ព្រឹត្តិការណ៍ - នយោបាយ ព្រឹត្តិការណ៍

30/09/2019 - 15:41

ឧត្តមសេនីយ៍ឯក ឡេជីម អញ្ជើញមកធ្វើការជាមួយខេត្តសុកត្រាំង ស្តីពីការបង្ការប្រឆាំងបទល្មើស

ក្រុមគណៈប្រតិភូត្រួតពិនិត្យ១៣៨ ដឹកនាំដោយឧត្តមសេនីយ៍ឯក ឡេជីម សមាជិកមជ្ឈិមបក្ស សមាជិកគណៈកម្មាធិការយោធាមជ្ឈិម អនុរដ្ឋមន្រ្តីក្រសួងការពារប្រទេស សមាជិកគណៈចង្អុលការ១៣៨ របស់រដ្ឋាភិបាល បានអញ្ជើញមកធ្វើការជាមួយខេត្តសុកត្រាំង ស្តីពីការបង្ការប្រឆាំងបទល្មើសឆ្នាំ២០១៩ ។

ឧត្តមសេនីយ៍ឯក ឡេជីម ថ្លែងយោបល់ក្នុងកិច្ចប្រជុំនៅខេត្តសុកត្រាំង។

ចាប់តាំងពីដើមឆ្នាំរហូតមកទល់ពេលនេះ គណៈចង្អុលការ ១៣៨ ខេត្តសុកត្រាំង បានរៀបចំកិច្ចផ្សព្វផ្សាយ បញ្ជ្រាប និងអនុវត្តយ៉ាងម៉ឺងម៉ាត់ បណ្តាសេចក្តីសម្រេចរបស់នាយករដ្ឋមន្រ្តី គ្រោងការរបស់ក្រសួងនគរបាល ស្តីពីការបង្ការ ប្រឆាំងបទល្មើស ក៏ដូចជាផែនការអនុវត្តយុទ្ធសាស្រ្តជាតិ ស្តីពីការបង្ការ ប្រឆាំងបទល្មើស ក្នុងដំណាក់កាល២០១៦-២០២០ និងទិសដៅដល់ឆ្នាំ២០៣០។ ជាក់ស្តែងស្ថានភាពបទល្មើស បំពានសណ្តាប់ធ្នាប់សង្គម លើភូមិសាស្រ្តខេត្តថយចុះ២១,៤៩% បើប្រៀបក្នុងពេលតែមួយនៅឆ្នាំ២០១៨; បទល្មើសទាក់ទងនឹងគ្រឿងញៀនស្ថិតក្រោមការគ្រប់គ្រង។ បទល្មើសបំពានសណ្តាប់ធ្នាប់គ្រប់គ្រងសេដ្ឋកិច្ច និងអំពើពុករលួយក៏ថយចុះដែរ។ បទល្មើសខាងបរិស្ថាន ថ្វីត្បិតតែមិនទាន់រកឃើញក៏ដោយ ប៉ុន្តែយោងតាមគណៈចង្អុលការ ១៣៨ ខេត្តសុកត្រាំង បទល្មើសពីការទាញយកផលរ៉ែ ធ្វើជាសម្ភារៈ សំណង់ទូទៅធ្វើអាជីវកម្មរក្ខផលដោយគ្មានបែបបទស្របច្បាប់។ល។ នៅតែកើតមានឡើង។ ទន្ទឹមនឹងនោះ គ្រប់ថ្នាក់គ្រប់ផ្នែក ថែមទាំងកសាងនិងរក្សាទម្រង់មានប្រសិទ្ធភាព ដូចជា៖ “កសាងឃុំ សង្កាត់ខ្លាំង ពូកែខាងសន្តិសុខ-ការពារប្រទេស” ដងផ្លូវប្រជាជនស្វ័យគ្រប់គ្រងបានដាក់អំពូលភ្លើងនៅរាល់មាត់ច្រកផ្ទះ" ផ្តល់ការប្រឹក្សាយោបល់ក្នុងការសម្របខ្លួនក្នុងសហគមន៍ សម្រាប់អ្នកក្រោយពីបោះបង់គ្រឿងញៀន"។ល។ រួមចំណែកដល់ការបង្កការផ្លាស់ប្តូរជាវិជ្ជមានខាងសណ្តាប់ធ្នាប់សង្គមសុវត្ថិភាពនៅភូមិភាគ។

ថ្លែងយោបល់ក្នុងអង្គប្រជុំ ឧត្តមសេនីយ៍ឯក ឡេជីម បានលើកសរសើរ និងឱ្យតម្លៃខ្ពស់ចំពោះ លទ្ធផលនៃការបង្ការនិងប្រឆាំងបទល្មើសនៅឆ្នាំ ២០១៩ ខេត្តសុកត្រាំង ក្នុងរយៈពេលកន្លង។ លោកឧត្តមសេនីយ៍ឯក បានមានប្រសាសន៍ថា គណៈចង្អុលការ១៣៨ ខេត្តសុកត្រាំង គប្បីបន្តការពង្រីកកម្លាំងក្នុងប្រព័ន្ធនយោបាយទាំងមូល ក្នុងការអនុវត្តគោលការណ៍ និងគោលនយោបាយរបស់បក្ស ច្បាប់របស់រដ្ឋ ស្តីពីការបង្ការ ប្រឆាំងបទល្មើស។ ពង្រឹងការអប់រំនយោបាយ សតិអារម្មណ៍ លើកកម្ពស់សមត្ថភាព ក្រមសីលធម៌វិជ្ជាជីវៈ ស្មារតីទទួលខុសត្រូវចំពោះកងកម្លាំងអនុវត្តច្បាប់។ ផ្លាស់ថ្មី លើកកម្ពស់ប្រសិទ្ធភាពការងារផ្សព្វផ្សាយ ឃោសនា និងអប់រំច្បាប់។ លើកកម្ពស់សុពលភាព ប្រសិទ្ធភាពក្នុងការគ្រប់គ្រងរបស់រដ្ឋលើវិស័យដែលងាយនឹងកើតមានបទល្មើសនិងការបំពានច្បាប់៕

យ្វីអាញ់ - ប្រែសម្រួល៖ វ៉ាន់តឹន

ចែករំលែកអត្ថបទ

ពាក្យគន្លឹះ