មហាសាមគ្គីជនជាតិ ភូមិស្រុកផ្លាស់ថ្មី

27/08/2019 - 08:57

ភូក្វឹក កសាងជនបទថ្មី

ស្រុកកោះភូក្វឹក ខេត្តកៀងយ៉ាងនៅចម្ងាយពីមជ្ឈមណ្ឌលក្រុងរ៉ាចយ៉ាប្រហែល១២០គីឡូ ម៉ែត្រ។ ជាភូមិសាស្រ្តប្រកបដោយទិដ្ឋភាពភ្នំ ដីក្រួសក្រហម បូកជាមួយនឹងអាកាសធាតុសមុទ្រ កោះមានភាពសោះកក្រោះ ម្ល៉ោះហើយកិច្ចការកសាងជនបទថ្មីជួបលំបាក។ ថ្វីបើដូច្នោះក្ដី កោះភូក្វឹកមានឧត្តមភាពក្នុងការអភិវឌ្ឍផ្នែកកសិកម្មសមុទ្រ កោះ។ ជាពិសេស គឺអភិវឌ្ឍទេសចរណ៍ក្នុងដំណើរការកសាងជនបទថ្មី។

ស្ពានយឹញបា នៅឃុំហាមនិញ ត្រូវបានកសាងដោយបេតុងដើម្បីតភ្ជាប់ជាមួយនឹងផ្លូវធំរបស់កោះ។

តាមប្រសាសន៍ លោកង្វៀនហ៊ឺវថុង ជាគ្រូបង្រៀននៅមជ្ឈមណ្ឌលបំប៉ននយោបាយស្រុកភូក្វឹក ឱ្យដឹង៖ អនុវត្តការប្រឡងប្រណាំងកសាងជនបទថ្មី នៅស្រុកភូក្វឹក មានឃុំចំនួន៨/៨ សុទ្ធតែខ្នះខ្នែងផ្សព្វផ្សាយបានទូលំទូលាយនៅតាមគ្រួសារដើម្បីចលនាប្រជាជនរួមជាមួយរដ្ឋអំណាចអនុវត្តលក្ខឋានជនបទថ្មី។ រយៈពេលកន្លង ភូមិភាគជាច្រើនបានកសាងផ្លូវជនបទនិងស្ពានបេតុងជាច្រើនខ្សែតភ្ជាប់ភូមិនៅតំបន់ជ្រៅឆ្ងាយភ្ជាប់នឹងផ្លូវធំ។ យោងតាមស្ថិតិ មានដងផ្លូវជាង២២ខ្សែបានកសាងថ្មី សរុបប្រវែងបណ្ដោយជាង៧គីឡូម៉ែត្រ ចំណែកប្រភពថវិកាចលនារួមចំណែកជាង៣ពាន់លានដុង។ ចំពោះដងផ្លូវកសាងថ្មី គឺនៅតាមឃុំកឿយឿង យឿងតើ៣ ហ្គាញយ៉ូវ ហាមនិញជាដើម។ មិនត្រឹមតែបង្កលក្ខណសម្បត្តិជូនប្រជាជនដាំដុះ ចិញ្ចឹមសត្វប៉ុណ្ណោះទេ នៅទាំងមានភាពងាយស្រួលក្នុងការអភិវឌ្ឍទេសចរណ៍ទៀតផង។ បងណើរទៅមកបានងាយស្រួល នាងខ្ញុំទៅធ្វើការនៅភោជនីយដ្ឋានឯទីប្រជុំជនយឿងដុង ភ្ញៀវទេសចរមកទស្សនាកោះភូក្វឹកយ៉ាងកុះករ ម្ល៉ោះហើយរកបានប្រាក់ចំណូលបង្គួរ។

ដោយលក្ខណៈពិសេសនៃធម្មជាតិ ម្ល៉ោះហើយលក្ខណសម្បត្តិដីធ្លីនៅតាមឃុំកោះភូក្វឹកមិនសូវមានជីជាតិ ការិយាល័យសេដ្ឋកិច្ចស្រុកភូក្វឹក បានសហការជាមួយនឹងការិយាល័យកសិកម្ម ចាត់តាំងសិក្ខាសាលាជាច្រើនលើក សំដៅចលនាប្រជាជនអនុវត្តទម្រង់សេដ្ឋកិច្ចសមស្រប។ ស្រុកភូក្វឹក បានផ្សព្វផ្សាយកន្លែងសំដែងបង្ហាញអនុវត្តកម្មវិធី Heifer នៅឃុំកឿយឿង រួមមាន១០កន្លែងចិញ្ចឹមជ្រូកមេ អភិរក្សប្រភពហ្សែនត្រី អណ្ដែងជ្រោះភូក្វឹក និងកម្មវិធីជលផលទឹកប្រៃ ទឹកភ្លាវ។

ក្រៅពីនោះ ការិយាល័យសម្របសម្រួលជនបទថ្មីខេត្តកៀងយ៉ាង សាលាកម្មាភិបាលគ្រប់គ្រងកសិកម្មនិងអភិវឌ្ឍន៍ជនបទ ក៏បានចាត់តាំងបើកថ្នាក់ហ្វឹកហ្វឺន បំពាក់បំប៉នចំណេះដឹងកសាងជនបទថ្មីជូនសមូហភាព និងបុគ្គលដែលពាក់ព័ន្ធ ដើម្បីអនុវត្តប្រកបដោយប្រសិទ្ធភាពនូវកម្មវិធីកសាងជនបទថ្មីនៅភូមិភាគ។ ទន្ទឹមនឹងនោះ គ្រប់ថ្នាក់អំពីបច្ចេកទេសចិញ្ចឹមត្រីក្នុងក្បូន ចិញ្ចឹមមាន់សុវត្ថិភាពជីវសាស្ត្រ ចិញ្ចឹមជ្រូក ដាំត្រសក់អន្លក់ ប្រពលវប្បកម្មម្រេចដោយជីសរីរាង្គអតិសុខុមប្រាណ ដាំទៀប ដូងសៀម។ល។ តែងតែទាក់ទាញប្រជាជនចូលរួមយ៉ាងច្រើន ម្ល៉ោះហើយការផ្សព្វផ្សាយអនុវត្តបានយ៉ាងល្អ។ តាមប្រសាសន៍លោកង្វៀនហ៊ឺវថុង កោះភូក្វឹកកំពុងខិតខំដល់ឆ្នាំ២០២០ នឹងមានឃុំទាំង១០០%លើភូមិសាស្ត្រសម្រេចបទដ្ឋានជនបទថ្មី៕

ហាថាញ់ - ថាច់ធី

ចែករំលែកអត្ថបទ

ពាក្យគន្លឹះ