ព្រឹត្តិការណ៍ - នយោបាយ នយោបាយ

09/12/2019 - 16:50

អាងយ៉ាង៖

បណ្តុះបណ្តាលវិជ្ជាជីវៈជូនជនរួមជាតិភាគតិចជាង ៥.៤៧៦ នាក់

យោងតាមគណៈជនជាតិខេត្តអាងយ៉ាង ការបណ្តុះបណ្តាលវិជ្ជាជីវៈជូនជនរួមជាតិភាគតិចត្រូវបានខេត្តយកចិត្តទុកដាក់ផ្សព្វផ្សាយអនុវត្ត។ ឆ្លងតាមរយៈកម្មវិធី គម្រោង ជាច្រើនចាប់ពីឆ្នាំ ២០១៤រហូតដល់សព្វថ្ងៃនេះ ខេត្តបណ្តុះបណ្តាល វិជ្ជាជីវៈជូនជនរួមជាតិភាគតិចបានជាង៥.៤៧៦នាក់។ ឆ្លងតាមរយៈនោះ ជួយឱ្យពលករជាច្រើនដែលជាជនរួមជាតិភាគតិចមានមុខរបររកបានការងារធ្វើ មានប្រាក់ចំណូលកែលម្អជីវភាព រួមចំណែកកាត់បន្ថយអត្រាគ្រួសារ ក្រីក្រនៅភូមិភាគ។ ខេត្តមានសាលាមធ្យមសិក្សាវិជ្ជាជីវៈជនជាតិអន្តេវាសិកមួយនៅស្រុកទ្រីតូង បច្ចុប្បន្នមានសិក្ខាកាមចូលរៀនចំនួន៧០៥នាក់ ក្នុងនោះ សិក្ខាកាមជនជាតិភាគតិចចំនួន១៩១នាក់។

កម្មាភិបាលសមាគមកសិករស្រុកទ្រីតូង ខេត្តអាងយ៉ាង ចុះមកស្វែងយល់លើកទឹកចិត្តកសិករខ្មែររៀនរបរបង្កើនប្រាក់ចំណូល។

លោកម៉ែនផល្លី ប្រធានគណៈជនជាតិខេត្តអាងយ៉ាង ឱ្យដឹង៖ ជនជាតិភាគតិចតែងចុះឈ្មោះចូលរៀនរបរ ដូចជា៖ បច្ចេកទេសចិញ្ចឹមសត្វសុវត្ថិភាពជីវសាស្រ្ត បច្ចេកទេសចិញ្ចឹមអន្ទង់ កង្កែប គោ ជ្រូក កាត់ដេរឧស្សាហកម្ម សំណង់សាធារណៈ ជួសជុលម៉ូតូ ត្បាញបន្ទោះ ត្បាញសំពត់ហូលខ្មែរ។ល។ សិក្ខាកាមក្រោយពីបានបណ្តុះបណ្តាលវិជ្ជាជីវៈ សុទ្ធតែរកបានការងារធ្វើថ្មី ឬប្រកបការងារចាស់បន្ត ប៉ុន្តែកម្រិតប្រាក់ចំណូលខ្ពស់ជាងមុន។ សិក្ខាកាមខ្លះបង្កការងារធ្វើដោយខ្លួនឯងនៅនឹងភូមិភាគ ហើយខ្លះទៀត ស្វែងរកការងារធ្វើនៅតាមអាជីវកម្មក្នុងនិងក្រៅខេត្ត។ ចំនួនពលករស្ទើរតែទាំងអស់សុទ្ធតែមានការងារធ្វើ និងប្រើប្រាស់ចំណេះដែលបានរៀននៅសាលាទៅក្នុងការផលិតការងារធ្វើ កាត់បន្ថយការចំណាយ លើកកម្ពស់ទិន្នផល បង្កើនប្រាក់ចំណូល៕

ថាញ់ឡុង-វិមាន

ចែករំលែកអត្ថបទ

ពាក្យគន្លឹះ