ព្រឹត្តិការណ៍ - នយោបាយ ព្រឹត្តិការណ៍

29/07/2019 - 09:06

ភូមិភាគជាច្រើនអនុវត្តសម្រេចរួចរាល់មហាសន្និបាតតំណាងបណ្តាជនជាតិភាគតិចឆ្នាំ២០១៩

តាមប្រសាសន៍លោកយ័ញភុក ប្រធានគណៈជនជាតិខេត្តកៀងយ៉ាង ឱ្យដឹង៖ ស្រុក ក្រុង លើភូមិសាស្រ្ត បានរៀបចំរួចស្រេចមហាសន្និបាតតំណាងបណ្តាជនជាតិភាគតិចឆ្នាំ២០១៩។

អ្នកតំណាងស្រុកវិញធ្វឹង កៀងយ៉ាង ត្រូវបានជ្រើសតាំងចូលរួមមហាសន្និបាតថ្នាក់ខេត្ត។

អង្គភាពមួយចំនួនលើភូមិសាស្រ្តខេត្ត មានជនរួមជាតិភាគតិចរស់នៅកុះករ ដូច៖ ស្រុកហ្គក្វាវ អនុវត្តបានល្អនូវគោលនយោបាយឧបត្ថម្ភលំនៅឋាន ដីធារផ្ទះ ដីបង្កបង្កើនផល ទឹកស្អាតប្រើប្រាស់ជាដើម និងដោះស្រាយការងារធ្វើជូនជនរួមជាតិភាគតិចក្រីក្រចំនួន១៧១គ្រួសារ គិតជាតម្លៃទឹកប្រាក់ជាង២ពាន់លានដុង។ ពិសេស អនុវត្តសេចក្តីសម្រេចលេខ៧៥៥របស់នាយករដ្ឋមន្រ្តីនៃរដ្ឋាភិបាល ផ្តើមពីប្រភពទុន លើភូមិសាស្រ្តស្រុកបានវិនិយោគកសាងថ្មីនិងបង្កើនថាមពល ពង្រីកសំណង់ផ្គត់ផ្គង់ទឹក ប្រមូលផ្តុំនៅតំបន់ដែលមានជនរួមជាតិភាគតិចរស់នៅកុះករ ដោយតម្លៃទឹកប្រាក់ជាង៤ពាន់លានដុង។ល។

ក្នុងរយៈពេល៥ឆ្នាំកន្លង ស្រុកវិញធ្វឹង បានដោះស្រាយបន្ទាន់ជូនគ្រួសារជនជាតិភាគតិចចំនួន១៣មានដីសង់ផ្ទះ ក្នុងនោះ មានគ្រួសារចំនួន១.៣៧៥ បានបុលទុនអភិវឌ្ឍផលិតកម្មនិងផ្លាស់ប្តូរមុខរបរគ្រួសារចំនួន៧៨៨បានជំនួយទឹកស្អាតប្រើប្រាស់ ទៅសួរសុខទុក្ខ និងជូនអំណោយក្នុងឱកាសថ្ងៃបុណ្យទានដល់គ្រួសារគោលនយោបាយ អ្នកមានប្រជាប្រិយក្នុងតំបន់ជនរួមជាតិភាគតិច។ ទន្ទឹមនឹងការឧបត្ថម្ភ អភិឌ្ឍសេដ្ឋកិច្ច កសាងមូលដ្ឋានហេដ្ឋារចនាសម័្ពន្ធ កាត់បន្ថយភាពក្រីក្រ ដោះស្រាយការងារធ្វើ ស្រុកបានផ្តោតការយកចិត្តទុកដាក់ដល់ការអភិរក្សពង្រឹង និងពង្រីក រក្សាអត្តសញ្ញាណវប្បធម៌ជនជាតិភាគតិច ដូច៖ បន្តរក្សាការបង្រៀននិងរៀនអក្សរខ្មែរនាឱកាសវិស្សមកាលនៅតាមវត្តអារាម អនុវត្តល្អកម្មវិធី គោលនយោបាយរបស់មជ្ឈិម នាំមកស្ថិរភាពសន្តិសុខនយោបាយ សណ្តាប់ធ្នាប់សុវត្ថិភាពសង្គម។ ម្យ៉ាងទៀត ជនរួមជាតិភាគតិច អនុវត្តយ៉ាងម៉ឺងម៉ាត់ គោលនយោបាយរបស់បក្ស ក្រឹត្យច្បាប់របស់រដ្ឋ ខិតខំធ្វើការរកស៊ីឈានឡើង រួមចំណែកក្នុងការងារសប្បុរសធម៌នៅភូមិភាគ។ល។

* លោកស៊ូការី ប្រធានការិយាល័យនៃគណៈជនជាតិខេត្តអាងយ៉ាង ឱ្យដឹង៖ មកដល់ពាក់កណ្តាលខែកក្កដា មហាសន្និបាតតំណាងបណ្តាជនជាតិភាគតិចឆ្នាំ២០១៩ នៅតាមស្រុក ក្រុងលើភូមិសាស្រ្តខេត្ត ត្រូវបានរៀបចំសម្រេចរួចរាល់។ គណៈជនជាតិខេត្ត កំពុងត្រៀមបម្រុងដើម្បីដំណើរការរៀបចំមហាសន្និបាតតំណាងបណ្ដាជនជាតិភាគតិចខេត្តអាងយ៉ាង លើកទីIII ឆ្នាំ២០១៩ នៅខែតុលា ឆ្នាំ២០១៩។

* អនុវត្តផែនការលេខ៣៤៣៤/KH-UBND គណៈកម្មាធិការប្រជាជនខេត្តវិញឡុង បណ្តាស្រុក ទីរួមខេត្ត និងក្រុងនានាលើភូមិសាស្រ្ត បានរៀបចំមហាសន្និបាតតំណាងបណ្តាជនជាតិភាគតិចខេត្តវិញឡុង ឆ្នាំ២០១៩ ក្រោមបធានបទ “បណ្តាជនជាតិសាមគ្គី ពង្រីកកម្លាំងផ្ទៃក្នុង សមាហរណកម្ម និងអភិវឌ្ឍន៍”។ រីឯស្រុកតាមប៊ិញ ត្រូវបានជ្រើសជាកន្លែងរៀបចំមហាសន្និបាតគំរូកាលពីចុងខែមិថុនា ឆ្នាំ២០១៩ កន្លែងអង្គភាពដទៃពីនោះ រៀបចំមហាសន្និបាតសម្រេចរួចរាល់ក្នុងខែសីហា ឆ្នាំ២០១៩ ដើម្បីត្រៀមសម្រាប់មហាសន្និបាតថ្នាក់ខេត្តនៅខែតុលា ឆ្នាំ២០១៩៕

កាសែតកឹងធើភាសាខ្មែរ(សរុប)

ចែករំលែកអត្ថបទ

ពាក្យគន្លឹះ