សន្តិសុខ - ការពារប្រទេស សន្តិសុខ

04/11/2019 - 15:17

ប្រសិទ្ធភាពនៃទម្រង់ក្រុមស្វ័យគ្រប់គ្រងវង្សត្រកូល

ក្រុមស្វ័យគ្រប់គ្រងវង្សត្រកូល បានបង្កើតចាប់ពីឆ្នាំ២០១១មក នៅឃុំវិញត្រាច់ដុង ក្រុងបាកលីវ ខេត្តបាកលីវ បានពង្រីកប្រសិទ្ធភាព។ បំផុតគឺក្នុងការផ្សព្វផ្សាយនូវគោលនយោបាយរបស់បក្ស ក្រឹត្យច្បាប់របស់រដ្ឋដល់សមាជិក។ សមាជិកក្នុងក្រុមរស់នៅសាមគ្គី ជួយគ្នាទៅ វិញទៅមកក្នុងការបង្កបង្កើនផល រួមចំណែករក្សាសណ្តាប់ធ្នាប់សុវត្ថិភាពសង្គមនៅភូមិភាគ។

ពេលមានសមាជិកជួបលំបាក ប្រធានក្រុមស្វ័យគ្រប់គ្រងវង្សត្រកូល តែងមកជួបព្រះចៅអធិការវត្តគម្ភីរសាគរព្រែកជ្រៅ ដើម្បីពិភាក្សារកវិធីឧបត្ថម្ភឱ្យបានទាន់ពេល។

បច្ចុប្បន្ន ឃុំវិញត្រាច់ដុង បង្កើតក្រុមស្វ័យគ្រប់គ្រងវង្សត្រកូលបាន ៤ក្រុម៖ វង្សត្រកូលសើុង វង្សត្រកូលថាច់ វង្សត្រកូលត្រឹង និងវង្សត្រកូលឡឹម ដោយមានសមាជិកចូលរួមចំនួន៦០គ្រួសារ។ ឆ្លងតាមរយៈនោះ តាមពេលកំណត់រៀងរាល់ខែ សមាជិកក្នុងក្រុមតែងមកមូលជុំគ្នានៅវត្តគម្ភីរសាគរព្រៃកជ្រៅ ដើម្បីប្រជុំជីវកិច្ច សេដ្ឋកិច្ច វប្បធម៌សង្គមជាដើម។ ទន្ទឹមនឹងនោះ ផ្សព្វផ្សាយអប់រំក្រឹត្យច្បាប់ ចលនាគ្រួសារនីមួយៗចិញ្ចឹមនិងប្រៀនប្រដៅកូនចៅចៀសឆ្ងាយពីបាបគ្រោះសង្គម និងមិនប្រព្រឹត្តបំពានច្បាប់។ ពិសេសក្នុងពេលប្រជុំសមាជិកទាំងឡាយបានស្តាប់នូវមតិ គោលបំណងនិងការលំបាកដែលជួបប្រទះ ដើម្បីស្វែងរកវិធីជួយឧបត្ថម្ភបានទាន់ពេល។ លោកសើុងសុង ប្រធានក្រុមវង្សត្រកូលសើុង ឱ្យដឹង៖ "បង្កើតបានក្រុមស្វ័យគ្រប់គ្រងវង្សត្រកូល គឺមានអត្ថន័យយ៉ាងធំធេងក្នុងការរក្សាសន្តិសុខសណ្តាប់ធ្នាប់ ជួយគ្នាអភិវឌ្ឍន៍សេដ្ឋកិច្ច។ ពីព្រោះក្នុងពេលប្រជុំជីវកិច្ច សមាជិកក្តាប់បានពីការលំបាក និងភាពងាយស្រួលក្នុងជីវភាព; ចែករំលែកបទពិសោធន៍ក្នុងការបង្កបង្កើនផល ចិញ្ចឹមសត្វ; ជួយឧបត្ថម្ភដោយផ្ទាល់ ឬក៏ស្នើរដ្ឋអំណាចជួយឧបត្ថម្ភដល់គ្រួសារដែលលំបាក។ ជាពិសេស ផ្តើមពីប្រជាប្រិយភាពរបស់ខ្លួន ប្រធានក្រុមស្វ័យគ្រប់គ្រងវង្សត្រកូលនៅទាំងចូលរួមសម្រុះសម្រួលបានជោគជ័យនូវករណីលែងលះគ្នានិងជម្លោះដីធ្លី។ល។ កសាងចំណងមនោសញ្ចេតនាភូមិផងរបងជាមួយកាន់តែស្អិតល្មួត"។

ព្រះតេជព្រះគុណយឿងក្វឹង ព្រះចៅអធិការវត្តគម្ភីរសាគរព្រែកជ្រៅ មានថេរដីកា៖ "បង្កើតបានក្រុមស្វ័យគ្រប់គ្រងវង្សត្រកូល គឺមានភាពងាយស្រួលណាស់ក្នុងការឃោសនា ចលនាគ្នាអភិវឌ្ឍន៍សេដ្ឋកិច្ច និងជួយគ្នាចាកផុតពីភាពក្រីក្រ។ ផ្តើមពីទម្រង់នេះ ឃើញថាពុទ្ធបរិស័ទរស់នៅសាមគ្គី និងតែងត្រៀមជួយគ្នាទៅវិញទៅមកដោយអស់ពីចិត្ត បំផុតគឺគ្រួសារក្រីក្រ។ តួយ៉ាងដូច គ្រួសារសើុងឡុក ជីវភាពក្រីក្រ សមាជិកក្នុងក្រុមបានរៃអង្គាសប្រាក់ជួយឧបត្ថម្ភ និងចលនាសប្បុរសជន រួចស្នើរដ្ឋអំណាចផ្ដល់ដីធារនិងជួយសង់ផ្ទះ ព្រមទាំងឧបត្ថម្ភបុលទុនផលិតកម្មទៀត ម្ល៉ោះហើយជីវភាពបានលំនឹង។ ក្រៅពីនោះ ចំពោះសមាជិកដែលក្រីក្រ មានកូនរៀនមហាវិទ្យាល័យ ឬអនុមហាវិទ្យាល័យ សមាជិកក្នុងក្រុមស្វ័យគ្រប់គ្រងវង្សត្រកូល នៅទាំងស្វែងរកវិធីជួយឧបត្ថម្ភដើម្បីកូនចៅរៀនសូត្របានចប់ចុងចប់ដើម។ល។ ច្រើនឆ្នាំកន្លង អាត្មាភាពសង្កេតឃើញទម្រង់នេះល្អណាស់ មានប្រសិទ្ធភាព និងមានអត្ថន័យជាក់ស្តែងក្នុងជីវភាព"។

តាមប្រសាសន៍លោកត្រឹងង៉ុកជៀង លេខាបក្សឃុំវិញត្រាច់ដុង ឆ្លងតាមរយៈការប្រជុំរៀងរាល់ខែរបស់ក្រុងស្វ័យគ្រប់គ្រងវង្សត្រកូល រដ្ឋអំណាចភូមិភាគយល់ច្បាស់ពីលំបាករបស់ប្រជាជន ដើម្បីដោះស្រាយបានទាន់ពេល។ ជាពិសេស ក្រុមស្វ័យគ្រប់គ្រងវង្សត្រកូល បានជួយឱ្យមាមីងយល់ពីក្រឹត្យច្បាប់ និងណែនាំកូនចៅមិនឱ្យបំពានច្បាប់ រួមចំណែករក្សាសន្តិសុខសណ្តាប់ធ្នាប់នៅភូមិភាគ៕

លីធាន-វិមាន

ចែករំលែកអត្ថបទ

ពាក្យគន្លឹះ