ព្រឹត្តិការណ៍ - នយោបាយ ព្រឹត្តិការណ៍

25/11/2019 - 16:05

មហាសន្និបាតតំណាងបណ្តាជនជាតិភាគតិចខេត្តកា
ម៉ាវ និងវិញឡុងជោគជ័យល្អប្រសើរ

កាលពីថ្ងៃទី១៨ ខែវិច្ឆិកា ឆ្នាំ២០១៩ នៅក្រុងកាម៉ាវ គណៈកម្មាធិការប្រជាជនខេត្តកាម៉ាវ រៀបចំមហាសន្និបាតតំណាងបណ្តាជនជាតិភាគតិចខេត្តកាម៉ាវ លើកទី៣ ឆ្នាំ២០១៩ យ៉ាងមហោឡារិក។ អញ្ជើញចូលរួមមហាសន្និបាតមានលោកត្រឿងហ្វាប៊ិញ សមាជិកការិយាល័យនយោបាយ ឧបនាយករដ្ឋមន្រ្តីប្រចាំការនៃរដ្ឋាភិបាល ប្រធានគណៈចង្អុលការមហាសន្និបាតតំណាងបណ្តាជនជាតិភាគតិចទូទាំងប្រទេសលើកទី២ ឆ្នាំ២០២០។

ឧបនាយករដ្ឋមន្រ្តីប្រចាំការនៃរដ្ឋាភិបាល ត្រឿងហ្វាប៊ិញ និងលោកង្វៀនតៀងហាយ ប្រធានគណៈកម្មាធិការប្រជាជនខេត្តកាម៉ាវ ជូនប័ណ្ណសរសើរដល់អ្នកតំណាង ។

រូប: http://cema.gov.vn

ក្រោយពីរយៈកាល៥ឆ្នាំផ្សព្វផ្សាយអនុវត្តមកទល់ពេលនេះ ខេត្តកាម៉ាវអនុវត្តសម្រេចរួចរាល់ភាគកម្រិតនិងភារកិច្ចសំខាន់ៗជាច្រើន តាមការអនុវត្តលិខិតប្តេជ្ញាចិត្តនៃមហាសន្និបាតតំណាងបណ្តាជនជាតិភាគតិចខេត្តកាម៉ាវលើកទី២បានដាក់ចេញ។ សេដ្ឋកិច្ច-សង្គមតំបន់ជនជាតិភាគតិច មានការរីកចម្រើនគួរឱ្យកត់សម្គាល់។ នៅតំបន់ជនរួមជាតិបានលេចឡើងនូវគំរូជាច្រើន យកចិត្តទុកដាក់ប្រកបការងាររកស៊ី ឈានឡើងចាកផុតពីភាពក្រីក្រ និងធ្វើមានដោយស្របច្បាប់។ល។ កម្មវិធី គោលនយោបាយឧបត្ថម្ភជាច្រើនរបស់រដ្ឋចំពោះតំបន់ជនជាតិភាគតិចនិងតំបន់ភ្នំ ត្រូវបានគណៈ ផ្នែកគ្រប់លំដាប់ថ្នាក់ និងភូមិភាគចង្អុលការផ្សព្វផ្សាយ អនុវត្តប្រកបដោយប្រសិទ្ធភាព រួមចំណែកកាត់បន្ថយអត្រាគ្រួសារក្រីក្រក្នុងតំបន់ជនជាតិភាគតិចជារៀងរាល់ឆ្នាំពី៣ដល់៤%។

គិតដល់ចុងឆ្នាំ២០១៨ អត្រាគ្រួសារជនជាតិភាគតិចក្រីក្រ កាត់បន្ថយនៅ១.៨៧៤គ្រួសារ សរុបអត្រា១៥,៥៨%ក្នុងចំណោមគ្រួសារក្រីក្រទូទាំងខេត្ត សរុបអត្រា១៦,៣៧% បើប្រៀបធៀបជាមួយនឹងចំនួនគ្រួសារជនជាតិភាគតិច។

ដើម្បីភូមិសាស្រ្តជនជាតិភាគតិចរបស់ខេត្ត មានភាពរីកចម្រើនជាងទៀត ឧបនាយករដ្ឋមន្រ្តីប្រចាំការនៃរដ្ឋាភិបាល ត្រឿងហ្វាប៊ិញ សំណូមពរខេត្តគប្បីពង្រីកសក្តានុពល និងឧត្តមភាពអំពីសេដ្ឋកិច្ចសមុទ្រ។ ទន្ទឹមនឹងនោះ កៀរគរប្រភពកម្លាំងវិនិយោគទូទាំងសង្គម ជំរុញកសាងហេដ្ឋារចនាសម្ព័ន្ធគមនាគមន៍ កែទម្រង់រដ្ឋបាល ជំរុញទឹកចិត្តផ្តើមអាជីព អភិវឌ្ឍន៍ឧស្សាហកម្មបៃតងនិងកែច្នៃជលផល ដំណាំ ឈើហូបផ្លែ ព្រៃឈើ ឧស្សាហកម្មខ្នាតតូច ផ្សារភ្ជាប់នឹងឧត្តមភាពរបស់ភូមិភាគ។ល។

មហាសន្និបាតបានបោះឆ្នោតជ្រើសអ្នកតំណាងពេញសិទ្ធ៥រូប និងអ្នកតំណាងបម្រុង២រូបទៅចូលរួមមហាសន្និបាតតំណាងបណ្តាជនជាតិភាគតិចទូទាំងប្រទេស លើកទី២ ឆ្នាំ២០២០។ ស្របឱកាសនេះដែរ មានសមូហភាពនិងបុគ្គលជាច្រើនដែលសម្រេចស្នាដៃល្អ បានទទួលប័ណ្ណសរសើរពីគណៈកម្មាធិការជនជាតិ និងគណៈកម្មាធិការប្រជាជនខេត្តកាម៉ាវ ។

* មុននេះ ខេត្តវិញឡុងក៏បានរៀបចំជោគជ័យមហាសន្និបាតតំណាងបណ្តាជនជាតិភាគតិចខេត្តវិញឡុងលើកទី៣ ឆ្នាំ២០១៩។ មហាសន្និបាតក៏បានឯកភាព បញ្ជីរាយនាមជ្រើសអ្នកតំណាង៥រូបចូលរួមមហាសន្និបាតថ្នាក់លើ។

រយៈកាល៥ឆ្នាំកន្លង គណៈ ផ្នែកគ្រប់លំដាប់ថ្នាក់លើភូមិសាស្រ្តខេត្តវិញឡុង បានផ្សព្វផ្សាយបញ្រ្ជាបស្មារតីចង្អុលការរបស់គណៈកម្មាធិការបក្សខេត្ត គណៈកម្មាធិការប្រជាជនខេត្ត ក្នុងការអនុវត្តកម្មវិធី គម្រោងពិសេសរបស់រដ្ឋសម្រាប់ជនជាតិភាគតិច។ ផ្តើមពីនោះ ជីវភាពសម្ភារៈ ស្មារតីរបស់ជនជាតិភាគតិច ត្រូវបានលើកស្ទួយជាលំដាប់ គ្រួសារជនជាតិភាគតិច ក្រីក្រ កាត់បន្ថយមធ្យមភាគ៥%/ឆ្នាំ។ ផ្តើមពីប្រភពទុនរបស់រដ្ឋ និងសង្គមូបនីយកម្ម ខេត្ត វិញឡុងសាងសង់ផ្ទះបាន១.៥៣៣ខ្នង ជូនគ្រួសារជនជាតិភាគតិចក្រីក្រ ជំនួយគោពូជចំនួន ៣០០ក្បាលដល់គ្រួសារជនជាតិភាគតិចក្រីក្រ ពង្រីកផលិតកម្ម ដាក់នាឡិកាទឹកចំនួន៧៨៦គ្រឿងជូនគ្រួសារជនជាតិភាគតិចដែលមានស្ថានភាពលំបាក។ល។ ជាពិសេស ខេត្តវិញឡុង ក៏ផ្តោតការយកចិត្តទុកដាក់ក្នុងការអភិរក្ស ពង្រីកតម្លៃវប្បធម៌ រក្សាភាសា អក្សរសាស្រ្តរបស់ជនជាតិភាគតិច ឆ្លងតាមរយៈការផ្តល់សៀវភៅពុម្ព កាសែតដល់វត្តអារាមខ្មែរ រៀបចំកម្មវិធីបង្រៀនអក្សរខ្មែរ អក្សរចិន នៅតាមសាលាដែលមានសិស្សជនជាតិភាគតិចកំពុងរៀន។ល។

ស្របឱកាសនេះ មានសមូហភាពនិងបុគ្គលជាច្រើនសម្រេចបានស្នាដៃល្អ បានទទួលប័ណ្ណសរសើរពីគណៈកម្មាធិការជនជាតិ និងគណៈកម្មាធិការប្រជាជនខេត្តវិញឡុង៕

យោង http://cema.gov.vn ហាថាញ់-មុនី

ចែករំលែកអត្ថបទ

ពាក្យគន្លឹះ