរបស់សាលាសុទ្ធតែមានកម្រិតវិជ្ជាសម្រេចបទដ្ឋាននិងសម្រេចលើបទដ្ឋាន ឆ្លើយតបនឹងតម្រូវការបង្រៀននិងរៀន។ ជាក់ស្តែង ក្នុងវគ្គសិក្សា៣ឆ្នាំកន្លង ចាប់ពីឆ្នាំ២០១៦-២០១៩ សិស្សប្រឡងជាប់កម្រិតមធ្យមសិក្សាចំណេះទូទៅសម្រេច៩៩% រីឯថ្នាក់ពុទ្ធិកសិក្សាទុតិយាភូមិសម្រេច១០០%។ ឆ្នាំសិក្សា២០១៩-២០២០ សាលាមធ្យមសិក្សាបាលី-ខ្មែរត្រាវិញ មានសមណសិស្សនិងសិស្សចំនួន១២៦អង្គនិងរូប រៀន៣ថ្នាក់ ចាប់ពីថ្នាក់ទី១០ ដល់ថ្នាក់ទី១២៕

សឺនម៉ាល័យ-មុនី

ចែករំលែកអត្ថបទ

ពាក្យគន្លឹះ